16
Sat, Feb
651 New Articles

ပေကျင်းမြို့ ရှိ တော်ဝင်ပန်းခြံကို ယူနက်စကိုစာရင်းဝင်ဖြစ်ရန် အတွက် ရှေးမူမပျက် ပြုပြင်ဆောင်ရွက်လျက်ရှိ

တော်ဝင်ကျင်ဆန်းပန်းခြံအားတွေ့ရစဉ် (ဓာတ်ပုံ--အင်တာနက်) Culture & Entertainment

ပေကျင်း၊ ဇန်နဝါရီ ၁၅ ရက် (ဆင်ဟွာ)

တရုတ်နိုင်ငံမြို့တော် ပေကျင်းမြို့ သည် ၎င်း၏ အထင်ကရရှေးဟောင်းအဆောက်အဦးများ ကို ယူနက်စကို အမွေအနှစ်စာရင်းဝင်ရန် ကြိုးပမ်းအားထုတ်မှု၏ တစ်စိတ်တစ်ပိုင်းအဖြစ် ၊ တော်ဝင်ကျင်ဆန်းပန်းခြံ ပရဝဏ် အတွင်းရှိသောရှေးဟောင်းအဆောက်အဦများ ပြုပြင်ထိန်းသိမ်းမှု ကို အဆင့်မြှင့်တင် ဆောင်ရွက်လျက်ရှိကြောင်း ဇန်နဝါရီလ ၁၅ ရက်နေ့ထုတ် China Daily သတင်းစာတွင်ဖော်ပြခဲ့သည်။

ကျင်ဆန်းပန်းခြံသည် ပေကျင်းမြို့၏ အထင်ကရ အစိတ်အပိုင်းတစ်ခုဖြစ်ပြီး၊ တရုတ်ရှေးဟောင်းနန်းတော် (Forbidden City)  ၏ မြောက်ဘက်နှင့် အလွန်နီးကပ်စွာ တည်ရှိကြောင်း သိရသည်။ 

ယနေ့အချိန်တွင် တော်ဝင်ကျင်ဆန်းပန်းခြံ အတွင်း၊ ရှေးဟောင်း အဆောက်အအုံမဟုတ်သည့် ၁၀၀၀ စတုရန်းမီတာ တွင်ရှိသော အဆောက်အဦးများအားဖြိုဖျက်ခြင်း၊ ၄၀၀ စတုရန်းမီတာအတွင်းရှိ ရှေးဟောင်းအဆောက်အဦ များကို ပြုပြင်ထိန်းသိမ်းခြင်းများကို ဆောင်ရွက်လျက်ရှိကြောင်း  တော်ဝင်ကျင်ဆန်းပန်းခြံ ၏ အကြီးအကဲဖြစ်သူ ချုံယိဖုန် (Cong Yipeng) ၏ ပြောကြားချက်အရ သိရသည်။

ပေကျင်းမြို့ ၏ အဓိက ဝင်ရိုး ဖြစ်သည့် ၈ ကီလိုမျဉ်းတစ်လျှောက်တွင် City Center နှင့် ထျန်အန်းရင်ပြင်( Tian’anmen Square) တို့ ရှိကြောင်း သိရသည်။

၂၀၁၈ ခုနှစ် ဇူလိုင်လ တွင် ထုတ်ပြန်သည့် တရားဝင်အချက်အလက်အရ  ပေကျင်းမြို့ ၏ အဓိက ဝင်ရိုးပေါ်တွင် ရှေးဟောင်းအဆောက်အုံ ၁၄ နေရာ ရှိကြောင်း၊ ကျန်းရန်ဂိတ် (Zhengyang Gate) ၊ရှေးဟောင်းနန်းတော် (Forbidden City) နှင့် တော်ဝင်ကျင်ဆန်းပန်းခြံ တို့ ပါရှိကြောင်း သိရသည်။

အဓိကကျသည့် ရှေးဟောင်းအမွေအနှစ်နေရာများ ကို   ၂၀၃၅ ခုနှစ် တွင်ကမ္ဘာ့ရှေးဟောင်းအမွေအနှစ် စာရင်းဝင်အဖြစ်လျှောက်ထားရန် မျှော်လင့်ထားကြောင်း သိရသည်။  (Xinhua)