နေပြည်တော်၊ ဖေဖော်ဝါရီ ၂၄ ရက်(ဆင်ဟွာ)

မြန်မာနိုင်ငအနေဖြင့် အဓမ္မခိုင်းစေမှု ပပျောက်ရေးအတွက် ILO နှင့် ပူးပေါင်းဆောင်ရွက်မှု နှစ် ၂၀ ကျော်အကြာတွင် နိုင်ငံတော်အစိုးရက ဦးဆောင်ပြီးဖြေရှင်းမည့် National Complaint Mechanism တစ်ခုကို ထူတောင်နိုင်ခဲ့ရာ အဓမ္မခိုင်းစေမှုတိုင်ကြားချက်များကို လွတ်လွတ်လပ်လပ် လုံခြုံမှုရှိစွာ တိုင်ကြားနိုင်ကြောင်း မြန်မာ့ရုပ်မြင်သံကြား၊ မြန်မာ့အသံရေဒီယို၊ FM ရေဒီယိုများမှာ မြန်မာ၊ အင်္ဂလိပ်၊ တိုင်းရင်းသားဘာသာ စကားများဖြင့်လည်းကောင်း၊ နေ့စဉ်ထုတ်သတင်းစာများတွင် မြန်မာ၊ အင်္ဂလိပ် နှစ်ဘာသာဖြင့်လည်းကောင်း ၁၁-၂-၂၀၂၀ ရက်နေ့မှစ၍ ပြည်သူများ ကျယ်ကျယ် ပြန့်ပြန့် သိရှိ အောင် ဆောင်ရွက်လျက် ရှိကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဦးစီး ဌာန ပြည်ထောင်စုဝန်ကြီး ဦးသိန်းဆွေက ယနေ့ ပြောကြားခဲ့သည်။

ရန်ကုန်၊ ဖေဖော်ဝါရီ ၂၃ ရက် (ဆင်ဟွာ) 

ရှမ်းပြည်နယ်၊ မိုင်းခုတ်မြို့နယ်တွင် ကျပ်သိန်းပေါင်း၁၁,၀၀၀ ကျော်တန်ဖိုး ရှိမူးယစ်ဆေးဝါးများ သိမ်းဆည်းရမိခဲ့ကြောင်း မူးယစ်ဆေးအလွဲသုံးစွဲမှု တိုက်ဖျက်ရေး ဗဟိုကော်မတီ (CCDAC) က ယနေ့ဖေဖော်ဝါရီ ၂၃ ရက်တွင် သတင်းထုတ်ပြန်ခဲ့သည်။

နေပြည်တော်၊ ဖေဖော်ဝါရီ ၂၁ ရက် (ဆင်ဟွာ)

ပြည်ထောင်စု သမ္မတ မြန်မာနိုင်ငံတော် နိုင်ငံတော် သမ္မတ ဦးဝင်းမြင့်၏ ဖေဖော်ဝါရီ ၂၆ ရက်မှ ၂၉ ရက်နေ့ အထိ အိန္ဒိယနိုင်ငံသို့ ချစ်ကြည်ရေး ခရီးစဉ်အတွင်း နှစ်နိုင်ငံ ပူးပေါင်းဆောင်ရွက်မှုဆိုင်ရာ နားလည်မှု စာချွန်လွှာ(MoU) ခြောက်ခုတို့ကို လက်မှတ်ရေးထိုးရန်လျာထားကြောင်း နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ယနေ့ညနေတွင် နေပြည်တော်ရှိ သမ္မတအိမ်တော် သတင်းစာရှင်းလင်းခန်းမ၌ မီဒီယာများနှင့်တွေ့ဆုံစဥ်ရှင်းလင်း ပြောကြားခဲ့သည်။

ရန်ကုန်၊ ဖေဖော်ဝါရီ ၂၁ ရက် (ဆင်ဟွာ)

ပြည်ထောင်စုတရားလွှတ်တော်ချုပ်၏ တရားစီရင်ရေးပြုပြင်ပြောင်းလဲမှု လုပ်ငန်းစဉ်များ၊ နယ်စပ်ဖြတ်ကျော် တရားမမှုခင်းများနှင့် စီးပွားရေးမှုခင်းများတွက် ဒေသတွင်း တရားရေးအဖွဲ့အစည်းများနှင့် ပူးပေါင်း ဆောင်ရွက်မှု မြှင့်တင်ရန်အပါအဝင် ၂၀၂၀ ပြည့်နှစ် ဦးစားပေးလုပ်ငန်းစဉ်များ နှင့်ပတ်သက်၍  ပြည်ထောင်စုတရားလွှတ်တော်ချုပ် က ဖေဖော်ဝါရီ ၂၀ ရက်တွင် ထုတ်ပြန်ခဲ့သည်။

နေပြည်တော်၊ ဖေဖော်ဝါရီ ၂၁ ရက်(ဆင်ဟွာ)

