ရန်ကုန်၊ ဇွန် ၁၅ ရက် (ဆင်ဟွာ) 

အမျိုးသားယဉ်ကျေးမှုနှင့်အနုပညာတက္ကသိုလ် (မန္တလေး) ၂၀၁၉ - ၂၀၂၀ ပညာသင်နှစ် တွင် တက်ရောက် ပညာသင်ကြားလျက် ရှိသည့် ကျောင်းသား၊ ကျောင်းသူ များအား ဇွန်လ ဒုတိယပတ်မှစ၍ အွန်လိုင်းပညာရေးစနစ်ဖြင့်သင်ကြားပေးလျက်ရှိကြောင်း၊ ကျောင်းများပြန်ဖွင့်ချိန် ရေရှည်တွင်လည်း အွန်လိုင်းပညာရေးစနစ်ကို ပူးတွဲအသုံးပြုသွားမည်ဖြစ်ကြောင်း၊ အမျိုးသားယဉ်ကျေးမှုနှင့်အနုပညာတက္ကသိုလ် (မန္တလေး) ဒုတိယပါမောက္ခချုပ် ဦးမောင်မောင်ဇော်ထက်က ဆင်ဟွာသို့ ယနေ့ဇွန် ၁၅ ရက်တွင်ပြောသည်။

ရန်ကုန်၊ ဇွန် ၁၅ ရက် (ဆင်ဟွာ) 

ကမ္ဘာ့အမွေအနှစ်စာရင်းဝင် ပုဂံဒေသတွင် စေတီပုထိုး ၁၂ ဆူ ဌာပနာ အဖောက်ခံရသည့်ကိစ္စရပ်အပေါ် ကမ္ဘာ့အမွေအနှစ်ကော်မတီ၏ နှစ်စဉ် ပြန်လည်သုံးသပ်သည့် အစည်းအဝေးသို့ တင်ပြသွားရမည့် အနေအထားရှိနေကြောင်း သာသနာရေး နှင့် ယဉ်ကျေးမှု ဝန်ကြီးဌာန ယဉ်ကျေးမှုဦးစီးဌာန ဒုတိယညွှန်ကြားမှူး ဦးအာကာကျော်က ဆင်ဟွာသို့  ယနေ့ ဇွန် ၁၅ ရက်တွင်ပြောကြားခဲ့သည်။

ရန်ကုန်၊ မေ ၂၅ ရက် (ဆင်ဟွာ)

၂၀၂၀ပြည့်နှစ်တွင် မြစ်ဝကျွန်းပေါ်ဒေသတွင် မုတ်သုံအဝင်နောက်ကျခဲ့သည့်အတွက် မိုးကြိုကာလတွင် ရာသီဥတုပေါ်မူတည်၍ ရေလိုအပ်မှုနည်းသည့် သီးနှံများ ကို တောင်သူများ အနေဖြင့် စိုက်ပျိုးသင့်ကြောင်း၊ နည်းပညာအခက်ခဲရှိပါက စိုက်ပျိုးရေးဦးစီးဌာန သို့ ဆက်သွယ်အကူအညီတောင်းခံနိုင်ကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ညွှန်ကြားရေးမှူးချုပ်ဒေါက်တာရဲတင့်ထွန်းက ဆင်ဟွာသို့ မေ ၂၅ ရက်တွင်ပြောသည်။

ရန်ကုန်၊ မေ ၁၄ ရက် (ဆင်ဟွာ)

ပုဂံယဉ်ကျေးမှုအမွေအနှစ်ဒေသတွင် ရွှေကျင်ရန် တူးဖော်နေခြင်းကို တားမြစ်ဆောင်ရွက်ခဲ့ကြောင်း၊ လက်ရှိတွင်လည်း ပုဂံယဉ်ကျေးမှုဒေသ၏ လုံခြုံရေး ကိုဆက်လက်စောင့်ကြည့်လျက်ရှိကြောင်း သာသနာရေး နှင့်ယဉ်ကျေးမှုဝန်ကြီးဌာန၊ ရှေးဟောင်းသုတေသန နှင့် အမျိုးသားပြတိုက်ဦးစီးဌာန မှ ဒုတိယညွှန်ကြားရေးမှူးချုပ် ဦးကိုကိုနိုင်က ဆင်ဟွာသို့  ယနေ့ မေ ၁၄ ရက် တွင် ပြောကြားခဲ့သည်။

