22
Fri, Nov
481 New Articles

ရာသီတုပ်ကွေး H1N1 ရောဂါကြောင့် ၁၀ လအတွင်း သေဆုံးသူ ၁၁၆ ဦးထိ ရှိ

ရာသီတုပ်ကွေး H1N1 ရောဂါ ကူးစက်မှုမရှိစေရန် mask တပ်ဆင်သုံးစွဲသူများအား တွေ့ရစဉ် (ဆင်ဟွာ) Education & Health

ရန်ကုန် ၊အောက်တိုဘာ ၁၉ ရက် (ဆင်ဟွာ)

 

နိုင်ငံတစ်ဝန်းတွင်  ရာသီတုပ်ကွေး H1N1 ရောဂါဖြစ်ပွားသူနှင့် သေဆုံးသူ နေ့စဉ်တိုးလာပြီး ၁၀လတာကာလအတွင်း သေဆုံးသူ ၁၁၆ဦးထိ ရှိလာကြောင်း ကျန်းမာရေးနှင့်အားကစားဝန်ကြီးဌာနလက်အောက်ရှိ ဗဟိုကူးစက်ရောဂါတိုက်ဖျက်ရေးဌာနခွဲက ထုတ်ပြန်သော သတင်းအရ သိရသည်။

 တိုင်းဒေသကြီး/ပြည်နယ် အလိုက် ရာသီတုပ်ကွေးရောဂါကြောင့် ဇန်နဝါရီ ၁ ရက်မှ အောက်တိုဘာ ၁၈ ရက် အထိ ရာသီတုပ်ကွေးဖြစ်ပွားသူ ဦးရေမှာ ၇၇၈ ဦး ရှိရာ သေဆုံးသူ ၁၁၆ ဦးထိ ရှိလာပြီး ရာသီတုပ်ကွေးရောဂါဖြင့် တိုင်းဒေသကြီး/ပြည်နယ် အလိုက် ဓာတ်ခွဲ စစ်ဆေးသူ စုစုပေါင်း ၁,၉၀၆ ဦး ရှိကြောင်း သိရသည်။

 

သေဆုံးသူများမှာ ရန်ကုန်တိုင်းဒေသကြီးတွင် ၆၈ဦး ၊ နေပြည်တော်တွင် ၁ဦး၊ ဧရာဝတီ တိုင်းဒေသကြီးတွင် ၁၄ဦး ၊ စစ်ကိုင်းတိုင်းဒေသကြီးတွင် ၅ ဦး၊ ပဲခူးတိုင်းဒေသကြီးတွင် ၁၁ဦး၊ မကွေးတိုင်းဒေသကြီးတွင် ၄ ဦး၊မန္တလေးတိုင်းဒေသကြီးတွင် ၅ ဦး၊ မွန်ပြည်နယ်တွင် ၃ ဦးရှမ်းပြည်နယ်(တောင်ပိုင်း) ၁ ဦး၊ကချင်ပြည်နယ်တွင် ၁ဦး၊ တနင်္လာရီတိုင်းဒေသကြီး ၁ ဦးနှင့် ရခိုင်ပြည်နယ်တွင် ၂ဦးတို့ဖြစ်ကြောင်း သိရသည်။

 

လက်ရှိတွင် တိုင်းဒေသကြီး/ပြည်နယ် ၁၂ခုတွင် ရာသီတုပ်ကွေးရောဂါ (A(H1N1)pdm 09)ဖြစ်ပွားလျက်ရှိပြီး ရန်ကုန်တိုင်းဒေသကြီးတွင် ဖြစ်ပွားသူ ဦးရေအများဆုံးဖြစ်ပြီး ဒုတိယ အများဆုံးအဖြစ် ဧရာဝတီတိုင်းဒေသကြီးနှင့် တတိယအများဆုံး ပဲခူးတိုင်းဒေသကြီး တို့ဖြစ်ကြောင်း သိရသည်။(Xinhua)