၂၀၀၈ ဖွဲ့စည်းပုံ အခြေခံ ဥပဒေကို ဒုတိယအကြိမ် ပြင်ဆင်သည့် ဥပဒေမူကြမ်းအား လာမည့် ဖော်ဖော်ဝါရီ ၂၅ ရက်၌ လွှတ်တော် ကိုယ်စားလှယ် ၁၄၉ ဦးတို့က စတင် ဆွေးနွေးကြမည် ဖြစ်ရာ ထိုသို့ဆွေးနွေးမည့် အစီအစဉ် လျာထားချက်များနှင့် ဆွေးနွေးသည့်အခါ လိုက်နာရန် အချက်များကို  ပြည်ထောင်စု လွှတ်တော် နာယကက ပြည်ထောင်စု လွှတ်တော် ယနေ့ အစည်းအဝေးတွင် အလေးထား မှာကြားခဲ့သည်။

ရန်ကုန်၊ ဖေဖော်ဝါရီ ၂၀ ရက် (ဆင်ဟွာ) 

ရန်ကုန်တိုင်းဒေသကြီးအတွင်း နိုင်ငံခြားသား အမြဲနေထိုင်ခွင့်ပြုပြီးသူ (၅၅၂)ဦးရှိကြောင်း ရန်ကုန်တိုင်းဒေသကြီး၊ လူဝင်မှုကြီးကြပ်ရေးနှင့် လူ့စွမ်းအားအရင်းအမြစ် ဝန်ကြီးဒေါ်စိုးမိုးကြည်က လွှတ်တော်အစည်းအဝေးတွင်ဖြေကြားခဲ့သည်။

နေပြည်တော်၊ ဖေဖော်ဝါရီ ၂၀ ရက်(ဆင်ဟွာ)

ရန်ကုန်တိုင်းဒေသကြီးအတွင်းဖြန့်ဖြူး ရောင်းချခွင့် လိုင်စင်ရ စက်သုံးဆီအရောင်းဆိုင်များ ထပ်မံ လိုအပ်လျက် ရှိကြောင်းနှင့် ရန်ကုန်တိုင်းဒေသကြီး အစိုးရအဖွဲ့သည် မော်တော်ယာဉ်များအား နီးစပ်သည့် နေရာများတွင် စက်သုံးဆီ အလွယ်တကူ ဖြည့်တင်းနိုင်ရေး ရည်မှန်းပြီး ခွင့်ပြုသင့်သည့် မြေပေါ်တွင် စက်သုံးဆီ အရောင်းဆိုင်အသစ် တည်ဆောက်ဖွင့်လှစ်ခွင့် ပြုရန် တင်ပြလာပါက လျှပ်စစ်နှင့် စွမ်းအင် ဝန်ကြီးဌာန၊ သယံဇတ နှင့် သဘာ၀ ပတ်ဝန်းကျင် ထိန်းသိမ်း ရေး ဝန်ကြီးဌာန၊ မီးသတ်ဦးစီးဌာနတို့က ထုတ်ပြန်ထားသည့် ဥပဒေ၊ နည်းဥပဒေ၊ ညွှန်ကြားချက် များနှင့်အညီ လိုက်နာ ဆောင်ရွက်မည်ဆိုပါက စိစစ် ခွင့်ပြုပေးလျက် ရှိကြောင်း လျှပ်စစ်နှင့် စွမ်းအင် ဝန်ကြီးဌာန ဒုတိယ ဝန်ကြီး ဒေါက်တာထွန်းနိုင်က အမျိုးသား လွှတ်တော် ယနေ့ အစည်းအဝေးတွင် ပြောကြားခဲ့သည်။

ရန်ကုန်၊ ဖေဖော်ဝါရီ ၂၀ ရက် (ဆင်ဟွာ)

ချင်းပြည်နယ်၏ လမ်းပန်းဆက်သွယ်ရေးကို အထူးအလေးထား ဆောင်ရွက်နေကြောင်း ချင်းပြည်နယ်သို့ ရောက်ရှိနေသော နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ပြောကြားခဲ့သည်။

နေပြည်တော်၊ ဖေဖော်ဝါရီ ၁၉ ရက်(ဆင်ဟွာ)

လျှပ်စစ်နှင့် စွမ်းအင်ဝန်ကြီးဌာနက သဘာ၀ ဓာတ်ငွေ့ပိုက်လိုင်း အဆင့်မြှင့်တင်ခြင်း၊ အစားထိုး လဲလှယ်ခြင်း လုပ်ငန်း ဆောင်ရွက်ရန် ကိုရီးယား သမ္မတနိုင်ငံ စီးပွားရေး ဖွံ့ဖြိုး တိုးတက်မှု ပူးပေါင်းဆောင်ရွက်ရေး ရန်ပုံငွေအဖွဲ့ (EDCF:_ Economic Development Cooperation Fund) ထံမှ အမေရိကန်ဒေါ်လာ ၁၁၃ ဒသမ ၀၃၆သန်း ချေးယူရေးကို ပြည်ထောင်စု လွှတ်တော် ယနေ့ အစည်းအဝေးက အတည်ပြုခဲ့  သည်။

ရန်ကုန်၊ ဖေဖော်ဝါရီ ၁၉ ရက် (ဆင်ဟွာ)

(၈)ကြိမ်မြောက် တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ် အကောင်အထည်ဖော်မှုဆိုင်ရာ ညှိနှိုင်းအစည်းအဝေး(JICM)အစည်းအဝေးတွင် ဘုံသဘောတူညီချက်(၈)ချက် ရရှိခဲ့ကြောင်းအဆိုပါ အစည်းအဝေးထံမှ သိရသည်။