09
Mon, Dec
489 New Articles

ရှမ်းပြည်နယ် လွိုင်လင်မြို့တွင် ကျပ် သိန်း ၁၅၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းမိ

လြိဳင္လင္ၿမိဳ႕တြင္ ဖမ္းဆီးရမိေသာ စိတ္ၾကြရူးသြပ္ေဆးျပားမ်ားႏွင့္ တရားခံအားေတြ႔ရစဥ္(CCDAC) Politics, Law & Military

ရန်ကုန်၊ ဇွန် ၂၄ ရက် (ဆင်ဟွာ)

ရှမ်းပြည်နယ် လွိုင်လင်မြို့တွင် ဇွန် ၂၃ ရက် နံနက်ပိုင်းက ကျပ် သိန်း ၁၅၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းမိရမိခဲ့ကြောင်း မူးယစ်ဆေးဝါးတားဆီးနှိမ်နင်းရေးဗဟိုကော်မတီက ယနေ့ ထုတ်ပြန်သော သတင်းအရ သိရသည်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့စု(၂၇)လွိုင်လင်မှ တပ်ဖွဲ့ဝင်များသည် သတင်းအရ သက်သေများနှင့်အတူ လွိုင်လင်မြို့အထွက်၊ ဟိုတင့်ကျေးရွာအနီး၊ လွိုင်လင်- တောင်ကြီး သွားကားလမ်းတွင် လွိုင်လင်မြို့ဘက်မှ တောင်ကြီးမြို့ဘက်သို့ မောင်းနှင်လာ မော်တော်ယာဉ်အား ရပ်တန့်စစ်ဆေးရှာဖွေရာ မော်တော်ယာဉ်ပေါ်တွင် တင်ဆောင်လာသော ဂတ်စ်အိုးခွံအတွင်းမှ ပလတ်စတစ်ကပ်ခွာအိတ်များဖြင့်ထည့်ထားသည့် စိတ်ကြွရူးသွပ် ဆေးပြား ၁၅၀,၀၀၀ ပြား(ဒေသကာလပေါက်ဈေးတန်ဖိုးငွေကျပ် ၁,၅၀၀ သိန်း)၊ လက်ကိုင်ဖုန်း ၂ လုံးနှင့် မြန်မာငွေ ၃၃ သိန်းတို့အား တွေ့ရှိသိမ်းဆည်းရမိခဲ့ကြောင်း သိရသည်။

ယင်း တရားခံအား ဖော်ထုတ်စစ်ဆေးပြီး ကွင်းဆက်များအား ဆက်လက် ရှာဖွေရာ အဆိုပါစိတ်ကြွရူးသွပ်ဆေးပြားများအား သယ်ဆောင် ခိုင်းသူအား ၎င်းနေထိုင်သည့် နေအိမ်တွင် ဖမ်းဆီးရမိခဲ့ကြောင်း သိရသည်။အဆိုပါဖမ်းဆီးရမိခဲ့သည့် စိတ်ကြွရူးသွပ်ဆေးပြားများနှင့်စပ်လျဉ်း၍ လွိုင်လင်မြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေဖြင့် အမှုဖွင့်အရေးယူပြီး ကွင်းဆက်များ ဖော်ထုတ်စစ်ဆေးလျက် ရှိကြောင်း သိရသည်။(Xinhua)