နေပြည်တော်၊ မေ ၁၈ ရက်(ဆင်ဟွာ)

ကချင်ပြည်နယ် မြစ်ကြီးနား-ဝိုင်းမော်-ဆဒုံး-ကန်ပိုင်တီမှ တရုတ်ပြည်သူ့ သမ္မတနိုင်ငံသို့ ဆက်သွယ်ထားသော ၁၁၄ ဒသမ ၂၆ ကီလိုမီတာ ရှည်လျားသည့် လမ်းပိုင်းအား COVID -19 အလွန်ကာလတွင် ပြန်လည် ပြင်ဆင်ပေးသွားမည်ဟု ဆောက်လုပ်ရေး ဝန်ကြီးဌာန ဒုတိယ ဝန်ကြီး ဒေါက်တာကျော်လင်းက ယနေ့ ပြည်သူ့ လွှတ်တော် အစည်းအဝေးတွင် ဖြေကြားခဲ့ သည်။

 

ရန်ကုန်၊ မေ ၁၈ ရက် (ဆင်ဟွာ)

ရှမ်းပြည်နယ် မူဆယ်မြို့နှင့် တာချီလိတ်၊ ရခိုင်ပြည်နယ် မောင်တောမြို့တို့တွင် မေ ၁၆ ရက်နှင့် မေ ၁၇ ရက်နှစ်ရက်အတွင်း ကျပ်သိန်းပေါင်း ၁၇,၀၀၀ကျော် တန်ဖိုးရှိ မူးယစ်ဆေးဝါးများ၊ မူးယစ်ဆေးဝါးချက်လုပ်ရာတွင် အသုံးပြုသော ပစ္စည်းများနှင့် လက်နက်ခဲယမ်းများ ဖမ်းဆီးရမိကြောင်း တပ်မတော်ကာကွယ်ရေးဦးစီးချုပ်ရုံးက ထုတ်ပြန်သော သတင်းအရ သိရသည်။

ရန်ကုန်၊ မေ ၁၃ ရက် (ဆင်ဟွာ) 

ရှမ်းပြည်နယ် မိုးမိတ်မြို့နယ်တွင် ဒေသ ကာလပေါက်ဈေးငွေကျပ် သိန်းပေါင်း ၁၆,ဝဝ၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိခဲ့ကြောင်း ပြည်ထဲရေးဝန်ကြီးဌာန  က ယနေ့ မေ ၁၃ ရက် တွင် သတင်း ထုတ်ပြန်သည်။ 

ရန်ကုန် ၊ ဧပြီ ၂၉ ရက်(ဆင်ဟွာ) 

၁၅ ကြိမ်မြောက် ၁၀၀၀ ကျပ်တန် အောင်ဘာလေ သိန်းဆုဖွင့်ပွဲ အတွက် ထီစာအုပ် ၃ ဒသမ ၁ သန်းကျော်(၃,၁၀၉,၀၈၄)အုပ် ထုတ်ဝေခဲ့ရာ ထီစာအုပ် ထက်ဝက်ကျော် အရေအတွက်အားဖြင့် အုပ်ရေ ၁ ဒသမ ၈ သန်းကျော် (၁,၈၁၁,၆၈၅)မှာ ရောင်းမကုန်ထီအဖြစ် ကျန်ရှိခဲ့ကြောင်း စီမံကိန်း ၊ ဘဏ္ဍာရေး နှင့် စက်မှုဝန်ကြီးဌာန ၊ ပြည်တွင်း အခွန်များ ဦးစီးဌာနမှ သိရသည်။ 

ရန်ကုန်၊ ဧပြီ ၂၉ ရက် (ဆင်ဟွာ) 

စစ်ကိုင်းတိုင်းဒေသကြီးအတွင်း  COVID-19ရောဂါ ကာကွယ်ထိန်းချုပ် ရေးအတွက် စက်ရုံ၊ အလုပ်ရုံများအားယာယီပိတ်သိမ်းခဲ့ပြီး ကျန်းမာရေးနှင့်အားကစားဝန်ကြီးဌာန၏ ညွှန်ကြားချက်များနှင့် ကိုက်ညီသော စက်ရုံ၊အလုပ်ရုံများအား  ဧပြီ ၂၈ ရက်တွင် ပြန်လည်ဖွင့်လှစ်ခွင့်ပေးခဲ့ရာ လက်ရှိ သတ်မှတ်ချက်နှင့် ကိုက်ညီသော စက်ရုံ  ၅၃ ရုံ ပြန်လည်ဖွင့်လှစ်ခွင့်ရနေပြီဖြစ်ကြောင်း စစ်ကိုင်းတိုင်းဒေသကြီးအစိုးရအဖွဲ့ လူဝင်မှုကြီးကြပ်ရေးနှင့် လူ့စွမ်းအားအရင်းအမြစ်ဝန်ကြီးဌာန ဝန်ကြီး ဦးမိုးကျော်သူက ဆင်ဟွာသို့ပြောကြားသည်။

