ရန်ကုန်၊ ဖေဖော်ဝါရီ ၇ ရက် (ဆင်ဟွာ)

ရန်ကုန်တိုင်းဒေသကြီး၊မြောက်ဒဂုံ ပင်လုံလမ်းမပေါ် (၃၅)ရပ်ကွက် ကျောင်းလမ်းရှိ CB Bank (မြောက်ဒဂုံဘဏ်ခွဲ) အား ယနေ့ နံနက် ၉နာရီဝန်းကျင်က ဓားပြတိုက်ပြီး ဗုံးအတု ထောင်ခဲ့သော အဓိကတရားခံအား ဆက်လက်ရှာဖွေနေကြောင်း ရန်ကုန်တိုင်းဒေသကြီးရဲတပ်ဖွဲ့မှူးရုံးမှ ရဲမှူးတစ်ဦးက ဆင်ဟွာသို့ပြောကြားသည်။

နေပြည်တော်၊ ဖေဖော်ဝါရီ ၆ရက် (ဆင်ဟွာ)

လစ်လပ်နေသော ပြည်ထဲရေးဝန်ကြီးဌာန ပြည်ထောင်စု ဝန်ကြီး နေရာတွင် တပ်မတော် စစ်ဖက်ရေးရာ လုံခြုံရေးအရာရှိချုပ် ဒုတိယဗိုလ်ချုပ်ကြီးစိုးထွဋ်အား ခန့်အပ်တာဝန်ပေးလိုကြောင်း နိုင်ငံတော်သမ္မတရုံးက ဖေဖော်ဝါရီလ ၅ ရက်နေ့စွဲဖြင့် ပြည်ထောင်စုလွှတ်တော်သို့ စာပေးပို့ခဲ့ရာ အဆိုပါ ကိစ္စနှင့်ပတ်သက်ပြီး ဖေဖော်ဝါရီ ၁၀ ရက်နေ့တွင် လွှတ်တော်၏ သဘောထား ကြေညာမည်ဟု ပြည်ထောင်စု လွှတ်တော် နာယကဦးတီခွန်မြတ် က ယနေ့ အစည်းအဝေးတွင် ပြောကြားခဲ့သည်။

နေပြည်တော်၊ ဖေဖော်ဝါရီ ၅ ရက်(ဆင်ဟွာ)

မြန်မာနိုင်ငံတစ်ဝှမ်းလုံးတွင် လက်နက်များနှင့် ပတ်သက်ပြီး တစ်ပြေးညီ အာဏာသက်ရောက်မှုရှိစေရန်အတွက် လက်နက်ဥပဒေအသစ် ကို မြန်မာနိုင်ငံရဲတပ်ဖွဲ့က ရေးဆွဲလျက်ရှိသည်ဟု ပြည်ထဲရေးဝန်ကြီးဌာန ဒုတိယဝန်ကြီး ဗိုလ်ချုပ် အောင်သူက ယနေ့ ပြည်သူ့ လွှတ်တော် အစည်းအဝေး၌ ပြောခဲ့သည်။

ရန်ကုန်၊ ဖေဖော်ဝါရီ ၄ ရက် (ဆင်ဟွာ) 

နိုင်ငံတော် အတိုင်ပင်ခံရုံးနှင့် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနတို့အတွက် ဒုဝန်ကြီးများ ခန့်အပ်လိုက်ကြောင်း ယနေ့ နိုင်ငံတော်သမ္မတရုံးဝန်ကြီးဌာန၏ ထုတ်ပြန်သော သတင်းအရ သိရသည်။

နေပြည်တော်၊ ဖေဖော်ဝါရီ ၄ရက်(ဆင်ဟွာ)

မြန်မာနိုင်ငံ၏ တရားမဝင် ဘိန်း စိုက်ပျိုးထုတ်လုပ်မှုသည် ၂၀၁၄ ခုနှစ်မှ စတင်ကာ ကျဆင်းလာခဲ့ရာ ၂၀၁၉ ခုနှစ်၌ ၂၀၁၈ခုနှစ် ထက် ၁၁ ရာခိုင်နှုန်းကျော် ကျဆင်းခဲ့သည်ဟု မြန်မာနိုင်ငံ မူးယစ် ဆေးဝါးနှင့် စိတ်ကို ပြောင်း လဲ စေတတ်သော ဆေးဝါးများ အန္တရာယ် တားဆီး ကာကွယ်ရေး ဗဟိုအဖွဲ့ အဖွဲ့ဝင်၊ ပြည်ထဲရေး ဝန်ကြီးဌာန ဒုတိယ ဝန်ကြီး ဗိုလ်ချုပ် အောင်သူက ယနေ့ ပြောကြားခဲ့သည်။

နေပြည်တော်၊ ဇန်နဝါရီ ၃၁ ရက်(ဆင်ဟွာ)

