ရန်ကုန်၊ မတ် ၂၃ ရက် (ဆင်ဟွာ)

ရခိုင်ပြည်နယ် မင်းပြားမြို့နယ်ရှိ နယ်မြေခံတန်းမြင့်လေ့ကျင့်ရေးကျောင်းသည် ယနေ့ မတ် ၂၃ ရက် နံနက် ၆နာရီခန့်တွင် လက်နက်ကြီး၊ လက်နက်ငယ်များဖြင့် ပတ်ခတ်တိုက်ခိုက်ခံရပြီး တပ်မတော်နှင့် AA လက်နက်ကိုင်အဖွဲ့တို့အကြား ထိတွေ့မှုဖြစ်ပွားခဲ့ကြောင်း တပ်မတော်ကာကွယ်ရေးဦးစီးချုပ်ရုံးက ထုတ်ပြန်သော သတင်းအရ သိရသည်။အဆိုပါ သင်တန်းကျောင်းအား နေရာ လေးနေရာမှနေ၍  AA လက်နက်ကိုင်အဖွဲ့မှ အင်အားသုံး တိုက်ခိုက်ရန် ကြိုးစားခဲ့သော်လည်း ကျောင်းဌာနချုပ်အနေနှင့် တပ်ပတ်လည်ခံစနစ်ဖြင့် ပြန်လည်တိုက်ခိုက်ခဲ့ကြောင်း သိရသည်။

နေပြည်တော်၊ မတ် ၂၀ ရက်(ဆင်ဟွာ)

ဖွဲ့စည်းပုံ အခြေခံဥပဒေ (၂၀၀၈ ခုနှစ်)ကို ဒုတိယ အကြိမ် ပြင်ဆင် သည့် ဥပဒေမူကြမ်းများပါ ပုဒ်မ၊ ပုဒ်မခွဲများအပေါ် လွှတ်တော်၏ အဆုံးအဖြတ် ရယူခြင်း အစီအစဉ် ယနေ့ အောင်မြင်စွာ ပြီးစီးခဲ့ပြီး ပြင်ဆင်ချက် လေးခုတို့အား ဆက်လက် ဆောင်ရွက်ရန် လွှတ်တော်က အတည်ပြုနိုင်ခဲ့ကြောင်း ပြည်ထောင်စု လွှတ်တော် နာယကက ကြေညာခဲ့သည်။

 

ရန်ကုန်၊ မတ် ၂၀ ရက် (ဆင်ဟွာ)

ရခိုင်ပြည်နယ် မောင်တောမြို့နယ် ငါးခူရပြန်လည်လက်ခံရေးစခန်းသို့မတ် ၁၉ ရက်က မိမိတို့ဆန္ဒအရ ပြန်လည်ဝင်ရောက်လာသည့် နေရပ်စွန့်ခွာသူများ ၁၁ဦးအား စိစစ်လက်ခံခဲ့ကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။

ရန်ကုန် ၊ မတ် ၁၉ ရက်(ဆင်ဟွာ)

COVID-19 ရောဂါ ပြည်ပမှ ကူးစက်ပြန့်ပွားမှုကို ကာကွယ်ထိန်းချုပ်နိုင်ရေးအတွက် မည့်သည့် နိုင်ငံခြားသားကို မဆို မြန်မာနိုင်ငံနှင့် အိမ်နီးချင်းနိုင်ငံများအကြား ဖွင့်လှစ်ထားသည့် နယ်စပ်စစ်ဆေးရေးဂိတ်များမှတစ်ဆင့် မြန်မာနိုင်ငံဘက်သို့ ပြည်ဝင်ခွင့်ဗီဇာဖြင့် ဝင်ရောက်ခွင့်ကို ယနေ့ မတ် ၁၉  ရက်မှစတင်၍ ယာယီ ပိတ်ပင်တားမြစ်လိုက်ကြောင်း နိုင်ငံခြားရေး ဝန်ကြီးဌာန၏ ထုတ်ပြန်မှု အရ သိရသည်။

နေပြည်တော်၊ မတ် ၁၉ ရက်(ဆင်ဟွာ)

ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြခံ ဥပဒေ (၂၀၀၈)ကို ဒုတိယ အကြိမ် ပြင်ဆင် သည့် ဥပဒေမူကြမ်းများပါ ပုဒ်မခွဲများအပေါ် လွှတ်တော် ကိုယ်စားလှယ်များ၏ ဆန္ဒမဲပေးခြင်းကို ယနေ့တွင် ဆက်လက်ဆောင်ရွက်ခဲ့ကြောင်းသိရသည်။

နေပြည်တော်၊ မတ် ၁၈ ရက်(ဆင်ဟွာ)

မန္တလေး-မြစ်ကြီးနား ရထားလမ်းပိုင်း အဆင့်မြှင့်တင်ရေး စီမံကိန်းအတွက် (EDCF: Economic Development Cooperation Fund) ထံမှ ချေးငွေ အမေရိကန်ဒေါ်လာ ၁၂၅ သန်း ရယူဆောင်ရွက်ရေးအတွက် ပို့ဆောင်ရေးနှင့် ဆက်သွယ်ရေး ဝန်ကြီးဌာန ပြည်ထောင်စုဝန်ကြီး ဦးသန့်စင်မောင်နှင့် စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန ဒုတိယ ဝန်ကြီး ဦးမောင်မောင်ဝင်းတို့က ပြည်ထောင်စု လွှတ်တော် ယနေ့ အစည်းအဝေးတွင် ရှင်းလင်း တင်ပြခဲ့ကြသည်။

