23
Mon, Sep
527 New Articles

ရန်ကုန်၊ သြဂုတ် ၂ ရက် (ဆင်ဟွာ)

ရန်ကုန်အပြည်ပြည်ဆိုင်ရာ လေဆိပ်တွင် ယနေ့ (သြဂုတ် ၂ ရက်) ညနေ ၄နာရီ ၃၇ မိနစ်ခန့်တွင် Golden Myanmar လေကြောင်းလိုင်းမှ လေယာဉ်တစ်စီး ဆင်းသက်ချိန် ရှေ့ဘီးကျိုးမှုဖြစ်ပွားခဲ့သဖြင့် လေဆိပ်ကို ယာယီပိတ်ထားကြောင်းလေကြောင်း ပို့ဆောင်ရေး ညွန်ကြားရေး ဦးစီး

ဌာန ဒုတိယ ညွန်ကြားရေးမှူးချုပ် ဦးရဲထွဋ်အောင်က ဆင်ဟွာ သတင်းဌာနသို့ပြောကြားသည်။

ရန်ကုန်၊ သြဂုတ် ၂ ရက် (ဆင်ဟွာ)

အပူပိုင်းမုန်တိုင်း “ဝီဖာ” (Wipha) ၏ အရှိန်ကြောင့် တိုင်းဒေသကြီး နှင့် ပြည်နယ်အချို့တွင် မိုးကြီးနိုင်ကြောင်း မိုးလေဝသ နှင့် ဇလဗေဒညွှန်ကြားမှုဦးစီးဌာန မှ ယနေ့သတင်းထုတ်ပြန်သည်။

ရန်ကုန် ၊ ဇူလိုင် ၃၁ ရက်(ဆင်ဟွာ)

ကချင်ပြည်နယ် ၊ ဖားကန့်မြို့နယ် ၊ ဆိပ်မူ ကျေးရွာအုပ်စု ၊ ကရင်ချောင်ကျေးရွာ၌ ဇူလိုင် ၃၀ ရက်တွင် မိုးသည်းထန်စွာ ရွာသွန်းမှုကြောင့် လူနေအိမ်အလုံး ၂၀ မှာ မြေစာများ နှင့် အတူ မျောပါပျက်စီးခဲ့သဖြင့် ရေဘေးသင့်ပြည်သူ ၄၅ ဦးအား ယာယီ နေရာများသို့ပြောင်းရွှေ့ခဲ့ရကြောင်း ပြန်ကြားရေး ဝန်ကြီးဌာန၏ ထုတ်ပြန်သော သတင်း အရ သိရသည်။

ရန်ကုန်၊ ဇူလိုင် ၃၀ ရက် (ဆင်ဟွာ)

မကွေးတိုင်းဒေသကြီး၊ မင်းဘူးခရိုင်စေတုတ္တရာမြို့နယ် မုန်းချောင်းတမံမှ ရေကျော်ကျနေ၍ အရေးပေါ် အခြေအနေ အသိပေးကြေညာချက်ထုတ်ပြန်ထားကြောင်း ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန မှ သိရသည်။

ရန်ုကုန် ၊ ဇူလိုင် ၃၀ ရက်(ဆင်ဟွာ)

မြန်မာနိုင်ငံအတွင်း ကျားများ ကျင်လည်ကျက်စားနေသည့် နယ်မြေ ရှစ်ရာခိုင်နှုန်းခန့်အတွင်း ၂၀၁၆ ခုနှစ်မှ ၂၀၁၈ ခုနှစ် အတွင်း တပ်ဆင်ခဲ့သည့် ကင်မရာထောင်ချောက်များမှ ရရှိသည့် ကျားမှတ်တမ်းဓာတ်ပုံများကို တစ်ကောင်ချင်း စိစစ် ခွဲခြားရာ အနည်းဆုံး ကျား ၂၂ ကောင် ရှင်သန်ကျက်စား နေကြောင်း သစ်တော ဦးစီး ဌာနမှ ဇူလိုင် ၂၉ ရက်တွင် ကျရောက်သော ကမ္ဘာ့ကျားများနေ့တွင် ထုတ်ပြန်ခဲ့ကြောင်း သိရသည်။