ရန်ကုန်တိုင်းဒေသကြီး၊ ရန်ကုန် (အနောက်ပိုင်း)ခရိုင်၊ ဆိပ်ကမ်းမြို့နယ်အတွင်းရှိ ရပ်ကွက်နှင့် ဧရိယာအစိတ်အပိုင်းအချို့အား အနောက်ပိုင်းခရိုင်အတွင်းရှိ လမ်းမတော်မြို့နယ်နှင့် အရှေ့ပိုင်းခရိုင်အတွင်းရှိ ဗိုလ်တထောင်မြို့နယ်အတွင်းသို့ ထည့်သွင်းဖွဲ့စည်းပြီး ဆိပ်ကမ်းမြို့နယ်အား ပယ်ဖျက်ခြင်းနှင့် ရန်ကုန်(မြောက်ပိုင်း)ခရိုင်အတွင်းရှိ လှိုင်သာယာမြို့နယ်အား နှစ်ပိုင်းခွဲပြီး မြို့နယ်နှစ်ခုအဖြစ် သတ်မှတ်ခြင်းတို့ကို ပြည်ထောင်စုလွှတ်တော် ယနေ့အစည်းအဝေးက မှတ်တမ်းတင်ခဲ့သည်။

နေပြည်တော်၊ ဇန်နဝါရီ ၃၁ ရက်(ဆင်ဟွာ)

လွှတ်တော် ကိုယ်စားလှယ်များအနေဖြင့် ဥပဒေပြုရေး လုပ်ငန်းများ ဆောင်ရွက်ရာတွင် အပြု သဘောဖြင့် ဆွေးနွေးကြရန်၊ အပြုသဘောဖြင့် တိုင်ပင်ကြရန် လိုအပ်သည်ဟု  ဒုတိယ အကြိမ် လွှတ်တော်များ (၄)နှစ်ပြည့် အခမ်းအနားသို့ တက်ရောက်လာသည့် ပြည်ထောင်စု သမ္မတ မြန်မာနိုင်ငံတော် သမ္မတ ဦးဝင်းမြင့်က ယနေ့ တိုက်တွန်း ပြောကြားခဲ့သည်။

နေပြည်တော်၊ ဇန်နဝါရီ ၃၀ ရက်(ဆင်ဟွာ)

၂၀၁၃ မတ်၂၂ ရက် တွင်ပြည်ထောင်စု လွှတ်တော်က ပြဌာန်းခဲ့ပြီး ၂၀၁၃ ဇူလိုင်၁၂ ရက် တွင် နည်းဥပဒေများထွက်ရှိကာ အသက်ဝင်ခဲ့သည့် အနည်းဆုံး အခကြေးငွေ ဥပဒေ (၂၀၁၃) ကို ပြင်ဆင်သည့် ဥပဒေကြမ်းအား အမျိုးသား လွှတ်တော် လူဝင်မှု ကြီးကြပ်ရေးနှင့် ပြည်တွင်း ပြည်ပ အလုပ်သမား ဆိုင်ရာ ကော်မတီက အမျိုးသား လွှတ်တော် ယနေ့ အစည်းအဝေး၌ တင်သွင်းခဲ့ရာ လွှတ်တော်က လက်ခံ ဆွေးနွေးရန် ဆုံးဖြတ်ခဲ့သည်။

နေပြည်တော်၊ ဇန်နဝါရီ ၂၉ ရက်(ဆင်ဟွာ)

နိုင်ငံပိုင် ဘဏ်များရှိ အရင်း အတိုး ပြန်လည် ပေးဆပ်နိုင်ခြင်း မရှိသော ချေးငွေမှာ စုစုပေါင်း ကျပ် ၂၆၃ ဒသမ ၉ ဘီလီယံ ရှိနေကြောင်း ပြည်ထောင်စု လွှတ်တော် ပြည်သူ့ ငွေစာရင်း ပူးပေါင်း ကော်မတီ အဖွဲ့ဝင် ဇလွန်မြို့နယ် ပြည်သူ့ လွှတ်တော် ကိုယ်စားလှယ် ဦးအောင်မင်းက ယနေ့ ပြည်ထောင်စု လွှတ်တော် အစည်းအဝေး၌ လွှတ်တော်သို့ တင်ပြခဲ့သည်။

နေပြည်တော် ဇန်န၀ါရီ ၂၈ ရက်(ဆင်ဟွာ)

နိုင်ငံတော််၏ ရေရှည် အနာဂတ်မှာ အားကိုး အထားပြုရမည့် မျိုးဆက်သစ်များ ဖြစ်ထွန်းလာရေး အတွက် အခြေခံပညာကဏ္ဍ ပညာရေး ပြုပြင် ပြောင်းလဲမှုများကို ဆောင်ရွက်ရာတွင် မိဘ ပြည််သူ များ၊ ကျောင်သား ကျောင်းသူများ၊ ဆရာ ဆရာမများ၊ ပညာရေးနှင့် ပတ်သက် ဆက်နွယ်သူများ အားလုံးက ဟန်ချက် ညီညီနဲ ့ပူးပေါင်း ပါ၀င်ပေးကြရန် နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်ဆောင်ဆန်းစုကြည်က ယနေ ့ တိုက်တွန်း ပြောကြားခဲ့သည်။