15
Sun, Sep
495 New Articles

ဝူရှူး (အတိုက်) တွင် မြန်မာက ရွှေနှစ်ခု ရရှိ

ဝူရှူး ပြိုင်ပွဲဝင်များ ယှဉ်ပြိုင်နေကြစဉ် (ဆင်ဟွာ) Sport

နေပြည်တော်၊ ဒီဇင်ဘာ ၁၁ ရက် (ဆင်ဟွာ)

(၁၉)ကြိမ်မြောက် အရှေ့ တောင်အာရှ တက္ကသိုလ်များ အားကစား ပြိုင်ပွဲများကို ဆက်လက် ကျင်းပ လျက်ရှိရာ ၀ူရှူးပြိုင်ပွဲ၏ ဒုတိယနေ့ ဖြစ်သော ယနေ့ နံနက်ပိုင်းတွင် မြန်မာအသင်းက ၀ူရှူး (အတိုက်) ပြိုင်ပွဲ၌  အမျိုးသမီး - ၅၂ ကီလိုတန်းတွင် နီနီအေးက ရွှေ တစ်ခု၊ အမျိုးသမီး - ၅၆ ကီလိုတန်းတွင် နန်းချယ်ရီသန်းက ရွှေ တစ်ဆု၊ စုစု ပေါင်း နှစ်ဆု ရရှိခဲ့သည်။ 

မြန်မာအသင်းသည် ယနေ့  နံနက်ပိုင်းတွင် အဆိုပါ ရွှေတံဆိပ်နှစ်ခု အပြင် ငွေ- နှစ်ခုနှင့် ကြေး - သုံးခုတို့ ထပ်မံရရှိခဲ့ရာ အမျိုးသမီး ၀ူရှူး (အလှ) တွင် ၅၂ ကီလိုတန်း၌ ငွေ - တစ်ခု၊ ၅၆ ကီလိုတန်း၌ ငွေတစ်ခု၊ အမျိုးသား ၀ူရှူး (အတိုက်)၆၀ ကီလိုတန်း၊ ၆၅ ကီလိုတန်းနှင့် ၇၀ ကီလိုတန်းတို့ တွင် ကြေးတစ်ခုစီ-( ကြေး သုံးခု) ရရှိခဲ့ကြောင်း သိရသည်။

 ၀ူရှူး ပြိုင်ပွဲဝင်များ ယှဉ်ပြိုင်နေကြစဉ် (ဆင်ဟွာ)

 ၀ူရှူး ပြိုင်ပွဲဝင်များ ယှဉ်ပြိုင်နေကြစဉ် (ဆင်ဟွာ)

 ၀ူရှူး ပြိုင်ပွဲဝင်များ ယှဉ်ပြိုင်နေကြစဉ် (ဆင်ဟွာ)

ဆုရ အားကစားသမားများအား ကျန်းမာရေးနှင့် အားကစား ၀န်ကြီးဌာန ဒုတိယ ၀န်ကြီး ဒေါက်တာ မြလေးစိန်က ဆုချီးမြှင့်နေစဉ် (ဆင်ဟွာ)

မြန်မာအသင်း၏ ၀ူရှူးနည်းပြဆရာ Mr. Zhang Long က “မြန်မာ အားကစားသမားလေးတွေဟာ ကျောက်စိမ်း အရိုင်းတုံးတွေလိုပါပဲ၊ ရှာဖွေနိုင်လေ တွေ့ ရှိလေပါ တကယ့် အဖိုးတန် ရတနာလေးတွေ ဖြစ်ပါတယ်၊ သူတို့ ကို အကောင်းဆုံး လေ့ကျင့်ပေးထားပါတယ်၊ ဆုတွေ ရခြင်းမရခြင်းဟာ ကစားသမားတွေရဲ့ အရည် အသွေးကို ကိုယ်စား မပြုပါဘူး၊ သူတို့ တွေ ဘယ်လောက် တိုးတက်တယ် ဆိုတဲ့ အပေါ်မှာပဲ ကျွန်တော် ကျေနပ်မိပါတယ်၊ ဒီပွဲ ရလဒ်တွေ အပေါ်မှာ လည်း ပျော်ရွှင်မိပါတယ်” ဟု မီဒီယာကို ဖြေကြားခဲ့သည်။

အမျိုးသား ဝူရှူး(အတိုက်)တွင် ၆၅ ကီလိုတန်းနှင့် ၇၀ ကီလိုတန်းတို့၌ ထိုင်းနိုင်ငံက ပထမ ရခဲ့ပြီး ၆၀ ကီလိုတန်း၌ လာအိုနိုင်ငံက ပထမရခဲ့ကာ သုံးတန်းလုံးတွင် မြန်မာက ကြေးတံဆိပ်များ ရရှိခဲ့ကြောင်းသိရသည်။ (Xinhua)