25
Thu, Apr
600 New Articles

ကချင်ပြည်နယ် ဟိုပင်မြို့နယ်အတွင်း သန်း၂၄၀၀ကျော် တန်ဖိုးရှိ စိတ်ကြွရူးသွပ်ဆေးပြား၊ ဘိန်းဖြူနှင့် ဘိန်းဆီခဲများ ဖမ်းဆီးရမိ

ဖမ်းဆီးရမိသော စိတ်ကြွရူးသွပ်ဆေးပြား၊ ဘိန်းဖြူနှင့် ဘိန်းဆီခဲများအား တွေ့ရစဉ်(ဓာတ်ပုံ-မြန်မာနိုင်ငံရဲတပ်ဖွဲ့) Politics, Law & Military

ရန်ကုန်၊ ဒီဇင်ဘာ ၁၅ ရက် (ဆင်ဟွာ)

ကချင်ပြည်နယ်၊ ဟိုပင်မြို့နယ်အတွင်း ဒီဇင်ဘာ ၁၄ ရက် နံနက်ပိုင်းက သန်း၂၄၀၀ကျော် တန်ဖိုးရှိ စိတ်ကြွရူးသွပ်ဆေးပြား၊ ဘိန်းဖြူနှင့် ဘိန်းဆီခဲများ ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့က ထုတ်ပြန်သော သတင်းအရ သိရသည်။

ဟိုပင်မြို့၊ ဇီးကုန်းကျေးရွာ၊ ဟိုပင်-လုံးတုံ-ကုန်းသာ-ညောင်ပင်သွားကားလမ်း၊ မိုင်တိုင်အမှတ်(၈/၂)အနီး၌ ရပ်တန့်ထားသည့် 7C/------ SURF မော်တော်ယာဉ် ၁ စီးအား မသင်္ကာဖွယ်တွေ့ရှိရကြောင်း သတင်းအရ ပူးပေါင်းအဖွဲ့မှ သွားရောက်သွားစစ်ဆေးခဲ့ရာ ယာဉ်ပေါ်မှ ခရီးဆောင်အိတ်များအတွင်း ဆပ်ပြာခွက် ၅၇၂ ခွက်ဖြင့် ထည့်ထားသည့် ဘိန်းဖြူ ၅၇၂၀ ဂရမ်( ၁ ဂရမ်လျှင် ၇၀,၀၀၀ ကျပ်နှုန်းဖြင့် စုစုပေါင်း တန်ဖိုး ၄၀၀,၄၀၀,၀၀၀ ကျပ်)၊ စိတ်ကြွဆေးပြား ၆၆၆,၉၀၀ ပြား( ၁ ပြားလျှင် ၃၀၀၀ ကျပ်နှုန်းဖြင့် စုစုပေါင်းတန်ဖိုး၂,၀၀၀,၇၀၀,၀၀၀ ကျပ်)နှင့် ဘိန်းဆီခဲ ၁၄,၃၇၀ ဂရမ်( ၁ ဂရမ်လျှင် ၄၅၀၀ ကျပ်နှုန်းဖြင့် စုစုပေါင်း တန်ဖိုး၆၄,၆၆၅,၀၀၀ ကျပ်)တို့အား ဖမ်းဆီးရမိခဲ့ကြောင်း သိရသည်။အဆိုပါ ဖမ်းဆီးရမိမှုနှင့် ပတ်သက်ပြီး ဟိုပင်နယ်မြေရဲစခန်း မူးယစ်(ပ)၉၅/၂၀၁၈၊ မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများ ဆိုင်ရာဥပဒေပုဒ်မ-၁၉(က)/၂၁ဖြင့် အမှုဖွင့် စစ်ဆေးလျက်ရှိပြီး ကွင်းဆက်ဖော်ထုတ်လျက်ရှိကြောင်း သိရသည်။(Xinhua)