ရန်ကုန်၊ ဇူလိုင် ၁၁ ရက် (ဆင်ဟွာ)

ကချင်ပြည်နယ်၊ ဖားကန့်မြို့နယ်၊ ဝှေခါကျေးရွာ၊ လခူးချောင်မှ ဇူလိုင် ၂ ရက်နေ့က ကျောက်မျက်လုပ်ကွက်များ တူးဖော်ထားရစ်ခဲ့သည့် ရေအိုင်ဘက်သို့ ကျင်းကမ်းပါး မြေပြိုခဲ့ရာနေရာ အနီး အထက်ပိုင်းကျသည့်မြေမှန်နေရာတွင် ဇူလိုင် ၁၀ရက် ည ၁၁ နာရီခန့်က ခကျန်နှင့် လခူးချောင် ဘက်မှ အမြင့်(၅၀၀)ပေ၊ အကျယ် (၄၀)ပေခန့် မြေသားများ ထပ်မံပြိုကျမှု ဖြစ်ပွားခဲ့ကြောင်း၊ယခုမြေပြိုကျမှုကြောင့် ပျောက်ဆုံးသူများနှင့် အသေအပျောက် မရှိကြောင်း မိုးညှင်းခရိုင်မီးသတ်တပ်ဖွဲ့ မှ ဦးစီးအရာရှိ ဦးပြေငြိမ်းက ဆင်ဟွာကို ဇူလိုင် ၁၁ ရက်တွင်ပြောသည်။

ရန်ကုန်၊ ဇူလိုင် ၈ ရက် (ဆင်ဟွာ)

၂၀၂၀ပြည့်နှစ်တွင် မိုးဦးညံ့ခဲ့သော်လည်း၊ ဇူလိုင်၁ ရက်မှ စ၍ မိုးလယ်ကာလသို့ရောက်ရှိပြီဖြစ်ကာ မိုးလယ်ကာလ တွင် မြန်မာနိုင်ငံ အထက်ပိုင်းဒေသများ၌  မိုးလယ်ကာလ ရွာသွန်းမြဲထက် မိုးပိုနိုင်သောကြောင့် ရေကြီးခြင်း နှင့် မြေပြိုခြင်း အန္တရာယ်များ ကို အထူးကရုပြုသင့်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာန ဒုတိယညွှန်ကြားရေးမှူး ဦးလှထွန်းက ပြောသည်။

ရန်ကုန် ၊ ဇူလိုင် ၃ ရက် (ဆင်ဟွာ) 

ကချင်ပြည်နယ်၊ ဖားကန့်မြို့နယ်၊ လုံးခင်း၊ ဖားကန့်ရတနာနယ်မြေ၌ ဇူလိုင် ၂ ရက်တွင် မြေပြိုကျခဲ့၍ ရေမဆေးကျောက်ရှာဖွေသူများ သေဆုံး ၊ ထိခိုက်ဒဏ်ရာရမှုဖြစ်စဉ် နှင့်စပ်လျဉ်း၍ စုံစမ်းစစ်ဆေးရန် လုံးခင်း၊ ဖားကန့်ရတနာနယ်မြေအတွင်း မြေပြိုကျမှုဖြစ်စဉ် နှင့်စပ်လျဉ်း၍ စုံစမ်းစစ်ဆေးရေးအဖွဲ့ကို ဖွဲ့စည်းလိုက်ကြောင်း နိုင်ငံတော်သမ္မတရုံးမှ ယနေ့ ထုတ်ပြန်ခဲ့ပြီး စုံစမ်းစစ်ဆေးမှုအစီရင်ခံစာကို နိုင်ငံတော်သမ္မတရုံးသို့ ဆောလျင်စွာ တင်ပြရန် အမိန့်ကြော်ငြာစာတွင် ဖော်ပြထားသည်။ 

ရန်ကုန်၊ ဇူလိုင် ၃ ရက် (ဆင်ဟွာ)

ကချင်ပြည်နယ် ဖားကန့်မြို့နယ် ဆိပ်မူကျေးရွာအုပ်စု ဝှေခါကျေးရွာတွင် မြေစာပုံပြိုကျသည့် နှစ်ရက်အတွင်း  ရေမဆေးကျောက်ရှာဖွေသူ ရုပ်အလောင်း ၁၇၂လောင်းထိ ရရှိထားကြောင်း  မီးသတ်ဦးစီးဌာနက ထုတ်ပြန်သော သတင်းအရ သိရသည်။

ရန်ကုန် ၊ ဇူလိုင် ၃ ရက်(ဆင်ဟွာ)

မြန်မာနိုင်ငံ၌ သီးနှံမျိုးစုံအား စားသောက်ဖျက်ဆီးတတ်သော ကန္တာရကျိုင်းကောင်(နှံကောင်) ကျရောက်ခြင်း မရှိသေးဘဲ သတိပြုနိုင်ရန် နှိုးဆော်ထားကြောင်း စိုက်ပျိုးရေး ၊ မွေးမြူရေး နှင့် ဆည်မြောင်း ဝန်ကြီးဌာန ၊ စိုက်ပျိုးရေး ဦးစီးဌာန ၊ သီးနှံကာကွယ်ရေးဌာနခွဲမှ လက်ထောက်ညွှန်ကြားရေးမှူး ဒေါ်နီနီထိန်က ယနေ့ ဆင်ဟွာသို့ ပြောကြားခဲ့သည်။

