13
Fri, Dec
500 New Articles

ရန်ကုန်၊ နိုဝင်ဘာ ၂၀ ရက် (ဆင်ဟွာ)

နှစ်ပေါင်း ၁၁၄ နှစ်သက်တမ်းရှိပြီဖြစ်သည့် ရန်ကုန်တိရစ္ဆာန်ဉယျာဉ် ကို ၂၀၁၈ ခုနှစ် တွင် ဧည့်သည်ဝင်ရောက်နှုန်း ၁ဒသမ၅ သန်းရှိပြီး တစ်လချင်းလူဝင်နှုန်း သည် ၂၀၁၈ခုနှစ်နှင့်နှိုင်းယှဉ်ပါက ယခုနှစ်ဝင်နှုန်းက ပိုများလျက်ရှိကြောင်း၊ တိရစ္ဆာန်ဉယျာဉ် ကို ဝင်ရောက်သူပိုမိုများပြားစေရန်အတွက် ကျောင်းများ၊ အဖွဲ့အစည်းများ လူ ၃၀ နှင့် အထက် လေ့လာရေးလာရောက်ပါက အရေအတွက်ပေါ်မူတည်၍ ၁၀ ရာခိုင်နှုန်းမှ ၅၀ရာခိုင်နှုန်းအထိ ဝင်ခွင့်ဈေးနှုန်းအားဆက်လက်လျှော့ပေးလျက်ရှိကြောင်း ရန်ကုန်တိရစ္ဆာန်ဉယျာဉ်မှ ကိုမျိုးကျော်သူ က ဆင်ဟွာသို့ယနေ့ပြောကြားသည်။

ရန်ကုန်၊ နိုဝင်ဘာ ၁၉ ရက် (ဆင်ဟွာ)

မန္တလေးတိုင်းဒေသကြီး ပြင်ဦးလွင်မြို့ရှိ ဒီဇင်ဘာခြံတွင် ပန်းအစစ်များကို အသုံးပြု၍ ပန်းအလှဆင်ပွဲတော်ကို ဒီဇင်ဘာ ၁၈ ရက်မှ ဇန်နဝါရီ ၁၈ ရက်အထိ တစ်လကြာ ကျင်းပသွားမည် ဖြစ်ကြောင်း သိရသည်။

ရန်ကုန်၊ နိုဝင်ဘာ ၁၅ ရက် (ဆင်ဟွာ) 

 

ရန်ကုန်မြို့ ကျောက်တံတားမြို့နယ် ၃၃ လမ်းနှင့် ၃၄ လမ်း (အထက်)တွင် ဉယျာဉ်ဖြစ်မြောက်ရေးကော်မတီ နှင့် ရန်ကုန်ဝေါ (Yangon walls) အဖွဲ့တို့ ပူးပေါင်းဖန်တီး ထားသော ရုပ်ရှင်လမ်းကြားဉယျာဉ်ကို နိုဝင်ဘာလ ၁၇ ရက်နေ့တွင် ဖွင့်လှစ်မည်ဖြစ်ကြောင်း သိရသည်။

နေပြည်တော်၊ နိုဝင်ဘာ ၁၄ ရက် (ဆင်ဟွာ)

မြန်မာနိုင်ငံတွင် အမျိုးသား ပြန်လည် သင့်မြတ်ရေးနှင့် ငြိမ်းချမ်းရေးအတွက် ဘာသာပေါင်းစုံ ငြိမ်းချမ်းရေး (ငြိမ်းချမ်းမေတ္တာ)၊ RfP (Religions for Peace)အဖွဲ့၏ တတိယ အကြိမ် အကြံပြု ဆွေးနွေးပွဲ (3rd Religions for Peace Advisory Forum on National Reconciliation and Peace in Myanmar) ကို နေပြည်တော် သင်္ဂဟ ဟိုတယ်၌ နိုဝင်ဘာ ၁၄ မှ ၁၅ ရက်အထိ ကျင်းပရာ နိုင်ငံတော်၏ အတိုင်ပင်ခံ ပုဂ္ဂိုလ် ဦးဆောင်သော ဒုတိယ သမ္မတများ၊ လွှတ်တော် ဥက္ကဋ္ဌများ၊ ပြည်ထောင်စု ဝန်ကြီးများ နှင့်အတူ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင် လှိုင် လည်း တက်ရောက်ခဲ့သည်။

ရန်ကုန်၊ နိုဝင်ဘာ  ၁၄ ရက် (ဆင်ဟွာ)

ပြန်ကြားရေးဝန်ကြီးဌာန၊ ပုံနှိပ်ရေးနှင့်ထုတ်ဝေရေးဦးစီးဌာန၊ စာပေဗိ မာန်က ကြီးမှူးကျင်းပသည့် ၂၀၁၈ ခုနှစ်အတွက် စာပေဗိမာန်စာမူဆု ပြိုင်ပွဲ တွင် ဆုရရှိသော စာမူများနှင့် စာရေးဆရာများ၏ အမည်စာရင်းကို စာပေဗိမာန် စာမူဆုစိစစ်ရွေးချယ်ရေးအဖွဲ့က  ထုတ်ပြန်ကြေညာလိုက်ကြောင်း သိရသည်။

