14
Mon, Oct
579 New Articles

ရန်ကုန် ၊ စက်တင်ဘာ ၆ ရက်(ဆင်ဟွာ)

ရခိုင်ပြည်နယ် ၊ ဘူးသီးတောင် မြို့နယ် အတွင်း ယနေ့နံနက်ပိုင်းတွင် ခေတ္တ ဆင်းသက်ရပ်နားခဲ့သော ရဟတ်ယာဉ်မှာ နီပေါ နိုင်ငံမှ ရဟတ်ယာဉ် ဖြစ်ပြီး ပျံသန်းစဉ် ရာသီဥတု ဆိုးရွားမှုကြောင့် အရေးပေါ် ဆင်းသက်ရခြင်း ဖြစ်ကြောင်း တပ်မတော် ကာကွယ်ရေး ဦးစီးချုပ်ရုံး၏ သတင်း ထုတ်ပြန်မှု အရ သိရသည်။

ရန်ကုန်၊ စက်တင်ဘာ ၆ ရက် (ဆင်ဟွာ)

မွန်ပြည်နယ် ဘီးလင်းမြို့တွင် ဘီးလင်းမြစ်ရေသည် စက်တင်ဘာ ၆ရက် မြန်မာစံတော်ချိန် နံနက် (၀၉:၃၀)နာရီအချိန် တိုင်းထွာချက်အရ ယင်းမြို့၏ စိုးရိမ်ရေမှတ်အောက် (၁)ပေခန့်တွင် ရောက်ရှိနေကြောင်း၊ ဘီးလင်းမြို့နယ်အတွင်းရှိ မြစ်ကမ်းအနီး နှင့် မြေနိမ့်ပိုင်းနေထိုင်သူများ အနေဖြင့် အထူးသတိပြုနေထိုင်ကြရန် မိုးလေဝသ နှင့်ဇလဗေဒညွှန်ကြားမှု ဦးစီးဌာနက ယနေ့သတင်းထုတ်ပြန်သည်။

ရန်ကုန် ၊ စက်တင်ဘာ ၅ ရက်(ဆင်ဟွာ)

ရန်ကုန် အပြည်ပြည် ဆိုင်ရာ လေဆိပ်တွင် ယနေ့စက်တင်ဘာ ၅ ရက်၌ တပ်မတော် လေယာဉ် တစ်စီး ပြေးလမ်း ချော်မှု ဖြစ်ပွားသောကြောင့် လေယာဉ် ပြေးလမ်း ခေတ္တ ပိတ်ထားကြောင်း ရန်ကုန် အပြည်ပြည် ဆိုင်ရာ လေဆိပ်၏ YACL ကုမ္ပဏီမှ သတင်း ထုတ်ပြန်မှု အရ သိရသည်။

ရန်ကုန် ၊ စက်တင်ဘာ ၃ ရက်(ဆင်ဟွာ)

ပဲခူးတိုင်းဒေသကြီး ၊ တောင်ငူမြို့၌ စက်တင်ဘာ ၂ ရက် ညပိုင်းတွင် ဖြစ်ပွားခဲ့သော ယာဉ်တိုက်မှုကြောင့် လူနှစ်ဦး သေဆုံးကာ အခြား တစ်ဦးမှာ ထိခိုက်ဒဏ်ရာများ ရရှိခဲ့ကြောင်း ပြည်ထဲရေး ဝန်ကြီးဌာန၏ ထုတ်ပြန်မှု အရ သိရသည်။

ရန်ကုန်၊ စက်တင်ဘာ ၂ ရက် (ဆင်ဟွာ)

၂၀၁၉ ခုနှစ်၊ စက်တင်ဘာလ (၂)ရက်နေ့ မြန်မာစံတော်ချိန် (၀၉:၃၀)နာရီအချိန် တိုင်းထွာချက်များ အရ ကချင်ပြည်နယ်၊မြစ်ကြီးနားမြို့တွင် နှစ်ပေါင်း ၅၃ နှစ်အတွင်း မိုးရေချိန်စံချိန်သစ်တင်ခဲ့ကြောင်း မိုးလေဝသ နှင့် ဇလဗေဒညွှန်ကြားမှုဦးစီးဌာန က ယနေ့သတင်းထုတ်ပြန်သည်။

ရန်ကုန်၊ စက်တင်ဘာ ၂ ရက် (ဆင်ဟွာ)

တနင်္သာရီတိုင်းဒေသကြီး မြိတ်ခရိုင် အတွင်းရှိ မြို့နယ်လေးခုတွင် ဩဂုတ်လ အတွင်း မိုးသည်းထန်စွာရွာသွန်း ၍ လေပြင်း များ တိုက်ခတ်ခြင်း၊ ရေကြီးနစ်မြုပ် ခြင်း၊ မြေပြိုခြင်း စသည့်သဘာဝဘေး အန္တရာယ်များ ဖြစ်ပေါ်ခဲ့သောကြောင့် ကျေးရွာပေါင်း ၅၂ ရွာမှ လူနေအိမ် ၁၁၂ လုံး ပြိုကျပျက်စီးခဲ့ကာ လူလေးဦး သေဆုံးပြီး လူနှစ်ဦး ထိခိုက်ဒဏ်ရာရရှိ ခဲ့ကြောင်းသိရသည်။

ရန်ကုန်၊ သြဂုတ် ၃၁ ရက် (ဆင်ဟွာ)

