ရန်ကုန်၊ မတ် ၈ ရက် (ဆင်ဟွာ) 

မန္တလေးတိုင်းဒေသကြီး မိုးကုတ်မြို့နယ်၌ မတ် ၇ ရက် ၁၀း၃၅နာရီ တွင်  မြေငလျင်လှုပ်ခတ်မှုဖြစ်ပွားပြီးနောက် ကျောက်တွင်းဟောင်းအတွင်း တွင်းဆင်းလမ်းပြိုကျ၍ ကျောက်ရှာဖွေသူ ၅ ဦး ပိတ်မိနေပြီး ၃ဦးမှာ အသက်ရှင်လျက် ပြန်လည် ရှာဖွေတွေ့ရှိခဲ့ကြောင်း၊ကျန်အမျိုးသား ၂ ဦး အားဆက်လက်ရှာဖွေလျက်ရှိကြောင်း ပြည်ထဲရေးဝန်ကြီးဌာန က မတ် ၈ရက် တွင် သတင်းထုတ်ပြန်သည်။

ရန်ကုန်၊ မတ် ၇ ရက် (ဆင်ဟွာ) 

ဖေဖော်ဝါရီလလယ် မှ မေလလယ် အထိသည် မြန်မာနိုင်ငံအနှံ့အပြားတွင်လေပြင်းတိုက်ခတ်မှုများ ဖြစ်ပေါ်နိုင်သည့်ကာလဖြစ်သည့် အတွက် သဘာဝဘေးအန္တရာယ်နှင့် ပတ်သက်၍ လူမှုဝန်ထမ်းကယ်ဆယ်ရေး နှင့် ပြန်လည်နေရာချထားရေးဝန်ကြီးဌာန ၏ Hot line ဖုန်းများအား ဆက်သွယ် အကူအညီတောင်းခံနိုင်ကြောင်း လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရးဝန်ကြီးဌာန၊ ဒုတိယညွှန်ကြားရေးမှူးဒေါ်ထွေးကြည်က ဆင်ဟွာ ကို မေလ ၇ ရက်တွင်ပြောသည်။ 

ရန်ကုန်၊ မတ် ၄ ရက် (ဆင်ဟွာ)

၂၀၂၀ ပြည့်နှစ်၊ မတ်လ (၄)ရက် ယနေ့နံနက်တွင် စစ်ကိုင်းတိုင်းဒေသကြီး၊ ကသာမြို့၏ အနောက်မြောက်ဘက် (၂၁)မိုင် ခန့်အကွာ၌ လှုပ်ရှားခဲ့သည့် ငလျင်ကြောင့်  စစ်ကိုင်းတိုင်းဒေသကြီး၊ အင်းတော်မြို့ နှင့် မော်လူးမြို့ ရှိ ဘုန်းတော်ကြီးကျောင်းတစ်ချို့ ၏ အုတ်နံရံများ အက်ကြောင်းများထင်ကြောင်းနှင့် ဘုရားကျောင်းဆောင်တစ်ခု၏ မုဒ်ဦး သက်ရောက်မှုရှိခဲ့ကြောင်း လူမှုဝန်ထမ်းကယ်ဆယ်ရေး နှင့် ပြန်လည်နေရာချထားရေး ဝန်ကြီးဌာန၊ ဒုတိယညွှန်ကြားရေးမှူးဒေါ်ထွေးကြည် က ဆင်ဟွာသို့ ပြောကြားခဲ့သည်။

ရန်ကုန်၊ မတ် ၂ ရက် (ဆင်ဟွာ) 

မြန်မာနိုင်ငံအတွင်း သို့ အနောက်ဘက်မှ ရွေ့လျား လာသော လေပွေလှိုင်းများ၏ အရှိန်ကြောင့် မတ်လ ၂ ရက်မှ မတ်လ ၆ ရက်အတွင်း တိုင်းဒေသကြီးနှင့် ပြည်နယ်အချို့တွင် အချိန်အခါမဟုတ် မိုးရွာခြင်းနှင့်အတူ လေပြင်းများတိုက်ခတ်ခြင်း၊ လေပြင်းနှင့်အတူ မိုးထစ်ချုန်းရွာခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်း စသည့် မိုးလေဝသဖြစ်စဉ်များ ဖြစ်ပေါ်နိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာန၊  လက်ထောက်ညွှန်ကြားရေးမှူး ဒေါက်တာသန်းနိုင်က ဆင်ဟွာ ကို မတ်လ ၂ရက်တွင်ပြောသည်။ 

ရန်ကုန် ၊ မတ် ၂ ရက်(ဆင်ဟွာ)

ရန်ကုန်-မန္တလေး အမြန်လမ်းမကြီး မိုင်တိုင် ၃၂၉/၂-၃၂၉/၃ အကြားတွင် မတ် ၁ ရက်က HIJET ယာဉ်တစ်စီး တိမ်းမှောက်မှု ဖြစ်ပွားခဲ့ရာ လူခြောက်ဦး သေဆုံးခဲ့ပြီး ငါးဦး ဒဏ်ရာများ ရရှိခဲ့ကြောင်း အမြန်လမ်းမကြီး ရဲတပ်ဖွဲ့ထံမှ သိရသည်။