ရန်ကုန် ၊ ဇူလိုင် ၂၈ ရက်(ဆင်ဟွာ)

ကချင်ပြည်နယ် ၊ ဖားကန့်မြို့နယ် ၊ ဆိပ်မူ အုပ်စု ကရင်ချောင် ကျေးရွာ အနီး၌ ယနေ့နံနက် ၂ နာရီခန့်တွင် ကျောက်စိမ်း လုပ်ကွက် ကမ်းပါး ပြိုကျမှု ဖြစ်ပွားခဲ့ရာ ကုမ္ပဏီ ဝန်ထမ်း နှင့် လုံခြုံရေး ရဲတပ်ဖွဲ့အပါအဝင် လက်ရှိအချိန်ထိ လူပေါင်း ၁၃ ဦးသေဆုံးပြီး ၅ ဦးပျောက်ဆုံးနေကြောင်း ဖားကန့်မြို့နယ် အထွေထွေ အုပ်ချုပ်ရေး ဦးစီးဌာနထံမှ စုံစမ်း သိရှိရသည်။

ရန်ကုန်၊ ဇူလိုင် ၂၇ ရက် (ဆင်ဟွာ)

ကချင်ပြည်နယ် ဆဒုံးမြို့တွင် မိုးသည်းထန်စွာရွာသွန်းမှုကြောင့် ဝိုင်းမော် - ဆဒုံး - ကန်ပိုက်တည် ကားလမ်းမိုင်တိုင်အမှတ် ၃၀/၃၁ ကြားနှင့် ၃၆/၃၇ ကြား၌ ယနေ့ (ဇူလိုင် ၂၇ ရက်)နံနက်(၅) နာရီခန့်တွင် တောင် ပြို၍ကားလမ်း ပိတ်ဆို့နေကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။

ရန်ကုန်၊ ဇူလိုင် ၂၇ ရက် (ဆင်ဟွာ)

ရှမ်းပြည်နယ်၊ သိန်းနီမြို့ နာတီးကျေးရွာ သိန်းနီ-ကွမ်းလုံသွား ကားလမ်းမိုင်တိုင်အမှတ်(၃၁)အနီး ၌ ဇူလိုင် ၂၆ ရက် ညနေပိုင်းက ယာဉ်တိုက်မှုဖြစ်ပွားပြီး ကလေး ၅ ဦးသေဆုံးခဲ့ကြောင်း ပြည်ထဲရေးဝန်ကြီးဌာနက ထုတ်ပြန်သော သတင်းအရ သိရသည်။

ရန်ကုန်၊ ဇူလိုင် ၂၆ ရက် (ဆင်ဟွာ)

ဘင်္ဂလားပင်လယ်အော် အနောက်မြောက်ပိုင်းဖြစ်ပေါ်နေသော အရှိန်ကြောင့် မြစ်ဝကျွန်းပေါ်၊ မုတ္တမကွေ့၊ ရခိုင်ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင် တို့တွင် ရံဖန်ရံခါ မိုးသက်လေပြင်းများကျရောက်ပြီး လှိုင်းကြီးနိုင်ကြောင်း မိုးလေဝသ နှင့် ဇလဗေဒညွှန်ကြားမှုဦးစီးဌာန က သတိပေးချက်ထုတ်ပြန်သည်။

ရန်ကုန်၊ ဇူလိုင် ၂၆ ရက် (ဆင်ဟွာ)

ကချင်ပြည်နယ်၊ မိုးကောင်းမြို့တွင် အင်အားရစ်(ခ်)တာစကေး(၄.၁)အဆင့်ရှိ အင်အားအနည်းငယ်ရှိသော မြေငလျင် တစ်ခု လှုပ်ရှားသွားကြောင်း မိုးလေဝသ နှင့်ဇလဗေဒညွှန်ကြားမှုဦးစီးဌာန က ယနေ့သတင်းထုတ်ပြန်သည်။