ရန်ကုန်၊ မေ ၁၉ ရက် (ဆင်ဟွာ) 

အလွန့်အလွန်အားကောင်းသော ဆိုင်ကလုန်းမုန်တိုင်း အမ်ဖန် (AMPHAN) ၏ အရှိန်ကြောင့် မေ၁၉ ရက်မှ ၂၁ ရက်အတွင်း စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ချင်းပြည်နယ်နှင့် ရခိုင်ပြည်နယ်တို့တွင် တစ်နာရီလျှင် (၂၅)မိုင်မှ မိုင်(၃၀)အထိ လေပြင်းတိုက်ခတ်နိုင်ကြောင်း မိုးလေဝသ နှင့် ဇလဗေဒညွှန်ကြားမှုဦးစီးဌာန မှ ညွှန်ကြားရေးမှူး ဦးလှထွန်းက ယနေ့ မေ ၁၉ ရက်တွင် ပြောကြားသည်။

ရန်ကုန်၊ မေ ၁၈ ရက် (ဆင်ဟွာ)

အလွန့်အလွန်အားကောင်းသော ဆိုင်ကလုန်းမုန်တိုင်း အမ်ဖန် (AMPHAN)၏ လက်ရှိအခြေအနေသည် မြန်မာနိုင်ငံဘက်သို့ ဦးတည် ရွေ့လျားမည့် အခြေအနေမရှိသေးသော်လည်း ယင်း၏ အရှိန်ကြောင့် မေ၂၀ မှ ၂၁ ရက်အတွင်း ရခိုင်ကမ်းရိုးတန်းမြောက်ပိုင်းတွင် မိုးနှင့်အတူ တစ်နာရီ ၃၅ မိုင်မှ ၄၀ နှုန်းအထိ လေပြင်းတိုက်ခတ်နိုင်ကာ၊ ချင်းပြည်နယ် နှင့် စစ်ကိုင်းတိုင်းဒေသကြီးအထက်ပိုင်းတို့တွင် မိုးကြီးနိုင်ကြောင်း မိုးလေဝသ နှင့် ဇလဗေဒညွှန်ကြားမှုဦးစီးဌာန ဒုတိယညွှန်ကြားရေးမှူး ဦးလှထွန်းက ယနေ့ မေ ၁၈ ရက်တွင် ဆင်ဟွာသို့ ပြောကြားသည်။

ရန်ကုန်၊ မေ ၁၇ ရက် (ဆင်ဟွာ) 

လက်ရှိ ဘင်္ဂလားပင်လယ်အော် အနောက်တောင်ပိုင်းတို့တွင် ဖြစ်ပေါ်နေသော ဆိုင်ကလုန်းမုန်တိုင်း အမ်ဖန်(AMPHAN) ၏ အရှိန်ကြောင့် မိုးကြီး၊ ရေကြီးမြေပြိုမှုများအပါအဝင် သဘာဝဘေးအန္တရာယ် နှင့်ကြုံတွေ့လာပါက သဘာဝဘေးရှောင် အဆောက်အဦများသို့ ရှောင်တိမ်းနေထိုင်ရသည့် အခါတွင် COVID-19 ရောဂါကာကွယ်ရေးအတွက်ပါ ထည့်သွင်းစဉ်းစားဆောင်ရွက်ထားကြောင်း လူမှုဝန်ထမ်း ၊ ကယ်ဆယ်ရေး နှင့် ပြန်လည်နေရာချထားရေး ဝန်ကြီးဌာန ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာန ညွှန်ကြားရေးမှူး ဒေါ်ဖြူလဲ့လဲ့ထွန်းက ဆင်ဟွာသို့ မေ ၁၇ ရက်တွင် ပြောကြားသည်။

ရန်ကုန်၊ မေ ၁၆ ရက် (ဆင်ဟွာ)

