15
Tue, Oct
572 New Articles

ပြည်ထောင်စုဝန်ကြီးဌာန သုံးခုတွင် ဒုတိယဝန်ကြီးများခန့်အပ်ကြောင်း သမ္မတရုံးထုတ်ပြန်

ဒုတိယဝန္ႀကီးခန္႔အပ္ေၾကာင္း ထုတ္ျပန္ခ်က္အားေတြ႔ရစဥ္ (ဓာတ္ပံု--နိုင္ငံေတာ္သမၼတရံုး) Politics, Law & Military

ရန်ကုန်၊ အောက်တိုဘာ ၁၅ ရက် (ဆင်ဟွာ)

ပြည်တောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေပုဒ်မ ၂၃၄၊ ပုဒ်မခွဲ(က)၊ (ဃ) နှင့် ပြည်ထောင်စုအစိုးရအဖွဲ့ ဥပဒေပုဒ်မ ၁၆၊ ပုဒ်မခွဲ (ခ)၊ ပုဒ်မခွဲငယ် (၉) တို့ပါ ပြဋ္ဌာန်းချက်များအရ ပြည်ထောင်စုဝန်ကြီးဌာန သုံးခုတွင် ဒုတိယ ဝန်ကြီး သုံးဦးအားခန့်အပ်လိုက်ကြောင်း နိုင်ငံတော်သမ္မတ ရုံးမှ ယနေ့ထုတ်ပြန်လိုက်သည်။

ဦးကြည်မင်းအား သာသနာရေးနှင့်ယဉ်ကျေးမှုဝန်ကြီးဌာနဒုတိယဝန်ကြီးဖြစ်လည်းကောင်း၊ ဒေါက်တာရဲမြင့်ဆွေ အားသယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာန ဒုတိယဝန်ကြီးအဖြစ်လည်းကောင်း၊ ဦးလှမော်ဦးအား တိုင်းရင်းသားလူမျိုးများရေးရာဝန်ကြီးဌာန ဒုတိယဝန်ကြီး အဖြစ်လည်းကောင်း ခန့်အပ်တာဝန်ပေးအပ်လိုက်ကြောင်း နိုင်ငံတော်သမ္မတရုံး ၏ ထုတ်ပြန်ချက်တွင်ပါရှိသည်။

နေပြည်တော်ကောင်စီဝင်အဖြစ်ခန့်အပ်ကြောင်းထုတ်ပြန်ချက်အားတွေ့ရစဉ် (ဓာတ်ပုံ--နိုင်ငံတော်သမ္မတရုံး)

ထို့အတူ ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေပုဒ်မ ၂၈၅၊ ပုဒ်မခွဲ (ခ)၊ ပုဒ်မခွဲငယ် (၂)၊ ပြည်ထောင်စုအစိုးရအဖွဲ့ဥပဒေပုဒ်မ ၂၂ နှင့် နေပြည်တော်ကောင်စီဥပဒေပုဒ်မ ၄ တို့ပါ ပြဋ္ဌာန်းချက်များအရ ဦးညီထွန်း ကို နေပြည်တော်ကောင်စီဝင်အဖြစ် ခန့်အပ်တာဝန်ပေးအပ်လိုက်ကြောင်း နိုင်ငံတော်သမ္မတရုံးမှ ထုတ်ပြန်ခဲ့သည်။ (Xinhua)