ရန်ကုန်၊ မတ် ၂၀ ရက် (ဆင်ဟွာ)

ကမ္ဘာ့အမွေအနှစ်စာရင်းဝင် ပျူမြို့ဟောင်း(၃) မြို့ဖြစ်သည့် သရေခေတ္တရာ၊ ဗိဿနိုးနှင့် ဟန်လင်းမြို့ဟောင်း တို့တွင်  ပထဝီသတင်းအချက်အလက် အလွှာ များ(GIS Layer) အဆင့်မြှင့်တင်ခြင်းဆိုင်ရာလုပ်ငန်းများ ဆောင်ရွက်မည်ဖြစ်ကြောင်း သာသနာရေးနှင့် ယဉ်ကျေးမှုဝန်ကြီးဌာနက ယနေ့ထုတ်ပြန်သော သတင်းအရ သိရသည်။

ရန်ကုန် ၊ မတ် ၁၆ ရက်(ဆင်ဟွာ)

တိုင်းဒေသကြီး၊ ပြည်နယ်များရှိ ရုပ်ရှင်ရုံများ၌ ရုပ်ရှင်ပြသခြင်းများအား ယနေ့ မတ်လ ၁၆ ရက်မှ စတင်၍ ရပ်ဆိုင်း ထားရန် ပြန်ကြားရေး ဝန်ကြီးဌာနမှ အသိပေး ကြေညာခဲ့သည်။

ရန်ကုန်၊ ဖေဖော်ဝါရီ ၂၆ ရက် (ဆင်ဟွာ)

၂၀၁၉ ခုနှစ် မြန်မာ့ရုပ်ရှင်ထူးချွန်ဆုပေးပွဲအတွက် ဒုတိယအဆင့် ကြည့်ရှုခဲ့သည့် ရုပ်ရှင်ဇာတ်ကားများ ထဲမှ ရွေးချယ်ထားသော ဆန်ခါတင် ၂၉ ကားစာရင်း ကို တရားဝင်ထုတ်ပြန် ကြေညာထားပြီဖြစ်ကြောင်း မြန်မာနိုင်ငံရုပ်ရှင်အစည်းအရုံးက တာဝန်ရှိသူတစ်ဦး က ယနေ့ ဖေဖော်ဝါရီ လ ၂၆ ရက်တွင်ဆင်ဟွာကိုပြောသည်။

ရန်ကုန်၊ ဖေဖော်ဝါရီ ၂၄ ရက် (ဆင်ဟွာ)

တနင်္သာရီတိုင်းဒေသကြီး မြိတ်ခရိုင် နှင့် ကော့သောင်းခရိုင်အတွင်း လွန်ခဲ့သည့် နှစ်ပေါင်း ၄၀ ကျော်ခန့် က ဆလုံလူမျိုး လူဦးရေ ၆,၀၀၀ ကျော်ခန့်ရှိသော်လည်း  ယခုအချိန် တွင် ဆလုံလူမျိုးဦးရေ ၁,၇၀၀ ကျော်ခန့် သာ ကျန်ရှိတော့ကြောင်း၊ လူဦးရေလျှော့နည်းလာခဲ့ကြောင်း  တိုင်းရင်းသား လူမျိုးများရေးရာ ဝန်ကြီးဌာနထံမှ သိရသည်။

ရန်ကုန်၊ ဖေဖော်ဝါရီ ၂၂ ရက် (ဆင်ဟွာ) 

မြန်မာ့သနပ်ခါးယဉ်ကျေးမှု ဓလေ့အား ဒြပ်မဲ့ယဉ်ကျေးမှုအမွေအနှစ်အဖြစ် ကုလသမဂ္ဂပညာရေးသိပ္ပံ နှင့်ယဉ်ကျေးမှုအဖွဲ (UNESCO)  အသိအမှတ်ပြု စာရင်းတင်သွင်းနိုင်ရေး ကြိုးပမ်း ဆောင်ရွက်လျက်ရှိကြောင်း သာသနာရေးနှင့် ယဉ်ကျေးမှုဝန်ကြီးဌာန ၊ ဒုတိယ ညွှန်ကြားရေးမှူးဦးအာကာကျော်က ဆင်ဟွာ ကို ဖေဖော်ဝါရီ လ ၂၁ ရက်တွင် ပြောသည်။