ဘင်္ဂလားပင်လယ်အော်တွင် ဖြစ်ပေါ်လျက်ရှိသော အားကောင်းသောမုန်တိုင်းငယ် (Depression)၏ လက်ရှိအခြေအနေမှာ မြန်မာနိုင်ငံဘက်သို့ ဦးတည်ရွေ့ လျားမည့် အခြေအနေမရှိသေးသဖြင့် အဝါရောင်အဆင့်ဟု သတ်မှတ်ကြောင်း၊ အဆိုပါ မုန်တိုင်းငယ်၏ အရှိန်ကြောင့်  ပြည်တွင်းလေကြောင်းပျံသန်းရေး၊ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီး၊ ကမ်း ဝေးငါးဖမ်းရေယာဉ်များ၊ သင်္ဘောများအနေဖြင့်လည်း ကြိုတင်သတိပြုရန်လိုအပ်ကြောင်း မိုးလေဝသ နှင့် ဇလဗေဒညွှန်ကြားမှုဦးစီးဌာနမှ ဒုတိယညွှန်ကြားရေးမှူး ဦးလှထွန်းက ဆင်ဟွာကို မေ ၁၆ ရက်တွင် ပြောသည်။

ရန်ကုန်၊ မေ ၁၅ ရက် (ဆင်ဟွာ) 

နိုင်ငံတစ်ဝန်း ယခုနှစ် မိုးကြိုကာလ ဖြစ်သည့် ဧပြီ ၉ ရက် မှ မေ ၁၄ ရက် အထိ တစ် လကျော်ကာလအတွင်း လေပြင်းဘေးအန္တရာယ်ကြောင့် လူ ၇ဦး သေဆုံးခဲ့ပြီး ဒဏ်ရာရရှိသူ ၂၄ဦး ရှိကြောင်း၊ မိုးကြိုးပစ်မှု ခပ်စိပ်စိပ်ဖြစ်လာသည့် အတွက် မိုးကြိုးအန္တရာယ်ကိုလည်း ဂရုပြုသင့်ကြောင်း လူမှုဝန်ထမ်း ၊ ကယ်ဆယ်ရေး နှင့် ပြန်လည်နေရာချထားရေး ဝန်ကြီးဌာန ၊ ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာန ညွှန်ကြားရေးမှူး ဒေါ်ဖြူလဲ့လဲ့ထွန်းက ဆင်ဟွာကိုပြောသည်။

ရန်ကုန်၊ မေ ၁၅ ရက် (ဆင်ဟွာ) 

ဘင်္ဂလား ပင်လယ်အော် အရှေ့တောင်ပိုင်းတွင် ဖြစ်ပေါ်နေသော လေဖိအားနည်းရပ်ဝန်းသည် ဆက်လက်တည်ရှိနေပြီး ပိုမိုအားကောင်းလာကာ နောက်(၂၄)နာရီအတွင်း ဘင်္ဂလားပင်လယ်အော်တောင်ပိုင်းတွင်  မုန်တိုင်းငယ် (Depression)အဆင့်သို့ရောက်ရှိနိုင်ကြောင်း၊ မြန်မာနိုင်ငံသို့ ဦးတည်ရွေ့လျားမည့် အခြေအနေ မှာရာခိုင်နှုန်းအားဖြင့် ၁၅ နှင့် ၂၀ ရာခိုင်နှုန်းကြားတွင်ရှိကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာ ဒုတိယညွှန်ကြားရေးမှူးဦးလှထွန်းက ဆင်ဟွာသို့ ယနေ့ ပြောကြားသည်။

ရန်ကုန် ၊ မေ ၁၁ ရက်(ဆင်ဟွာ)

နိုင်ငံတစ်ဝန်း ယခုနှစ် မိုးကြိုကာလ ဖြစ်သည့် ဧပြီ ၉ ရက်မှ မေ ၁၀ ရက် အထိ လေပြင်းဘေးအန္တရာယ်ကြောင့် လူနှစ်ဦး သေဆုံးခဲ့ပြီး ဒဏ်ရာရရှိသူ ခြောက်ဦး ရှိကြောင်း လူမှုဝန်ထမ်း ၊ ကယ်ဆယ်ရေး နှင့် ပြန်လည်နေရာချထားရေး ဝန်ကြီးဌာန ၊ ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာန ညွှန်ကြားရေးမှူး ဒေါ်ဖြူလဲ့လဲ့ထွန်းက ယနေ့ ပြောကြားခဲ့သည်။ 

