27
Mon, May
580 New Articles

ရန်ကုန်၊ မတ် ၃ ရက် (ဆင်ဟွာ)

မြန်မာ - ဘင်္ဂလားဒေ့ရှ် နှစ်နိုင်ငံ တပ်ရင်းမှူးအဆင့် တွေ့ဆုံဆွေးနွေးပွဲ ကို မတ် ၂ ရက် ညနေ ၄ နာရီမှ ၄ နာရီ ၅၅ မိနစ်အထိ ဘင်္ဂလားဒေ့ရ်ှနိုင်ငံ ဘက်ခြမ်း နှစ်နိုင်ငံ နယ်စပ်မှတ်တိုင် (၃၁/၁) ဂေါင်းဒုံ BGB စခန်း၌ ကျင်းပခဲ့ကြောင်း ပြန်ကြားရေးဝန်ကြီးဌာန မှ ယနေ့သတင်းထုတ်ပြန်သည်။

ရန်ကုန်၊ မတ် ၂ ရက် (ဆင်ဟွာ)

ရှမ်းပြည်နယ်၊ ဆီဆိုင်မြို့နယ်တွင် ငွေကျပ် ၄၄၄ သိန်း တန်ဖိုးရှိ ဘိန်းစိမ်းများ ဖမ်းဆီးရမိခဲ့ကြောင်း ပြည်ထဲရေးဝန်ကြီးဌာန မှ ယနေ့သတင်းထုတ်ပြန်သည်။

ရန်ကုန် ၊ မတ် ၂ ရက်(ဆင်ဟွာ)

တောင်ကြီး-ထီလာသွားကားလမ်း၊ မိုင်တိုင်အမှတ် (၃၄/၇)၊ ကျွဲတပ်ဆုံကျေးရွာအနီးတွင် ၂၂ ဘီး ယာဉ် တစ်စီး အား ရပ်တန့် ရှာဖွေရာ ပြောင်းဖူးရိုးများ ထည့်ထားသော မြွေရေခွံအိတ်များ၊ ပီပါခွံများဖြင့် ဖုံးအုပ် သယ်ဆောင် လာသည့် တရားမဝင်ပိတောက် သစ်ခွဲသား ၁၀၆ ချောင်း ၊ (၁၂.၁၇၁)တန် တွေ့ရှိသိမ်းဆည်းရမိခဲ့ကြောင်း မြန်မာနိုင်ငံ ရဲတပ်ဖွဲ့ ၏ သတင်း ထုတ်ပြန်မှု အရ သိရသည်။

ရန်ကုန် ၊ မတ် ၂ ရက်(ဆင်ဟွာ)

တောင်သူလယ်သမားတို့၏ ပေါင်းစည်းအင်အားဖြင့် လယ်ယာကဏ္ဍ အပါအဝင် နိုင်ငံတော်၏ အမျိုးသားရေး အကျိုးစီးပွား ဘက်စုံဖွံ့ဖြိုး တိုးတက်ရေးကို အရှိန်အဟုန်မြှင့်တင်၍ ကြိုးပမ်းဆောင်ရွက်ကြရမည့် အချိန်အခါကောင်းဖြစ်သည်နှင့်အညီ တောင်သူ လယ်သမားများ၏ လူမှုစီးပွားဘဝမြှင့်တင်ရန် အခါအခွင့်သင့်သော အခြေအနေ ဖြစ်ကြောင်း ယနေ့ မတ် ၂ ရက်တွင် ကျရောက်သည့် တောင်သူလယ်သမားနေ့အခမ်းအနားသို့ နိုင်ငံတော်သမ္မတ ဦးထင်ကျော်ထံမှ ပေးပို့သော သဝဏ်လွှာတွင် ဖော်ပြထားသည်။

ရန်ကုန် ၊ မတ် ၁ ရက်(ဆင်ဟွာ)

ချင်းပြည်နယ် တွန်းဇံမြို့နယ်အတွင်း စိုက်ပျိုးထားသော ဘိန်းခင်းများအား တပ်မတော်၊ မြန်မာနိုင်ငံရဲတပ်ဖွဲ့နှင့် ဌာနဆိုင်ရာများ ပါဝင်သော စစ်ကြောင်း သုံးကြောင်းဖြင့် ဖေဖော်ဝါရီ ၂၂ ရက်မှ ၂၈ ရက်အထိ ကွင်းဆင်း ရှာဖွေ ဖျက်ဆီးခြင်းများ ဆောင်ရွက်ခဲ့ကြောင်း ပြန်ကြားရေး ၀န်ကြီးဌာန၏ ထုတ်ပြန်မှု အရ သိရသည်။

