18
Mon, Nov
486 New Articles

ပထမကိုးလအတွင်း တရုတ်နိုင်ငံ၏ ဂျီဒီပီ ၆ ဒသမ ၂ ရာခိုင်နှုန်း မြင့်တက်

တရုတ်နိုင်ငံရှိ ကားထုတ်လုပ်ရေးစက်ရုံ လုပ်ငန်းခွင်တစ်နေရာအား တွေ့ရစဉ် (ဆင်ဟွာ) Economy

ပေကျင်း၊ အောက်တိုဘာ ၁၉ ရက် (ဆင်ဟွာ)

တရုတ်နိုင်ငံ၏ ဂျီဒီပီ (GDP) သည် ၂၀၁၉ ခုနှစ် ပထမကိုးလအတွင်း ၂၀၁၈ ခုနှစ်ကထက် ၆.၂ ရာခိုင်နှုန်း မြင့်တက်လာခဲ့ပြီး ယွမ် ၆၉ ဒသမ ၇၈ ထရီလီယံခန့် (အမေရိကန်ဒေါ်လာ ၉ ဒသမ ၈၇ ထရီလီယံ) ရှိခဲ့ကြောင်း အောက်တိုဘာ ၁၈ ရက်တွင် အမျိုးသား စာရင်းအင်းဗျူရို (NBS) ၏ အချက်အလက်အရ သိရသည်။

ယင်းသို့ တိုးတက်မှုသည် ၂၀၁၉ ခုနှစ်အတွက် ၆ မှ ၆ ဒသမ ၅ ရာခိုင်နှုန်းတိုးတက်ရမည်ဟူသော အစိုးရ၏ နှစ်ပတ်လည် ရည်မှန်းချက်အတွင်း ဝင်ရောက်ခဲ့သည်။

တရုတ်နိုင်ငံသည် ကမာ္ဘ့စီးပွားရေး တိုးတက်မှုနှေးကွေးခြင်းနှင့် ပြင်ပ မသေချာခြင်းများကို ရင်ဆိုင်ခဲ့ရသော်လည်း ခြုံငုံကြည့်ပါက စီးပွားရေးအား တည်ငြိမ်စွာ ထိန်းထားနိုင်ခဲ့ကြောင်း စာရင်းအင်းဆိုင်ရာ အာဏာပိုင်က သတင်းစာရှင်းလင်းပွဲ၌ ပြောခဲ့သည်။

အချက်အလက် ဖော်ပြထားချက်အရ ဝန်ဆောင်မှုကဏ္ဍမှပမာဏမှာ စုစုပေါင်း ဂျီဒီပီ၏ ၅၄ ရာခိုင်နှုန်းရှိပြီး ယခုနှစ် ပထမကိုးလ၌ ၇ ရာခိုင်နှုန်းမြင့်တက်ခဲ့ကာ ၂ ဒသမ ၉ ရာခိုင်နှုန်းရှိသော ပင်မလုပ်ငန်းနှင့် ၅ ဒသမ ၆ ရှိသော ဒုတိယလုပ်ငန်းများအား ကျော်တက်သွားခဲ့ကြောင်း သိရသည်။ (Xinhua)