ရန်ကုန် ၊ နိုဝင်ဘာ ၁၁ ရက်(ဆင်ဟွာ)

မြန်မာ့ရိုးရာ ၁၂ လရာသီတွင် တန်ဆောင်မုန်းလ၏ ထင်ရှားသော ပွဲတော် ဖြစ်သည့် ကထိန် ပွဲခင်းခြင်း (ဝါ) ကထိန် သင်္ကန်း ကပ်လှုသည့် ကထိန်ပွဲများမှာ သီတင်းကျွတ် လပြည့်ကျော် ၁ ရက်မှ တန်ဆောင်မုန်း လပြည့်နေ့ အထိ ကျင်းပကြသော ကာလဒါန ဖြစ်ပြီး ကထိန်သင်္ကန်း အလှုဒါနများအား နိုင်ငံ အဝန်း မြို့ပြ ၊ ကျေးလက် နေရာအနှံ့ ကျင်းပ ဆင်နွဲကြသည်။

ရန်ကုန် ၊ အောက်တိုဘာ ၂၈ ရက်(ဆင်ဟွာ)

နိုဝင်ဘာ ၁ ရက်တွင် ကျင်းပမည့် ၉ ကြိမ်မြောက် ၁၀၀၀ ကျပ်တန် အောင်ဘာလေ သိန်းဆု ဖွင့်ပွဲ အတွက် ထီ လက်မှတ်များ ရောင်းချရငွေမှာ ကျပ်သန်း ၃၀၂၇၂ ဒသမ ၆၆၀ ဖြစ်သဖြင့် ၆၀ ရာခိုင်နှုန်း ဖြစ်သော ထီဆုငွေ ကျပ်သန်း ၁၈၁၆၃ ဒသမ ၅၉၆ ခွဲဝေ ချီးမြှင့်မည် ဖြစ်ကြောင်း အောင်ဘာလေ သိန်းဆု ဌာနခွဲထံမှ သိရသည်။

နေပြည်တော်၊ အောက်တိုဘာ ၂၁ ရက်(ဆင်ဟွာ)

မဲခေါင်-လန်ချန်း ပူးပေါင်းဆောင်ရွက်ရေး အထူးရန်ပုံငွေ စီမံကိန်းဒုတိယအသုတ်တွင် ပါဝင်သည့် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၏ စုစုပေါင်း အမေရိကန်ဒေါ်လာ ငါးသန်း သုံးစွဲခွင့်ရရှိသော စီမံကိန်း ၁၂ ခုထဲမှ စီမံကိန်းတစ်ခုဖြစ်သည့် တန်ဖိုးမြင့် စားသောက်ကုန် ထုတ်လုပ်မှု နည်းပညာသင်တန်းကို နေပြည်တော်၌ ယနေ့ စတင်ဖွင့်လှစ်ခဲ့သည်။

ရန်ကုန်၊ အောက်တိုဘာ ၁၈ ရက် (ဆင်ဟွာ)

၂၀၁၉ ခုနှစ်၊ အောက်တိုဘာလ (၄) ရက်မှ အောက်တိုဘာလ (၁၇) ရက်အထိ ရှမ်းပြည်နယ်၊ တာချီလိတ် နယ်စပ်ဝင်/ထွက်ပေါက်မှတစ်ဆင့် ညအိပ်/နေ့ချင်းပြန်ခရီးစဉ် လာရောက်လည်ပတ်ကြသည့် ထိုင်း နိုင်ငံသား (၅၀,၉၂၇) ဦးနှင့် အခြားနိုင်ငံများမှ နိုင်ငံခြားသား ခရီးသွား ဧည့်သည် (၁,၁၀၆) ဦး၊ လန့်တောင်း နေ့ချင်းပြန်ခရီးစဉ် ထိုင်းနိုင်ငံသား(၁၀)ဦး၊ မိုင်းဖြတ်၊ ကျိုင်းတုံ ခရီးစဉ်အနေဖြင့် ထိုင်းနိုင်ငံသားအများစု ပါဝင်သော အခြားနိုင်ငံများမှ ကမ္ဘာလှည့်ခရီးသည် (၇၂၂) ဦး၊ ပြည်တွင်းခရီးစဉ်သို့ လာရောက်လည်ပတ် ကြသည့် နိုင်ငံခြားသားခရီးသွားဧည့်သည် (၁,၉၆၀) ဦးရှိကြောင်း ဟိုတယ်နှင့်ခရီးသွားလာရေး ဝန်ကြီးဌာန က ယနေ့သတင်းထုတ်ပြန်သည်။

ရန်ကုန်၊ အောက်တိုဘာ ၁၇ ရက် (ဆင်ဟွာ) 

မိုးတွင်းကာလ တွင် ပြေးဆွဲမှုရပ်နားထားသည့် ရန်ကုန်မှ ရခိုင်ပြည်နယ်၊ မာန်အောင်သို့ပြေးဆွဲသည့် လေကြောင်းအားအောက်တိုဘာ ၁၆ ရက် မှ စတင်ပြီး ပြန်လည်ပြေးဆွဲလျက်ရှိကြောင်း သိရသည်။