နေပြည်တော်၊ မတ် ၁၃ ရက်(ဆင်ဟွာ)

COVID - 19 အား ကမ္ဘာ့ကျန်းမာရေးအဖွဲ့ (WHO) က ကမ္ဘာ့ ကပ်ရောဂါအဖြစ် ကြေညာပြီးချိန်တွင် ပြည်သူလူထု  က စိုးရိမ်နေကြသည့်  အခြေအနေအပေါ် အခွင့်ကောင်းယူကာ ဈေးကစားသည့်၊ အကျိုး အမြတ် ရှာသည့် လုပ်ငန်းရှင်များ၊ ဈေးသည်များအား ယခုကတည်းက သတိပေးကြောင်းနှင့် ထိထိ ရောက်ရောက် အရေးယူသွားမည် ဖြစ်ကြောင်း နိုင်ငံတော် သမ္မတရုံး ပြောရေးဆိုခွင့်ရ၊ နိုင်ငံတော် အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးက ယနေ့ ညနေပိုင်း သမ္မတအိမ်တော် သတင်းစာ ရှင်းလင်းပွဲ၌ ပြောကြားခဲ့သည်။

နေပြည်တော်၊ မတ် ၁၃ ရက် (ဆင်ဟွာ)

နိုင်ငံတော်၏ မူဝါဒများ၊ စီမံကိန်းများ ရေးဆွဲ ချမှတ်နိုင်ရန်နှင့် စီမံကိန်းများကို အကောင်အထည် ဖော်ရာတွင် စောင့်ကြည့် အကဲဖြတ်နိုင်ရန် လူ့ စွမ်းအား ဖွံ့ဖြိုးမှု အညွှန်းကိန်းများ ဖော်ထုတ် အသုံးပြုနိုင်ရေးအတွက် အခြေခံ စာရင်းအင်းများ တိကျ ခိုင်မာဖို့ အရေးကြီးကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန ပြည်ထောင်စုဝန်ကြီး ဦးသိန်းဆွေက ယနေ့ ပြောကြားခဲ့သည်။

 

နေပြည်တော်၊ မတ်လ ၁၂ ရက် (ဆင်ဟွာ)

ငြိမ်းချမ်းရေး ဖြစ်စဉ်များ ဆောင်ရွက်ရာတွင် မိမိတို့လိုလားချက် ရာနှုန်းပြည့် ရမှ ပူးပေါင်း ပါဝင် ဆောင်ရွက်မည် ဆိုသည့် ခံယူချက်မျိုးနှင့် စေ့စပ် ညှိနှိုင်း၍ ရနိုင်မှာ မဟုတ်ကြောင်း၊ အလျှော့အတင်း လုပ်ရဲမှသာ နိုင်ငံရေး စားပွဲဝိုင်းထဲ ဝင်ဖို့ သင့်လျော်မှာ ဖြစ်သကဲ့သို ့ နိုင်ငံရေး စားပွဲဝိုင်းထဲ ဝင်ထိုင် ပြီးမှတော့ အပေးအယူ အလျှော့အတင်း လုပ်နိုင်အောင် ကြိုးစားကြရမည်ဖြစ်ကြောင်း ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) ဥက္ကဌ၊ နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ယနေ့ ပြောကြားခဲ့သည်။

နေပြည်တော်၊ မတ် ၁၁ ရက်(ဆင်ဟွာ)

ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြခံ ဥပဒေ (၂၀၀၈)ကို ဒုတိယ အကြိမ် ပြင်ဆင် သည့် ဥပဒေမူကြမ်းများအနက် ပုဒ်မ ၄၃၆ (က)တွင် အကျုံးဝင်သည့် ပုဒ်မ၊ ပုဒ်မခွဲ ၁၅ ခုတို့ကို စုစည်းထားသော ဆန္ဒမဲ လက်မှတ်(၂)အတွက် မဲခွဲခြင်းအား ယနေ့ ပြည်ထောင်စု လွှတ်တော်၌ ဆောင်ရွက်ခဲ့ရာ သမ္မတအရည်အချင်း သတ်မှတ်ချက် ၅၉(စ)အား ပယ်ဖျက်ခြင်းအပါအဝင် ပြင်ဆင်ချက် ၁၅ ခုစလုံးအတွက် ရရှိသော ထောက်ခံမဲမှာ လွှတ်တော် ကိုယ်စားလှယ်အားလုံး၏ ၇၅ ရာခိုင်နှုန်း မကျော်သောကြောင့် မူလ ပြဌာန်းချက်များအတိုင်း ဖြစ်ကြောင်း လွှတ်တော် နာယကက ကြေညာခဲ့သည်။

နေပြည်တော်၊ မတ် ၁၀ ရက် (ဆင်ဟွာ)

ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြခံ ဥပဒေ (၂၀၀၈)ကို ဒုတိယ အကြိမ် ပြင်ဆင် သည့် ဥပဒေမူကြမ်းများပါ ပုဒ်မခွဲများအပေါ် လွှတ်တော် ကိုယ်စားလှယ်များ၏ ဆန္ဒမဲပေးခြင်းကို ယနေ့ စတင်ခဲ့ရာ ပုဒ်မ ၄၃၆ (က)တွင် အကျုံးဝင်သည့် ပုဒ်မ၊ ပုဒ်မခွဲ ၁၄ ခုတို့ကို စုစည်းထားသော ဆန္ဒမဲ လက်မှတ်(၁)အတွက် မဲခွဲခြင်းအား ပြည်ထောင်စု လွှတ်တော်၌ ဆောင်ရွက်ခဲ့ပြီး ပြင်ဆင်ချက် နှစ်ခုဖြစ်သည့် ပုဒ်မ ၃၂ (က) နှင့် ၃၂(ခ)တို့သည် ထောက်ခံမဲ ၅၈၄ မဲနှင့် ၅၈၆ မဲ အသီးသီး ရရှိခဲ့သောကြောင့် ယနေ့ အစည်းအဝေးသို့ တက်ရောက် မဲပေးသူ လွှတ်တော် ကိုယ်စား လှယ် ဦးရေ ၆၃၃ ဦး၏ ထောက်ခံမဲ ၇၅ ရာခိုင်နှုန်းကျော် ရရှိခဲ့သဖြင့် အဆိုပါ ပုဒ်မခွဲတို့ကို ပြင်ဆင်ရေး ဆက်လက် ဆောင်ရွက်သွားမည် ဖြစ်ကြောင်း လွှတ်တော် နာယကက အတည်ပြု ကြေညာခဲ့သည်။ 

နေပြည်တော်၊ မတ်လ ၁၀ ရက်(ဆင်ဟွာ) 

နေပြည်တော်၊ NRPC ၌ မတ်လ ၁၂ ရက်တွင် ပြုလုပ်မည့် (၁၈)ကြိမ်မြောက် ပြည်ထောင်စု ငြိမ်းချမ်းရေး ဆွေးနွေးမှုပူးတွဲကော်မတီ (UPDJC:- Union Peace Dialogue Joint Committee) အစည်းအဝေးသို့ နိုင်ငံတော်၏ အတိုင်ပင်ခံ ပုဂ္ဂိုလ်၊ အမျိုးသား ပြန်လည် သင့်မြတ်ရေးနှင့် ငြိမ်းချမ်း ရေး ဗဟို (NRPC) ဥက္ကဋ္ဌ ဒေါ်အောင်ဆန်းစုကြည် တက်ရောက်မည်ဟု UPDJC အတွင်းရေးမှူး အဖွဲ့ဝင် ဦးလှမောင်ရွှေက အတည်ပြု ပြောကြားခဲ့သည်။  

ရန်ကုန် ၊ မတ် ၉ ရက်(ဆင်ဟွာ)

ရှမ်းပြည်နယ် ရွာငံမြို့နယ်၌ မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ မတ် ၈ ရက်တွင် တားဆီးနှိမ်နင်းရေး လုပ်ငန်းများဆောင်ရွက်စဉ် ငွေကျပ် ၆၀,၁၈၀ သိန်းတန်ဖိုးရှိ မူးယစ်ဆေးဝါးများ ဖမ်းဆီးရမိ ခဲ့ကြောင်း  မူးယစ်ဆေးအလွဲသုံးစွဲမှု တိုက်ဖျက်ရေး ဗဟိုကော်မတီ (CCDAC)ထံမှ သိရသည်။

နေပြည်တော်၊ မတ် ၆ ရက်(ဆင်ဟွာ)

အဓမ္မ လုပ်အား ခိုင်းစေမှု ပပျောက်ရေး အတွက် အမျိုးသား အဆင့် တိုင်ကြားမှု ယန္တရားကို တာဝန် ယူမှု၊ တာဝန်ခံမှု၊ ပွင့်လင်းမြင်သာမှုတို့ဖြင့် သက်ဆိုင်ရာ ဝန်ကြီးဌာနများက စုပေါင်း ဆောင်ရွက်သွား မည် ဖြစ်ကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့ အင်အား ဝန်ကြီးဌာန ဒုတိယ ဝန်ကြီး ဦးမြင့်ကြိုင်က ပြည်သူ့လွှတ်တော် ယနေ့ အစည်းအဝေး တွင် ပြောကြားခဲ့သည်။

နေပြည်တော်၊ မတ်လ ၅ ရက်(ဆင်ဟွာ)

ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြခံ ဥပဒေ (၂၀၀၈)ကို ဒုတိယ အကြိမ် ပြင်ဆင် သည့် ဥပဒေမူကြမ်းများပါ ပုဒ်မခွဲများအပေါ် လွှတ်တော် ကိုယ်စားလှယ် စုစုပေါင်း ၁၄၇ ဦးတို့၏ ဆွေးနွေးခြင်း အစီအစဉ် ပြီးဆုံးပြီ ဖြစ်ကြောင်း ပြည်ထောင်စု လွှတ်တော် နာယက ဦးတီခွန်မြတ်က ပြည်ထောင်စုလွှတ်တော် ယနေ့ အစည်းအဝေး အပြီး ညနေပိုင်း၌ ပြောကြားခဲ့သည်။

ရန်ကုန် ၊ မတ် ၅ ရက်(ဆင်ဟွာ)

ရှမ်းပြည်နယ်(မြောက်ပိုင်း)၊ ကွတ်ခိုင်မြို့နယ်၌ ကောင်းခါးကျေးရွာ၊ လွယ်ခမ်ကျေးရွာနှင့် အနီး ပတ်ဝန်းကျင် နေရာများ၌ ဖေဖော်ဝါရီလ ၂၈ ရက်မှ မတ် ၄ ရက် အထိ မူးယစ်ဆေးဝါးနှင့် မူးယစ်ဆေးဝါးချက်လုပ်ရာတွင် အသုံးပြုသည့် ဆက်စပ်ပစ္စည်းများ စုစုပေါင်း ကာလတန်ဖိုး ၉၃ ဘီလီယံကျော် သိမ်းဆည်းရမိခဲ့ကြောင်း တပ်မတော်ကာကွယ်ရေး ဦးစီးချုပ်ရုံး၏ ထုတ်ပြန်မှု အရ သိရသည်။