ရန်ကုန်၊ ဖေဖော်ဝါရီ ၂၈ ရက် (ဆင်ဟွာ)

ယခု အချိန်သည် ဆောင်းရာသီအထွက်ဖြစ်ပြီး တစ်နိုင်ငံလုံးတွင် မတ်လ ၁ ရက် ကစပြီး နွေရာသီဝင်ပြီဖြစ်ကြောင်း ၂၀၂၀ ပြည့်နှစ်နွေရာ သီသည် နေအပူချိန် ကိုခံစားရမည့် နှစ်တစ်နှစ်ဖြစ်ကြောင်း မိုးလေဝသ နှင့် ဇလဗေဒညွှန်ကြားမှု ဦးစီးဌာန၊ လက်ထောက်ညွှန်ကြားရေးမှူး ဒေါက်တာသန်းနိုင်က ဆင်ဟွာကို ဖေဖော်ဝါရီ လ ၂၈ ရက်တွင်ပြောကြားသည်။ 

ရန်ကုန် ၊ ဖေဖော်ဝါရီ ၂၇ ရက်(ဆင်ဟွာ)

ရန်ကုန်မြို့၏ လေအရည်အသွေး အညွှန်းကိန်း(AQI)တန်ဖိုးမှာ ဖေဖော်ဝါရီ ၂၆ ရက်တွင် ၁၀၂ အထိ ရှိခဲ့ပြီး အဆင့် အနေဖြင့် ခံနိုင်ရည် နည်းပါးသော အုပ်စုများ အတွက် ကျန်းမာရေး ထိခိုက်စေကြောင်း မိုးလေဝသ နှင့် ဇလဗေဒ ညွှန်ကြားမှု ဦးစီးဌာန၏ ယနေ့ ထုတ်ပြန်သော အချက်အလက်များ အရ သိရသည်။

ရန်ကုန်၊ ဖေဖော်ဝါရီ ၂၆ ရက် (ဆင်ဟွာ)

စစ်ကိုင်းတိုင်းဒေသကြီး ကသာမြို့နယ်၊ သာစည်ကျေးရွာတွင် ဖေဖော်ဝါရီ ၂၅ ရက် ညနေ ၄နာရီဝန်းကျင်ခန့်က ကလေးငယ် ၆ဦးသည် ဧရာဝတီမြစ်အတွင်းမှ ဖားဥဟုယူဆရသော ဥများကောက်ယူကြော်စားမိပြီး အစာအဆိပ်သင့်မှုဖြစ်ကာ တစ်ဦးသေဆုံးခဲ့ကြောင်း စစ်ကိုင်းတိုင်းဒေသကြီးရဲတပ်ဖွဲ့ထံမှ သိရသည်။

ရန်ကုန်၊ ဖေဖော်ဝါရီ ၂၄ ရက်(ဆင်ဟွာ)

ငါးလုပ်ငန်းဦးစီးဌာနနှင့် သားငှက်ထိန်းသိမ်းရေးအဖွဲ့ (မြန်မာနိုင်ငံအစီအစဉ်) တို့ ပူးပေါင်း၍ မန္တလေးမှ ဗန်းမော်အထိ ယခုနှစ်အတွက် ဖေဖော်ဝါရီ ၁၀ ရက် မှ ၂၀ ရက်အထိ ဧရာဝတီလင်းပိုင် စစ်တမ်းကောက်ယူမှုပြုလုပ်ခဲ့ရာ ဆယ်စုနှစ်(၂)ခု အတွင်း အများဆုံးတွေ့ရှိမှုအဖြစ် ၇၉ ကောင် တွေ့ရှိခဲ့ကြောင်း  ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။

ရန်ကုန်၊ ဖေဖော်ဝါရီ ၂၀ ရက် (ဆင်ဟွာ)

ရန်ကုန်တိုင်းဒေသကြီး၊ လသာမြို့နယ်၊ (၂)ရပ်ကွက်၊ လမ်းမတော်လမ်း၊ သံဈေးတွင်(ဖေဖော်ဝါရီ ၂၀ရက်) ယနေ့ နံနက် ၆ နာရီ ၅ မိနစ် အချိန်ခန့်မှစတင်၍ မီးလောင်ကျွမ်းမှုကြောင့် ဈေးကြီး ဒုတိယထပ်ရှိ ဆိုင်ခန်း ၄၁ခန်း မီးလောင်ဆုံးရှုံးခဲ့ပြီးမီးခိုးမွှန်၍ လူ ၁၅ ဦး ရန်ကုန်ပြည်သူ့ဆေးရုံကြီးတွင် ဆေးကုသမှုခံယူနေရကြောင်း မြန်မာနိုင်ငံမီးသတ်ဦးစီးဌာနမှတာဝန်ရှိသူတစ်ဦးက ဆင်ဟွာသို့ပြောကြားသည်။