18
Fri, Oct
573 New Articles

တရုတ်နိုင်ငံဝန်ကြီးချုပ် လီခဲ့ချန် နှင့် အီသီယိုးပီးယားနိုင်ငံ ဝန်ကြီးချုပ်တို့တွေ့ဆုံ

တရုတ္ႏိုင္ငံ ဝန္ႀကီးခ်ဳပ္ လီခဲ့ခ်န္ (ယာ) ႏွင့္ အီသီယိုးပီးယားႏုိင္ငံ ဝန္ႀကီးခ်ဳပ္ Abiy Ahmed Ali (ဝဲ) တို႕ ေပက်င္းၿမိဳ႕၌ ဧၿပီ ၂၄ရက္တြင္ ေတြ႕ဆံုစဥ္ (ဆင္ဟြာ) Politics, Law & Military

ပေကျင်း၊ ဧပြီ ၂၅ ရက် (ဆင်ဟွာ)

တရုတ်နိုင်ငံ ဝန်ကြီးချုပ် လီခဲ့ချန် နှင့် အီသီယိုးပီးယားနိုင်ငံ ဝန်ကြီးချုပ် Abiy Ahmed Ali တို့သည် ပေကျင်းမြို့ ၌ ဧပြီ ၂၅ရက်မှ ၂၇ရက်အထိ ကျင်းပမည့် ဒုတိယအကြိမ်မြောက် နိုင်ငံတကာပူးပေါင်းဆောင်ရွက်မှုဆိုင်ရာ ခေတ်သစ်ပိုးလမ်းမကြီးဖိုရမ် မတိုင်မီ ဧပြီ ၂၄ ရက်က တွေ့ဆုံခဲ့ကြောင်း သိရသည်။

တရုတ်-အာဖရိက ဆက်ဆံရေးများ တွင် နှစ်နိုင်ငံချစ်ကြည်ရေး၏ အရေးကြီးပုံကို ပြောကြားရာတွင် လီက ခေတ်သစ်ပိုးလမ်းမကြီးအကောင်အထည်ဖော်မှု အောက်တွင် ပူးပေါင်းဆောင်ရွက်မှုများကို အီသီယိုးပီးယားနိုင်ငံနှင့် ပူးပေါင်းလုပ်ဆောင်ရန် နှင့် ၂၀၁၈ခုနှစ် တရုတ်-အာဖရိက ပူးပေါင်းဆောင်ရွက်မှု ဖိုရမ် မှ ရလဒ်များကို ပြီးပြည့်စုံအောင်ဆောင်ရွက်ရန် တရုတ်နိုင်ငံအနေဖြင့် အသင့်ဖြစ်နေကြောင်း ပြောကြားခဲ့သည်။

တရုတ်နိုင်ငံသည် အခြေခံအဆောက်အအုံ အပါအဝင် အခြားသော ကဏ္ဍများတွင် အီသီယိုးပီးယားနိုင်ငံ နှင့် နက်ရှိုင်းစွာ ပူးပေါင်းဆောင်ရွက်ရန်၊ Addis Ababa-Djibouti ရထားလမ်းတစ်လျှောက် ရှိ ဒေသများဖွံ့ဖြိုးတိုးတက်မှု နှင့် Addis Ababaမြို့ ရှိ မြစ်ကမ်းဘေးစီမံကိန်းအား ထောက်ပံ့ရန် ဆန္ဒရှိကြောင်း လီကပြောကြားခဲ့သည်။

Abiy Ahmed Ali က အီသီယိုးပီးယားနိုင်ငံသည် တရုတ်နိုင်ငံအား အရေးပါသည့် မိတ်ဖက်တစ်ဦးအဖြစ် သတ်မှတ်ပါကြောင်း၊ South-South ပူးပေါင်းဆောင်ရွက်မှု နှင့် အာဖရိက-တရုတ်ပူးပေါင်းဆောင်ရွက်မှု အတွက် စံပြတစ်ခုဖြစ်လာစေရန်အတွက် နယ်ပယ်ကဏ္ဍအသီးသီးတွင် တရုတ်နိုင်ငံနှင့် လက်တွေ့ကျသော ပူးပေါင်းမှုများကို တိုးတက်အောင် ဆောင်ရွက်လိုစိတ်ရှိကြောင်းပြောကြားခဲ့သည်။

လီခဲ့ချန် နှင့် Abiy Ahmed Ali တို့သည် တွေ့ဆုံပွဲအပြီး နှစ်နိုင်ငံအကြား သဘောတူညီချက်များ လက်မှတ်ရေးထိုးစဉ် အသိသက်သေများအဖြစ် ဆောင်ရွက်ခဲ့ကြောင်း သိရသည်။ (Xinhua)