ရန်ကုန် ၊ ဖေဖော်ဝါရီ ၂၈ ရက်(ဆင်ဟွာ)

ပြည်ထောင်စု ငြိမ်းချမ်းရေး ညီလာခံ-(၂၁)ရာစု ညီလာခံ တတိယ အစည်းအဝေးကို ဧပြီလကုန် မေလဆန်းတွင် ကျင်းပရန် လျာထား သတ်မှတ်သည့် ဆုံးဖြတ်ချက်ကိုချမှတ်နိုင်ခဲ့ကြောင်း ယနေ့ ဖေဖော်ဝါရီ ၂၈ ရက်တွင် ပြုလုပ်သည့် ၇ ကြိမ်မြောက် တစ်နိုင်ငံလုံးပစ်ခတ် တိုက်ခိုက်မှု ရပ်စဲရေး သဘောတူ စာချုပ် အကောင်အထည် ဖော်မှု ဆိုင်ရာ ညှိနှိုင်းအစည်းအဝေး(JICM) အစည်းအဝေး ဆုံးဖြတ်ချက် အရ သိရသည်။

နေပြည်တော်၊ ဖေဖော်ဝါရီ ၂၈ ရက် (ဆင်ဟွာ)

ဘဏ္ဍာရေးနှစ် အသစ်နှင့် အဟောင်း ကြားကာလ ခြောက်လအတွင်း (၂၀၁၈ ခုနှစ် ဧပြီလမှ စက်တင် ဘာလအထိ) အမျိုးသားစီမံကိန်း ဥပဒေကြမ်းပါ စီမံကိန်းလုပ်ငန်းများအား ယနေ့  ပြည်ထောင်စု လွှတ်တော် အစည်းအဝေးက ဝန်ကြီးဌာန ၂၄ ခုနှင့် ပြည်ထောင်စု အဆင့် အဖွဲ့ အစည်း အချို့ တို့ ၏ စီမံကိန်း လုပ်ငန်းများ အတွက် မူလ လျာထား ဘတ်ဂျက်များမှ ကျပ်သန်း ၁၀၄,၉၈၄ ဒသမ ၃၅၀ လျှော့ချ ပြင်ဆင်ပြီး  အဆိုပါ ခြောက်လ ဘတ်ဂျက် ဥပဒေကြမ်းကို အတည်ပြုလိုက်သည်။

ရန်ကုန်၊ ဖေဖော်ဝါရီ ၂၈ ရက် (ဆင်ဟွာ)

 

ကချင်ပြည်နယ်၊ တနိုင်းမြို့တွင် လက်လုပ်မိုင်း တစ်လုံးအား အသက်သွင်းစဉ် ပေါက်ကွဲပြီး တစ်ဦးသေဆုံးသွားကြောင်း တပ်မတော်ကာကွယ်ရေးဦးစီးဌာနက ယနေ့ ထုတ်ပြန်သော သတင်းအရ သိရသည်။

ရန်ကုန်၊ ဖေဖော်ဝါရီ ၂၈ ရက် (ဆင်ဟွာ)

ရခိုင်ပြည်နယ် မောင်တောမြို့နယ်ရှိ ပြန်လည်လက်ခံရေးစခန်းများ၌ ဘင်္ဂလားဒေ့ရ်ှနိုင်ငံဘက်မှ ပြန်လည်ဝင်ရောက်လာမည့်သူများအား လက်ခံရေး ဆောင်ရွက်ခဲ့ရာ စတင်လက်ခံသည့်နေ့ ဇန်န၀ါရီ ၂၃ရက်မှ ဖေဖော်ဝါရီ ၂၇ ရက်နေ့ထိ တစ်လကျော်ကြာချိန်ထိ ပြန်လည်ဝင်ရောက်မှု မရှိသေးကြောင်း ပြည်ထဲရေးဝန်ကြီးဌာနက ထုတ်ပြန်သော သတင်းအရ သိရသည်။

ရန်ကုန်၊ ဖေဖော်ဝါရီ ၂၈ ရက် (ဆင်ဟွာ)

လမ်းမီးများ ထွန်းညှိခြင်းနှင့် လဲလှယ်တပ်ဆင်ခြင်း လုပ်ငန်းများကို လျှပ်စစ်ဓာတ်အားပေး ကော်ပရေးရှင်းသို့သာ တာဝန်ပေးအပ်သွားရေး ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းနှင့် ရန်ကုန်မြို့တော်စည်ပင်သာယာရေး ကော်မတီ မြို့တော်ဝန်တို့ ညှိနှိုင်းနေကြောင်း ၊ရန်ကုန်တိုင်းဒေသကြီးအစိုးရအဖွဲ့ ဝန်ကြီးဒေါ်နီလာကျော်က ပြောသည်။