21
Sun, Oct
740 New Articles

ကချင်ပြည်နယ်၊ မံစီမြို့နယ်တွင် ငွေကျပ် သိန်းပေါင်း ၁,၂၉၅ တန်ဖိုးရှိ မူးယစ်ဆေးဝါးများ ဖမ်းဆီးရမိ

ဖမ်းဆီးရမိသူအား မူးယစ်ဆေးဝါးများနှင့်အတူတွေ့ရစဉ် (ဓာတ်ပုံ-- ပြည်ထဲရေးဝန်ကြီးဌာန) Politics, Law & Military

ရန်ကုန်၊ စက်တင်ဘာ ၂၁ ရက် (ဆင်ဟွာ)

ကချင်ပြည်နယ်၊ မံစီမြို့နယ်တွင် ငွေကျပ် သိန်းပေါင်း ၁,၂၉၅ တန်ဖိုးရှိ မူးယစ်ဆေးဝါးများ ဖမ်းဆီးရမိခဲ့ကြောင်း ပြည်ထဲရေးဝန်ကြီးဌာန မှ ယနေ့သတင်းထုတ်ပြန်သည်။

ဖြစ်စဉ်မှာ စက်တင်ဘာ ၂၀ ရက်နေ့ ၁၈း၀၀နာရီ  အချိန် မူးယစ်တပ်ဖွဲ့စု(၁)ဗန်းမော်မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မံစီမြို့နယ်၊ ဟန်ထက်-မန်သာ သွားကားလမ်းတွင် ကျော်ဇင်လတ် မောင်းနှင် လာသော ဆိုင်ကယ်ရောက်ရှိ၍ရှာဖွေရာ ဆိုင်ကယ်ခွကြားရှိ ဆာလာအိတ်အတွင်းမှ စိတ်ကြွရူးသွပ် ဆေးပြား ၄၂,၉၀၀ ပြား ၊ ဘိန်းစိမ်း ၄၀၀ ဂရမ်၊ ၊ ဘိန်းဖြူ ၃၈ ဂရမ် နှင့် လက်ကိုင်ဖုန်း တစ်လုံး တို့ကို သိမ်းဆည်းရမိခဲ့သဖြင့် ကျော်ဇင်လတ်(ခ) အီးကြား(၃၂) နှစ် အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေ အရ အရေးယူထားကြောင်း သတင်းထုတ်ပြန်ချက်ထဲတွင်ပါရှိသည်။  (Xinhua)