06
Fri, Dec
477 New Articles

တရုတ်နိုင်ငံ ဝန်ကြီးချုပ် လီခဲ့ချန်က ဗြိတိန်ဝန်ကြီးချုပ် ဘောရစ်ဂျွန်ဆင်ထံ ဝမ်းမြောက်ကြောင်း ဂုဏ်ပြုသဝဏ်လွှာပေးပို့

တရုတ္ႏုိင္ငံ ၀န္ႀကီးခ်ဳပ္ လီခဲ့ခ်န္အား ေတြ႔ရစဥ္ (ဆင္ဟြာ) Politics, Law & Military

ပေကျင်း၊ ဇူလိုင် ၂၅ ရက်(ဆင်ဟွာ)

တရုတ်နိုင်ငံ ဝန်ကြီးချုပ် လီခဲ့ချန်က ဗြိတိန်ဝန်ကြီးချုပ်သစ် ဘောရစ်ဂျွန်ဆင်ထံသို့ ဝန်ကြီးချုပ်အဖြစ် ခန့်အပ်ခံရသည့်အတွက် ဝမ်းမြောက်ကြောင်း ဂုဏ်ပြုသဝဏ်အလွှာကို ဇူလိုင် ၂၄ ရက်တွင် ပေးပို့ခဲ့ ကြောင်း သိရသည်။

ယင်းသဝဏ်လွှာတွင် တရုတ်နိုင်ငံ ဝန်ကြီးချုပ် လီခဲ့ချန်က ယခုနှစ်ပိုင်းများတွင် တရုတ်-ဗြိတိန် နှစ်နိုင်ငံဆက်ဆံရေးသည် ကောင်းမွန်စွာ ဖွံ့ဖြိုးတိုးတက်လျက်ရှိရာ အဆင်မြင့်အရာရှိဆက်ဆံရေး နီးနီးကပ်ကပ်ရှိသလို ကဏ္ဍစုံပူးပေါင်းဖလှယ်မှုရလဒ်များသည် အောင်မြင်မှုများစွာရှိခဲ့ကြောင်း ၊ ဗြိတိန်ဝန်ကြီးချုပ် ဘောရစ်ဂျွန်ဆင် လန်ဒန်မြို့တော်ဝန်အဖြစ် တာဝန်ထမ်းဆောင်စဉ်အခါကသော် လည်းကောင်း ၊နိုင်ငံခြားရေးဝန်ကြီး အဖြစ် တာဝန်ထမ်းဆောင်စဉ်အခါကသော်လည်းကောင်း နှစ်နိုင်ငံ ဆက်ဆံရေးနက်နက်နဲနဲဖြစ်စေရန် တက်ကြွစွာ အားထုတ်ကြိုးပမ်းမှုများကိုလည်း ဝမ်းမြောက်ချီးကျူးပါကြောင်း ပြောကြားခဲ့သည်။

ထို့အပြင် ဝန်ကြီးချုပ် လီခဲ့ချန်က တရုတ်နိုင်ငံအနေဖြင့် နှစ်နိုင်ငံဆက်ဆံရေးဖွံ့ဖြိုးတိုးတက်ရန် အလေးထားကြောင်း ၊ မိမိအနေဖြင့် ဝန်ကြီးချုပ် ဘောရစ်ဂျွန်ဆင်နှင့်အတူ အပြန်အလှန်လေးစားမှု၊ တရားမျှတမှုကို အခြေခံ၍ နှစ်နိုင်ငံ နိုင်ငံရေးအပြန်အလှန် ယုံကြည်မှု နက်နဲအောင် ဆောင်ရွက်ခြင်း၊ ကဏ္ဍစုံ ပူးပေါင်းလက်တွဲ လက်တွေ့အကောင်အထည်ဖော်မှုများကို ကျယ်ပြန့်စွာ ဆောင်ရွက်ခြင်းဖြင့် တရုတ်-ဗြိတိန် ဆက်ဆံရေး၏ “ရွှေရောင်ခေတ်” ဦးတည်ချက်အတိုင်း တည်ငြိမ်စွာ ရှေ့ဆက်ဖွံ့ဖြိုး တိုးတက်အောင် အတူ တွန်းအားပေး ကြိုးပမ်းဆောင်ရွက်သွားလိုကြောင်း ၊နိုင်ငံပေါင်းစုံဘက်ပေါင်းစုံ ဝါဒကို ကာကွယ်ထိန်းသိမ်းကာ လွတ်လပ်သော ကုန်သွယ်ရေး၊ ပွင့်လင်းသည့် ကမ္ဘာ့စီးပွါးရေးကို တည်ဆောက်ရန် အကျိုးဆောင်လိုကြောင်း ပြောကြားခဲ့သည်။ (Xinhua)