နေပြည်တော်၊ မတ်လ ၁၇ ရက်(ဆင်ဟွာ)

ဖွဲ့စည်းပုံ အခြခံ ဥပဒေ (၂၀၀၈ခုနှစ်)ကို ဒုတိယ အကြိမ် ပြင်ဆင် သည့် ဥပဒေမူကြမ်းများအနက် ပုဒ်မ ၄၃၆ (ခ)တွင် အကျုံးဝင်သည့် ပုဒ်မ၊ ပုဒ်မခွဲ ၁၈ ခုတို့ကို စုစည်း ထားသော ဆန္ဒမဲ လက်မှတ် ငါးစောင်အနက် လက်မှတ်နံပါတ် (၂)အတွက် မဲခွဲခြင်းအား ယနေ့ ပြည် ထောင်စု လွှတ်တော်၌ ဆောင်ရွက် ခဲ့ရာ  တိုင်းဒေသကြီး/ ပြည်နယ် ဝန်ကြီးချုပ်များ ခန့်အပ်ခြင်း ဆိုင်ရာ ပြင်ဆင်ချက် အပါအဝင် ပြင်ဆင်ချက် ၁၈ ခုစလုံး အတွက် ရရှိသော ထောက်ခံမဲမှာ လွှတ် တော် ကိုယ်စားလှယ် အားလုံး၏ ၇၅ ရာခိုင်နှုန်း မကျော်သောကြောင့် မူလ ပြဌာန်းချက်များအတိုင်း ဖြစ်ကြောင်း ပြည်ထောင်စုလွှတ်တော် နာယကက ကြေညာခဲ့သည်။

နေပြည်တော် ၊ မတ် ၁၇ ရက်(ဆင်ဟွာ)

မူးယစ်ဆေးဝါးအထူးသတင်းတိုင်ကြားရေးဌာန စတင်ဖွင့်လှစ်ဆောင်ရွက်ခဲ့သည့် ၂၀၁၈ ခုနှစ် ဇွန် ၂၆ ရက်မှ ၂၀၂၀ ပြည့်နှစ် မတ် ၁၄ ရက်ထိ မြန်မာနိုင်ငံတစ်ဝှမ်းမှ မူးယစ်ဆေးဝါးအမူပေါင်း ၁၀၂၆ မှုအား အမှုဖွင့်အရေးယူထားနိုင်ကြောင်း နိုင်ငံတော်သမ္မတရုံးက မတ်လ ၁၆ရက်တွင် ထုတ်ပြန်သော သတင်းအရ သိရသည်။အဆိုပါ အမှု ၁၀၂၆မှုတွင် တရားခံ အမျိုးသား ၁၃၂၀ဦးနှင့် အမျိုးသမီး ၂၅၈ ဦး စုစုပေါင်းတရားခံ ၁၅၇၈ ဦး ဖမ်းဆီးရမိခဲ့ကြောင်း သိရသည်။

ရန်ကုန်၊ မတ် ၁၇ ရက် (ဆင်ဟွာ)

အာရှရန်ကုန်ဘဏ်လီမိတက်သည် ပြည်ထောင်စုသမ္မတမြန်မာနိုင်ငံတော်၏ တည်ဆဲ ဥပဒေများကို ဖောက်ဖျက်ခြင်းကြောင့် ဘဏ်လုပ်ငန်းလုပ်ကိုင်ခွင့် လိုင်စင်ကို ၂၀၂၀ ပြည့်နှစ် မတ်လ ၁၆ ရက်နေ့ ညနေပိုင်းမှစ၍ ရုပ်သိမ်းလိုက်ကြောင်း မြန်မာနိုင်ငံဗဟိုဘဏ်က ထုတ်ပြန်သော သတင်းအရ သိရသည်။

 

နေပြည်တော်၊ မတ်လ ၁၆ ရက်(ဆင်ဟွာ)

ဖွဲ့စည်းပုံ အခြေခံ ဥပဒေ (၂၀၀၈)ကို ဒုတိယ အကြိမ် ပြင်ဆင် သည့် ဥပဒေမူကြမ်းများအနက် ပုဒ်မ ၄၃၆ (ခ)တွင် အကျုံးဝင်သည့် ပုဒ်မ၊ ပုဒ်မခွဲ ၁၅ ခုတို့ကို စုစည်း ထားသော ဆန္ဒမဲ လက်မှတ် ငါးစောင်အနက် လက်မှတ်နံပါတ် (၁)အတွက် မဲခွဲခြင်းအား ယနေ့ ပြည်ထောင်စု လွှတ်တော်၌ ဆောင်ရွက်ခဲ့ရာ လွှတ်တော်၌ တပ်မတော်သား လွှတ်တော် ကိုယ်စား လှယ်များဖြင့် ကာကွယ်ရေးနှင့် လုံခြုံရေး ကော်မတီ ဖွဲ့စည်းရေး ဆိုင်ရာ ပုဒ်မ ၁၁၅ (ခ)နှင့် ၁၄၇ (ခ) အား ပယ်ဖျက်ခြင်း အပါအဝင် ပြင်ဆင်ချက် ၁၅ ခုစလုံး အတွက် ရရှိသော ထောက်ခံမဲမှာ လွှတ်တော် ကိုယ်စားလှယ် အားလုံး၏ ၇၅ ရာခိုင်နှုန်း မကျော်သော ကြောင့် မူလ ပြဌာန်းချက်များအတိုင်း ဖြစ် ကြောင်း ပြည် ထောင်စုလွှတ်တော် နာယကက ကြေညာခဲ့သည်။