မန္တလေးနှင့် စစ်ကိုင်း တိုင်းဒေသကြီးတို့တွင် မြစ်ရေမြင့်တက်လာမှုကြောင့် လူ ၂၀၀၀ နီးပါး ရွှေ့ပြောင်း

ျမစ္ေရျမင့္တက္လာမႈေၾကာင့္ မီးသတ္တပ္ဖြဲ႔၀င္မ်ား ကယ္ဆယ္ေရးေဆာင္ရြက္ေနစဥ္(မီးသတ္) Environment, Disasters & Accidents

ရန်ကုန်၊ ဇူလိုင် ၂၀ ရက် (ဆင်ဟွာ)

မန္တလေးတိုင်းဒေသကြီးနှင့် စစ်ကိုင်း တိုင်းဒေသကြီးတို့တွင် ဧရာဝတီမြစ်ရေမြင့်တက်လာမှုကြောင့် လူ ၂၀၀၀ နီးပါး ရွှေ့ပြောင်းလျက်ရှိကြောင်း ပြည်ထဲရေးဝန်ကြီးဌာနက ယနေ့ ထုတ်ပြန်သော သတင်းအရ သိရသည်။

စစ်ကိုင်းတိုင်းဒေသကြီးအတွင်းရှိ ထီးချိုင့်မြို့နယ်အတွင်း ဇူလိုင်လ ၁၉ ရက် ညနေပိုင်းက ဧရာဝတီမြစ်ရေမြင့် တက်မှုကြောင့် (၂)ရပ်ကွက်နှင့် ကိုးတဲ(ဆပ်ကျ)ကျေးရွာပါ ၃ ရွာတို့၌ အိမ်ထောင်စု ၁၇၀ စု၊ လူဦး ရေ ၇၃၄ ဦးတို့သည် နီးစပ်ရာဆွေမျိုးများ၏နေအိမ်သို့ ရွှေ့ပြောင်းနေထိုင် လျက်ရှိကြောင်း သိရသည်။

အလားတူ မန္တလေးတိုင်းဒေသကြီးအတွင်းရှိ သပိတ်ကျင်းမြို့နယ်အတွင်း တကောင်းမြို့ (၁)ရပ်ကွက်ပါ ၃ ခုနှင့် လက်ပံကုန်း ကျေးရွာပါ ၄ ရွာတို့မှ အိမ်ထောင်စု ၁၉၄ စု၊ လူဦးရေ ၈၃၁ ဦး၊ စဉ့်ကိုင်မြို့နယ်အတွင်း တစ်ဘက်ဆွဲကျေးရွာပါ ၂ ရွာတို့မှ အိမ်ထောင်စု ၃၂ စု၊ လူဦးရေ ၁၈၄ ဦး၊ စဉ့်ကူးမြို့နယ်အတွင်း (၁)ရပ်ကွက်မှ အိမ်ထောင်စု ၁၈ စု၊ လူဦးရေ ၆၄ ဦးတို့သည် အဆိုပါရပ်ကွက်ရှိ ရွှေရပ်တော်ဘုရားသို့လည်းကောင်း၊ (၂)ရပ်ကွက်မှ အိမ်ထောင်စု ၄ စု၊ လူဦးရေ ၂၁ ဦးတို့သည် (၁)ရပ်ကွက်ရှိ သီရိရတနာခန်းမသို့လည်းကောင်း၊ ဆည်ကြီးကျေးရွာပါ ၃ ရွာတို့မှ အိမ်ထောင်စု ၆၆ စု၊ လူဦးရေ ၂၈၂ ဦးတို့သည် နီးစပ်ရာဆွေမျိုးများ၏နေအိမ်သို့ ရွှေ့ပြောင်းနေထိုင်လျက်ရှိကြောင်း သိရသည်။

လက်ရှိတွင် မန္တလေးတိုင်းဒေသကြီးနှင့် စစ်ကိုင်းတိုင်းဒေသကြီးအတွင်းရှိ စာသင်ကျောင်းများကို ယာယီပိတ်ထားကြောင်း သိရသည်။(Xinhua)