12
Wed, Dec
678 New Articles

မြင်းမူမြို့နယ်၌ ခရီးသည်တင်ယာဉ်က သစ်ပင်အား ဝင်တိုက်မှုဖြစ်ပွား၊ ယာဉ်မောင်းနှင့် ခရီးသည်များ ဒဏ်ရာရရှိ

မြင်းမူမြို့နယ်၌ ခရီးသည်တင်ယာဉ်က သစ်ပင်အား ဝင်တိုက်မှုဖြစ်ပွား၊ ယာဉ်မောင်းနှင့် ခရီးသည်များ ဒဏ်ရာရရှိ Environment, Disasters & Accidents

ရန်ကုန်၊ အောက်တိုဘာ ၁၁ ရက် (ဆင်ဟွာ)

စစ်ကိုင်းတိုင်းဒေသကြီး၊ မြင်းမူမြို့နယ်၌ ရွှေစင်္ကြာ ခရီးသည်တင်ယာဉ်က သစ်ပင်အား ဝင်တိုက်မိ၍ ယာဉ်မောင်းနှင့် ခရီးသည်များ ဒဏ်ရာရရှိမှုဖြစ်ပွားခဲ့ကြောင်း ပြည်ထဲရေးဝန်ကြီးဌာန မှ ယနေ့ သတင်းထုတ်ပြန်သည်။

ဖြစ်စဉ်မှာ ၂၀၁၈ ခုနှစ်၊ အောက်တိုဘာလ ၁၀ ရက်နေ့ ၂၁း၄၅နာရီ တွင် မြင်းမူမြို့၊ မုံရွာ-မန္တလေး ကားလမ်း မိုင်တိုင်(၄၆/၅)မြို့ရှောင်လမ်းဆုံ၌ မုံရွာမှမန္တလေးဘက်သို့ စိုင်းလင်းဝေ(၄၃)နှစ် မောင်းနှင်ပြီး ဦးသန်းဇော်(၃၈)နှစ်ပါ ၄၀ ဦး(ခရီးသည်၊ ယာဉ်နောက်လိုက်)လိုက်ပါလာသော “ရွှေစင်္ကြာ” ခရီးသည်တင်မှန်လုံယာဉ်သည် အရှိန် မထိန်းနိုင်ဘဲ လမ်းယာဘက်ရှိသစ်ပင်အား ဝင်တိုက်မိခဲ့ကြောင်း သိရသည်။

ယာဉ်မောင်း စိုင်းလင်းဝေတွင် နှုတ်ခမ်းပေါက်ပြဲ၊ ဝဲခြေသလုံးကျိုး(မစိုးရိမ်ရ)နှင့် ဦးသန်းဇော်ပါ ၁၄ ဦး (ကျား ၉၊ မ ၅)တို့တွင် ဖူးရောင်ပေါက်ပြဲပွန်းပဲ့ဒဏ်ရာများ(မစိုးရိမ်ရ)ရရှိခဲ့သဖြင့် မြင်းမူ ပြည်သူ့ဆေးရုံသို့ ပို့ဆောင်ကုသခဲ့ပြီး ယာဉ်မောင်း စိုင်းလင်းဝေအား မန္တလေးပြည်သူ့ဆေးရုံ ကြီး သို့ လွှဲပြောင်းကုသခဲ့ကြောင်းနှင့် ယာဉ်မောင်း စိုင်းလင်းဝေအား မြင်းမူမြို့မရဲစခန်း ယာဉ်(ပ)၄၉/၂၀၁၈၊ ရာဇသတ်ကြီးပုဒ်မ ၃၃၈/ ၃၃၇ /၂၇၉ (ပေါ့လျော့မှုကြောင့် ပြင်းထန်/ သာမန် နာကျင်စေမှု/ ယာဉ်မဆင်မခြင်မောင်းနှင်မှု)ဖြင့် အမှုဖွင့်စစ်ဆေးလျက်ရှိကြောင်း ပြည်ထဲရေးဝန်ကြီးဌာန ၏ သတင်းထုတ်ပြန်ချက်ထဲတွင်ပါရှိသည်။  (Xinhua)