ရန်ကုန်၊ ဇူလိုင် ၃ ရက် (ဆင်ဟွာ)

ကချင်ပြည်နယ် ဖားကန့်မြို့နယ် ဆိပ်မူကျေးရွာအုပ်စု ဝှေခါကျေးရွာတွင် မြေစာပုံပြိုကျမှုကြောင့်  ယနေ့ ဇူလိုင် ၃ရက် နံနက် ၁၀နာရီထိ  ရေမဆေးကျောက်ရှာဖွေသူ ရုပ်အလောင်း ၁၆၆ လောင်း ရှာဖွေတွေ့ရှိထားပြီး ဒဏ်ရာရရှိသူ ၅၄ ဦးရှိကြောင်း မီးသတ်ဦးစီးဌာနက ထုတ်ပြန်သော သတင်းအရ သိရသည်။

ရန်ကုန်၊ ဇူလိုင် ၃ ရက် (ဆင်ဟွာ)

၂၀၂၀ပြည့်နှစ် ဇန်နဝါရီလ မှ ဇွန်လ အထိ ၆ လ တာကာလအတွင်း စုစုပေါင်း ငလျင်၁၀၅ ကြိမ်လှုပ်ရှားမှု ဖြစ်ပွားခဲ့ကြောင်း နှင့် အင်အားပြင်းငလျင်တစ်ခု ပါခဲ့ကြောင်း၊ မိုးလေဝသ နှင့် ဇလဗေဒညွှန်ကြားမှုဦးစီးဌာန၊ ငလျင်ဌာနခွဲ မှ ဒုတိယညွှန်ကြားရေးမှူး ဒေါက်တာယဉ်မျိုးမင်းထွေးက ပြောသည်။ 

ရန်ကုန်၊ ဇူလိုင် ၂ ရက် (ဆင်ဟွာ)

ယနေ့ နံနက်ပိုင်းတွင် ကချင်ပြည်နယ် ဖားကန့်မြို့နယ် ဆိပ်မူကျေးရွာအုပ်စု ဝှေခါကျေးရွာတွင် မြေစာပုံပြိုကျမှုကြောင့်  ရေမဆေးကျောက်ရှာဖွေသူ ညနေ ၆နာရီထိ ရုပ်အလောင်း ၁၄၆ လောင်း ရှာဖွေတွေ့ရှိထားကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။

 

ရန်ကုန်၊ ဇူလိုင် ၂ ရက် (ဆင်ဟွာ)

ယနေ့ နံနက်ပိုင်းတွင် ကချင်ပြည်နယ် ဖားကန့်မြို့နယ် ဆိပ်မူကျေးရွာအုပ်စု ဝှေခါကျေးရွာတွင် မြေစာပုံပြိုကျမှုကြောင့် သေဆုံးသူ ၁၂၅ ဦးထိရှိလာကြောင်း နှင့်  ကယ်ဆယ်ရှာဖွေရေးလုပ်ငန်းများ အန္တရာယ်ရှိလာသဖြင့် ကယ်ဆယ်ရေးလုပ်ငန်းများကို ခတ္တရပ်နားထားကြောင်း ဖားကန့်မြို့နယ် မြို့နယ် အထွေထွေအုပ်ချုပ်ရေးဦးစီးဌာနမှူးရုံး ဒုဦးစီးမှူးက ဆင်ဟွာသို့ပြောကြားသည်။

ရန်ကုန် ၊ ဇူလိုင် ၂ ရက်(ဆင်ဟွာ) 

လုံးခင်း၊ ဖားကန့် ၊ ခန္တီး ၊ မော်လူး နှင့် မော်ဟန်ရတနာနယ်မြေများတွင် မိုးရာသီကာလ သုံးလအတွင်း ကျောက်စိမ်းရိုင်း တူးဖော်ထုတ်လုပ်မှုလုပ်ငန်းများ ယာယီရပ်ဆိုင်းထားရန် ကျောက်မျက်ရတနာကုမ္ပဏီများသို့ ဇူလိုင်လ ၁ ရက်က  ညွှန်ကြားစာ ပေးပို့အကြောင်းထားကြောင်း သယံဇာတနှင့် သဘာဝပတ်ဝန်းကျင်ဝန်ကြီးဌာန ၊ မြန်မာ့ကျောက်မျက်ရတနာရောင်းဝယ်ရေးလုပ်ငန်း ဦးဆောင်ညွှန်ကြားရေးမှူး ဦးမင်းသူက ဆင်ဟွာသို့ ယနေ့ မွန်းလွဲပိုင်းတွင် ပြောကြားခဲ့သည်။