21
Fri, Feb
428 New Articles

ပစ်ခတ်တိုက်ခိုက်မှု ရပ်စဲရေးဆိုင်ရာပူးတွဲစောင့်ကြည့်ရေးကော်မတီအဆင့်ဆင့်၏ အတွင်းရေးမှူးများ ဒုတိယအကြိမ် အစည်းအဝေးကျင်းပ

JMC အဆင့္ဆင့္၏ အတြင္းေရး မွဴးမ်ားဒုတိယအႀကိမ္ အစည္းအေဝးက်င္းပစဥ္(MOI) Politics, Law & Military

ရန်ကုန်၊ အောက်တိုဘာ ၃၁ ရက် (ဆင်ဟွာ)

ပစ်ခတ်တိုက်ခိုက်မှု ရပ်စဲရေးဆိုင်ရာပူးတွဲစောင့်ကြည့်ရေးကော်မတီ (JMC) အဆင့်ဆင့်၏ အတွင်းရေး မှူးများဒုတိယအကြိမ် အစည်းအဝေးကို အောက်တိုဘာ ၃၀ရက် ၉ နာရီခွဲကရန်ကုန်မြို့၊ ရွှေလီလမ်းရှိ အမျိုးသားပြန်လည် သင့်မြတ်ရေးနှင့် ငြိမ်းချမ်းရေးဗဟိုဌာန(NRPC) တွင် ကျင်းပခဲ့သည်။

ပစ်ခတ်တိုက်ခိုက်မှု ရပ်စဲရေး ဆိုင်ရာပူးတွဲစောင့်ကြည့်ရေးကော်မတီ (JMC) အဆင့်ဆင့်၏ အတွင်းရေးမှူးများဒုတိယအကြိမ် အစည်းအဝေးကိုအောက်တိုဘာ ၃၀ မှ ၃၁ ရက်အထိ နှစ်ရက်ကြာကျင်းလျက်ရှိကြောင်း သိရသည်။

အဆိုပါအစည်းအဝေးသို့ တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA)လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့အစည်းများနှင့် အစိုးရ၊ တပ်မတော်သား ကိုယ်စားလှယ်များပါဝင်သည့် ပြည်ထောင်စုအဆင့်၊ တိုင်းဒေသကြီး/ ပြည်နယ်အဆင့်နှင့် ဒေသဆိုင်ရာအဆင့် ပစ်ခတ်တိုက်ခိုက်မှုရပ်စဲရေး ဆိုင်ရာပူးတွဲစောင့်ကြည့်ရေး ကော်မတီအတွင်းရေးမှူး (၁၄) ဦးနှင့် အထောက်အကူပြုဝန်ထမ်းများပါဝင်တက်ရောက်ခဲ့ကြောင်း သိရသည်။

ယင်းအစည်းအဝေးတွင် JMC အဆင်ဆင့်အတွင်းရေးမှူးများသည် အတွင်းရေးမှူးများ၏ တာဝန်နှင့်လုပ်ပိုင်ခွင့်အတွင်းရှိ သည့် အရာများကို ဆုံးဖြတ်ဆောင်ရွက်နိုင်ပြီးဆောင်ရွက်၍ မရသည့် ကိစ္စများအား JMC-U အစည်းအဝေးသို့ ဆက်လက်တင်ပြ၍ သဘောထားမှတ်ချက်များရ ယူနိုင်ကြောင်းသိရသည်။

ပစ်ခတ်တိုက်ခိုက်မှုရပ်စဲရေးဆိုင်ရာပူးတွဲစောင့်ကြည့်ရေးကော်မတီ(JMC) အဆင့်ဆင့်အဖြစ် ပြည်ထောင်စုအဆင့် (JMC-U)ဟူ၍ ဖွဲ့စည်းထားပြီး JMC-U အောက်တွင်ပြည်နယ်နှင့် တိုင်းဒေသကြီးအဆင့် (JMC-S)နှင့် ဒေသအဆင့် (JMC-L)ဟူ၍ ဖွဲ့စည်းထားသည်။

ပြည်နယ်နှင့်၊ တိုင်းဒေသကြီးအဆင့်(JMC-S) ကိုရှမ်းပြည်နယ်၊ ပဲခူးတိုင်းဒေသကြီး၊ ကရင်ပြည်နယ်၊ မွန်ပြည်နယ်နှင့် တနင်္သာရီတိုင်းဒေသကြီးတို့တွင် ဖွဲ့စည်းထားပြီးဒေသအဆင့် (JMC-L)ကိုရှမ်းပြည်နယ် (တောင်ပိုင်း) လင်းခေးနှင့် ကရင်ပြည်နယ်၊ ဖာပွန်တို့တွင် အသီးသီးဖွဲ့စည်းထားသည်။

ပစ်ခတ်တိုက်ခိုက်မှု ရပ်စဲရေးဆိုင်ရာပူးတွဲစောင့်ကြည့်ရေးကော်မတီ (JMC) အဆင့်ဆင့်၏ အတွင်းရေးမှူးများအစည်းအဝေးကို လေးလတစ်ကြိမ် ကျင်းပပြီးအတွင်းရေးမှူးများသည် သက်ဆိုင်ရာ ကော်မတီများ၏ဆုံးဖြတ်ချက်များကို အကောင်အထည်ဖော်ဆောင်ရွက်ရခြင်း၊ ရုံးအဖွဲ့များ ကိုအနီး ကပ်ကြီးကြပ်မှုများပြုလုပ်ရခြင်း နှင့် တိုင်ကြားမှုများအပေါ် ဖြေရှင်းဆောင်ရွက်ရခြင်း များပြုလုပ်ရကြောင်း အစည်းအဝေးမှ သိရသည်။(Xinhua)