စစ်ကိုင်းတိုင်းဒေသကြီး ရွှေဘိုမြို့အနီးတွင် ယနေ့ ည ၉နာရီ ၃၉ မိနစ်တွင် အင်အားရစ်ရှ် တာ စကေး ၆အဆင့်ရှိ ငလျင်လှုပ်ရှားမှုကြောင့် အပျက်အစီးများရှိကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနထံမှ သိရသည်။

ရန်ကုန်၊ သြဂုတ် ၃၀ ရက် (ဆင်ဟွာ)

အပူပိုင်း မုန်တိုင်းအကြွင်းအကျန်တိမ်တိုက်များနှင့် လေပွေလှိုင်းများ၏ အရှိန်ကြောင့် ၂၀၁၉ ခုနှစ်၊ ဩဂုတ်လ(၃၁)ရက်မှ စက်တင်ဘာလ (၃)ရက်နေ့အတွင်း တိုင်းဒေသကြီး နှင့် ပြည်နယ်တစ်ချို့ တွင် ဒေသအလိုက်နှင့် နေရာကွက်၍ မိုးကြီးခြင်းများနှင့်အတူ လေပြင်းတိုက်ခတ်ခြင်း များ ဖြစ်ပေါ် နိုင်ကြောင်း မိုးလေဝသ နှင့် ဇလဗေဒညွှန်ကြားမှုဦးစီးဌာနက ထူးခြားမိုးလေဝသအခြေအနေအဖြစ် သတင်းထုတ်ပြန်ခဲ့သည်။

နေပြည်တော်၊ စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ မကွေး တိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ရှမ်းပြည်နယ်(တောင်ပိုင်းနှင့် အရှေ့ပိုင်း)၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာအနှံ့အပြား မိုးထစ်ချုန်း ရွာပြီး၊ ဒေသအလိုက်နှင့် နေရာကွက်၍ မိုးကြီးခြင်းများနှင့်အတူ လေပြင်းတိုက်ခတ်ခြင်း များ ဖြစ်ပေါ် နိုင်ကြောင်း သိရသည်။

မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုး သက်လေပြင်းများ ကျရောက်ပြီး၊ လှိုင်းကြီးနိုင်ပါသည်။ မိုးသက်လေပြင်းကျစဉ် ရေပြင်/ မြေပြင်လေသည် တစ်နာရီလျှင် (၃၅)မိုင်မှ မိုင်(၄၀)အထိ တိုက်ခတ်နိုင်ပါသည်။ လှိုင်း အမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် (၉)ပေ မှ (၁၂)ပေခန့် ရှိနိုင်ကြောင်း သိရသည်။

သို့ဖြစ်ပါ၍ လေပြင်းတိုက်ခတ်ခြင်းနှင့်အတူ မိုးသည်းထန်စွာ ရွာသွန်းခြင်းတို့ကြောင့် လျှပ်တစ်ပြက်ရေကြီးခြင်း၊ မြေပြိုခြင်းများ ဖြစ်ပေါ်နိုင်ပါသဖြင့် ကုန်းမြင့်ဒေသအနီး တွင် နေထိုင်ကြသူများအနေဖြင့် မြေပြိုမှုအန္တရာယ်ကိုလည်းကောင်း၊ မြစ်ငယ်၊ ချောင်း ငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများဖြစ်ပေါ်နိုင်သော ကြောင့် ကြိုတင်သတိပြုနေထိုင်ကြပါရန် မိုးဇလ မှ အသိပေးနှိုးဆော်ချက်ထုတ်ပြန်ခဲ့သည်။ (Xinhua)

ရန်ကုန် ၊ သြဂုတ် ၂၈ ရက်(ဆင်ဟွာ)

ရန်ကုန် တိုင်းဒေသကြီး ၊ ဆိပ်ကမ်း မြို့နယ် ၊ ရန်ကုန်မြစ်ကမ်းနားရှိ ခနောင်သင်္ဘောကျင်း၌ ဆီတင်တွဲရေယာဉ် ပြုပြင်စဉ် ဓာတ်ငွေ့ပေါက်ကွဲမှု ဖြစ်ပွားကာ လူ နှစ်ဦး သေဆုံးပြီး တစ်ဦး ဒဏ်ရာ ရရှိခဲ့ကြောင်း ပြည်ထဲရေး ဝန်ကြီးဌာန၏ ထုတ်ပြန်မှု အရ သိရသည်။

ရန်ကုန်၊ သြဂုတ် ၂၈ ရက် (ဆင်ဟွာ)

မြန်မာနိုင်ငံတစ်ဝန်းအတွင်း ၂၀၁၉ ခုနှစ် ဇွန် ၂၅ ရက်မှ သြဂုတ် ၂၆ ရက်ထိ ရေကြီးရေလျှံ/မြေပြိုမှုများကြောင့် လူ ၉၀ ဦးသေဆုံးပြီး ၆၅ ဦးဒဏ်ရာရရှိခဲ့ကြောင်း လူမှုဝန်ထမ်း၊ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနလက်အောက်ရှိ အမျိုးသားသဘာဝဘေး အန္တရာယ်ဆိုင်ရာ စီမံခန့်ခွဲမှုကော်မတီမှ တာဝန်ရှိသူ တစ်ဦးက ဆင်ဟွာသို့ပြောကြားသည်။