21
Thu, Nov
477 New Articles

ရခိုင်ပြည်နယ်၊ မောင်တောမြို့နယ် တွင် ဒေသကာလပေါက်ဈေးတန်ဖိုးငွေကျပ် ၇,၀၂၀ သိန်း တန်ဖိုးရှိ စိတ်ကြွရူးသွပ်ဆေးပြားများဖမ်းဆီးရမိ

ဖမ်းဆီးရမိသူ နှင့်အတူ သက်သေခံပစ္စည်းများအားတွေ့ရစဉ် (ဓာတ်ပုံ-- CCDAC) Politics, Law & Military

ရန်ကုန်၊ စက်တင်ဘာ ၂၃ ရက် (ဆင်ဟွာ) 

ရခိုင်ပြည်နယ်၊ မောင်တောမြို့နယ် တွင် ဒေသကာလပေါက်ဈေးငွေကျပ် ၇,၀၂၀ သိန်း တန်ဖိုးရှိ စိတ်ကြွရူးသွပ်ဆေးပြားများဖမ်းဆီးရမိခဲ့ကြောင်း မူးယစ်ဆေးဝါးသုံးစွဲမှုထိန်းချုပ်ရေးဗဟိုကော်မတီ က စက်တင်ဘာလ ၂၃ ရက် တွင် သတင်းထုတ်ပြန်သည်။

ဖြစ်စဉ်မှာ စက်တင်ဘာလ ၂၂ ရက် ၁၈း၃၀နာရီ တွင် လုံခြုံရေးတပ်ဖွဲ့ဝင်များပါဝင်သောပူးပေါင်းအဖွဲ့သည် မူးယစ်ဆေးဝါး သတင်းအရ သက်သေများနှင့်အတူ မောင်တောမြို့နယ်၊ သဲချောင်းကျေးရွာနေ မရာစ်မင် ၅၁ နှစ်၏နေအိမ်အား ဝင်ရောက်ရှာဖွေရာ မှ၎င်းအားလက်ရဖမ်းဆီးရမိခဲ့ကြောင်း၊ တစ်ဆက်တည်းမှာပင် မရာစ်မင် ၏ နေအိမ်ခြံဝင်းအတွင်းရှိ ရေကန်အတွင်းမှ ပလတ်စတစ်အိတ်များဖြင့် ထည့်ထားသည့် စိတ်ကြွရူးသွပ်စိတ်ကြွဆေးပြား ၃၅၁,၀၀၀ ပြား(ဒေသကာလပေါက်ဈေးတန်ဖိုးငွေကျပ် ၇,၀၂၀ သိန်း) အား တွေ့ရှိသိမ်းဆည်းရမိခဲ့ကြောင်း သိရသည်။ 

အဆိုပါ ဖမ်းဆီးရမိခဲ့သည့် စိတ်ကြွရူးသွပ်ဆေးပြားများနှင့်စပ်လျဉ်း၍ သက်ဆိုင်ရာရဲစခန်းတွင် မူးယစ်ဆေးဝါး နှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေဖြင့် အမှုများရေးဖွင့်ပြီး ကွင်းဆက်များဖော်ထုတ် စစ်ဆေးလျက်ရှိကြောင်း သတင်းထုတ်ပြန်ချက်ထဲတွင် ပါရှိသည်။  (Xinhua)