ရန်ကုန်၊ မေ ၆ ရက် (ဆင်ဟွာ)

၂၀၂၀ပြည့်နှစ် မိုးရာသီသည် ယခင် မိုးနည်းသည့် နေရာများတွင် မိုးများနိုင်ကြောင်း၊  မိုးများသည့် နေရာများတွင်  မိုးနည်းနိုင်ကြောင်း၊ မိုးရွာသွန်းမှု ပုံမမှန်တာမျိုးဖြစ်နိုင်ပြီး ပုံမှန် မဟုတ်သည့် အစွန်းရောက်ရာသီဥတုဖြစ်စဉ်များ ဖြစ်နိုင်ကြောင်း မိုးလေဝသ နှင့် ဇလဗေဒညွှန်ကြားမှုဦးစီးဌာန မှ ဒုတိယညွှန်ကြားရေးမှူး ဦးလှထွန်းက ဆင်ဟွာသို့ ယနေ့ မေ ၆ ရက်တွင်ပြောကြားခဲ့သည်။

ရန်ကုန်၊ မေ ၁ ရက် (ဆင်ဟွာ)

မြန်မာတစ်နိုင်ငံလုံးတွင် မိုးကြိုကာလဖြစ်သည့်မေလ မှ အနောက်တောင် မုတ်သုံလေ မဝင်ရောက်မီကာလအတွင်း လေထုမငြိမ်မသက်မှုများကြောင့်လည်းကောင်း၊ နေ့အပူချိန်များ တစ်ဖြည်းဖြည်း မြင့်တက်လာရာမှ ဖြစ်ပေါ်လာသော အပူပျံတက်တိမ်များကြောင့်လည်းကောင်း၊ မိုးရွာခြင်း နှင့် အတူ လေပြင်းတိုက်ခတ်ခြင်းများ ဖြစ်ပေါ်နိုင်ကြောင်း၊ လေပြင်းတိုက်ခတ်စဉ်  မြေပြင်/ရေပြင်လေသည် တစ်နာရီလျှင် (၃၅)မိုင်မှ မိုင်(၄၀) အထိ တိုက်ခတ်နိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာန မှ ဦးစီးအရာရှိဒေါ်အေးအေးစိုးက မေ ၁ရက်တွင် ဆင်ဟွာကို ပြောသည်။

ရန်ကုန်၊ မေ ၁ ရက် (ဆင်ဟွာ) 

ကပ္ပလီပင်လယ်ပြင် တောင်ပိုင်းနှင့် ယင်းနှင့်ဆက်စပ်လျက်ရှိသော ဘင်္ဂလားပင်လယ်အော်အရှေ့တောင်ပိုင်းတို့တွင် လေဖိအားနည်းရပ်ဝန်းတစ်ခု ဖြစ်ပေါ်နေကြောင်း၊ အဆိုပါ လေဖိအားနည်းရပ်ဝန်းသည် နောက် ၉၆ နာရီအတွင်း မုန်တိုင်းငယ်အဖြစ်သို့ ရောက်ရှိကာ မြောက်-အနောက်မြောက်ဘက်ကို တဖြည်းဖြည်းရွေ့လျား၍ လမ်းကြောင်းပြောင်းပါက  မြန်မာ့ကမ်းရိုးတန်းဘက်သို့ ရွေ့ရန် ရာခိုင်နှုန်းရှိကြောင်း မိုးလေဝ သနှင့် ဇလဗေဒညွှန်ကြားမှုဦးစီးဌာန၊ ဒုတိယညွှန်ကြားရေးမှူး ဦးလှထွန်းက မေ ၁ ရက်တွင် ဆင်ဟွာကို ပြောသည်။