ရန်ကုန် ၊ ဇူလိုင် ၁၇ ရက်(ဆင်ဟွာ)
စစ်ကိုင်းမြို့၊ ကံတလူတိုးဂိတ်အနီး၌ ခရီးသည်တင် မှန်လုံယာဉ်အား ရပ်တန့် ရှာဖွေ စစ်ဆေးရာ တရားမဝင် သယ်ဆောင် လာသည့် သစ်တောထွက် ပစ္စည်းများ နှင့် အိမ်သုံး ဆေးဝါးများအား ဇူလိုင်လ ၁၅ ရက်တွင် ဖမ်းဆီး ရမိခဲ့ကြောင်း မြန်မာနိုင်ငံ ရဲတပ်ဖွဲ့ ၏ သတင်း ထုတ်ပြန်မှု အရ သိရသည်။
အဆိုပါ ယာဉ်ပေါ်နှင့် ယာဉ်ဝမ်းဗိုက်အတွင်းမှ ခွင့်ပြုချက်အထောက် အထားတစ်စုံတစ်ရာမပါဘဲ တရားမဝင် သယ်ဆောင်လာသည့် အိမ်သုံး ဆေးဝါးပစ္စည်းမျိုးစုံ ထည့်ထားသည့် ဂျပ်ဖာပုံး(၁၀၂)ပုံး၊ သင်းခွေချပ်များ ထည့်ထားသော ပီနံအိတ် (၅)အိတ် အလေးချိန်(၃၅)ပိဿာ ၊ ဂျီသားရေ(၈)ချပ် ၊ တောဂျင်း ထည့်ထားသော ပီနံအိတ်(၁၂)အိတ်၊ တောင်လုံးကျော်ဥထည့်ထားသော ပီနံအိတ်(၂၀)အိတ်တို့အား တွေ့ရှိသိမ်းဆည်း ရမိခဲ့ကြောင်း သိရသည်။
စစ်ကိုင်းမြို့မရဲစခန်း၌ အမျိုးသားဆေးဝါး ဥပဒေပုဒ်မ ၁၈ ဖြင့်လည်းကောင်း၊ တောရိုင်းတိရစ္ဆာန်နှင့် သဘာဝ အပင်များ ကာကွယ်ရေးနှင့် သဘာဝနယ်မြေများထိန်းသိမ်းရေးဥပဒေပုဒ်မ ၃၆(က)/၃၇(က)ဖြင့် လည်းကောင်း ယာဉ်မောင်းနှင်လာသူ နှင့် လိုက်ပါလာသူ တို့ အား အမှုဖွင့် အရေးယူ ထားကြောင်း သိရသည်။(Xinhua)