ရန်ကုန်၊ ဧပြီ ၂၉ ရက် (ဆင်ဟွာ)

ကမ္ဘာ့ကျန်းမာရေးအဖွဲ့ (World Health Organization-WHO)ပိုင် ယာဉ်အား ဧပြီလ ၂၀ ရက် ညနေပိုင်းတွင် ရခိုင်ပြည်နယ်၊ မင်းပြားမြို့နယ်၊ ရာမောင် ဇက်ဆိပ်အနီး၌ လက်နက်ငယ်များဖြင့် ပစ်ခတ်တိုက်ခိုက်ခြင်းခံခဲ့ခြင်းနှင့် ပတ်သတ်ပြီး စုံစမ်းစစ်ဆေးရေး ကော်မတီ ဖွဲ့စည်းလိုက်ကြောင်း နိုင်ငံတော်သမ္မတရုံးက ထုတ်ပြန်သော သတင်းအရ သိရသည်။

နေပြည်တော်၊ ဧပြီ ၂၆ ရက် (ဆင်ဟွာ)

ဒုတိယ အကြိမ် ပြည်ထောင်စုလွှတ်တော် (၁၆)ကြိမ်မြောက် ပုံမှန် အစည်းအဝေးအား မြန်မာ သက္ကရာဇ် ၁၃၈၂ ခုနှစ် ကဆုန်လပြည့်ကျော် ၁၂ ရက်၊ ၂၀၂၀ ပြည့်နှစ် မေ ၁၈ ရက် မွန်းလွဲ ၁ း ၃၀ နာရီတွင် ကျင်းပရန် ခေါ်ယူခြင်း အကြောင်းကြားစာကို ပြည်ထောင်စု လွှတ်တော်ရုံးက ကြေညာချက်အမှတ် (၂/ ၂၀၂၀)၊ ဧပြီ ၂၆ ရက် နေ့စွဲဖြင့် ထုတ်ပြန်လိုက်သည်။

ရန်ကုန် ၊ ဧပြီ ၂၁ ရက်(ဆင်ဟွာ) 

မြန်မာအစိုးရအနေဖြင့် လက်နက်ကိုင်အဖွဲ့များကြောင့် ကြုံတွေ့နေရသည့် အခက်အခဲ စိန်ခေါ်မှုများရှိလင့်ကစား ကမ္ဘာ့ကပ်ရောဂါဘေး ကျော်လွှားနိုင်ရေးအတွက် ကုလသမဂ္ဂ၊ ကမ္ဘာ့ကျန်းမာရေးအဖွဲ့တို့နှင့် အတူတကွ နီးကပ်စွာ ဆက်လက်ပူးပေါင်းဆောင်ရွက်သွားမည် ဖြစ်ကြောင်း နိုင်ငံခြားရေး ဝန်ကြီးဌာနမှ ယနေ့ သတင်းထုတ်ပြန်ခဲ့သည်။

နေပြည်တော်၊ ဧပြီ ၂၁ ရက်(ဆင်ဟွာ)

ရခိုင်ပြည်နယ် မင်းပြားမြို့နယ်၌ ဧပြီ ၂၀ ရက်တွင် ကမ ္ဘာ့ကျန်းမာရေးအဖွဲ့ ပိုင် ကမ္ဘာ့ကုလသမဂ္ဂ(UN) တံဆိပ်ပါ မော်တော်ယာဉ်တစ်စီးအား  ULA/AA အကြမ်းဖက်အဖွဲ့က လက်နက်ငယ်များဖြင့် ပစ်ခတ်ခဲ့သဖြင့် ယာဉ်မောင်းနှင့် ကျန်းမာရေး ဝန်ထမ်းတစ်ဦး ဒဏ်ရာရခဲ့ကြောင်း မြန်မာ့ သတင်းစဉ်က ဖော်ပြခဲ့ပြီး  အဆိုပါ ယာဉ်မောင်း ဦးပြည့်စုံဝင်းမောင်သည် ရရှိခဲ့သော ဒဏ်ရာကြောင့် ယနေ့ တွင် သေဆုံးခဲ့ကြောင်း UN က အတည်ပြု သတင်းထုတ်ပြန်ခဲ့သည်။

စစ်ကိုင်း၊ ဧပြီ ၁၇ ရက် (ဆင်ဟွာ)

စစ်ကိုင်းတိုင်းဒေသကြီးအတွင်းရှိ အကျဉ်းထောင်/အကျဉ်းစခန်း ၁၁ ခုတွင် အကျဉ်းကျနေသော အကျဉ်းသူ/အကျဉ်းသား ၂၅၀၀ကျော် ယနေ့ နိုငျငံတောျ သမ်မတ၏ ပြစ်ဒဏ်လွတ်ငြိမ်းခွင့်ဖြင့် လွတ်မြောက်လာကြောင်း စစ်ကိုင်းတိုင်းဒေသကြီးရဲတပ်ဖွဲ့ထံမှ စုံစမ်းသိရှိရသည်။