30
Mon, Mar
547 New Articles

နယူးဒေလီ ၊ မတ် ၂၆ ရက်(ဆင်ဟွာ)

အိန္ဒိယနိုင်ငံ၌ မတ် ၂၆ ရက် နံနက်ပိုင်းအထိ COVID - 19 ရောဂါ ကြောင့် သေဆုံးသူ ၁၃ ဦးထိ မြင့်တက်လာခဲ့ပြီး ယခုအချိန်ထိ နိုင်ငံအတွင်း အတည်ပြု လူနာ ၆၄၉ ဦး ရှိနေကြောင်း အိန္ဒိယ နိုင်ငံ ကျန်းမာရေး ဝန်ကြီးဌာနထံမှ သိရသည်။ 

ဒါကာ၊ မတ် ၂၅ ရက် (ဆင်ဟွာ)

ဘင်္ဂလားဒေ့ရှ်နိုင်ငံ မြို့တော် ဒါကာတွင် COVID-19 ဖြစ်ပွားမှုကို ထိန်းချုပ်ရန် နိုင်ငံတစ်ဝန်း မတ် ၂၆ ရက်မှ ဧပြီ ၄ ရက်အထိ အများပြည်သူဆိုင်ရာ သယ်ယူပို့ဆောင်ရေးလုပ်ငန်းအား တင်းကြပ်ရန် အစိုးရက ကြေညာလိုက်ပြီးနောက် နေရပ်ပြန်သူများဖြင့် အလွန်ပြည့်ကျပ်နေကြောင်း သိရသည်။

ဘန်ကောက် ၊ မတ် ၂၅ ရက်(ဆင်ဟွာ)

ထိုင်းနိုင်ငံ၌ ယနေ့ မတ် ၂၅ ရက်မှ စတင်၍ မိုးပျံရထား နှင့် မြေအောက်ရထားများ အပါအဝင် ရထားစီးနင်းသူ ခရီးသည်အားလုံးအနေဖြင့် နှာခေါင်းစည်း(Masks)များ ဝတ်ဆင်ရန် လိုအပ်ကြောင်း ထိုင်းသယ်ယူပို့ဆောင်ရေးဝန်ကြီးဌာန website မှ သိရသည်။

 

ဗီယင်ကျန်း ၊ မတ် ၂၄ ရက်(ဆင်ဟွာ)

လာအိုနိုင်ငံ၌ ပထမဆုံး COVID-19 အတည်ပြုလူနာ နှစ်ဦးကို စတင်တွေ့ရှိခဲ့ကြောင်း လာအိုနိုင်ငံကျန်းမာရေးဝန်ကြီးဌာနမှ အရာရှိများက ယနေ့မွန်းလွဲပိုင်းတွင် ပြုလုပ်သည့် သတင်းစာရှင်းလင်းပွဲ၌ ထုတ်ဖော်ပြောကြားခဲ့သည်။

မနီလာ ၊ မတ် ၂၃ ရက်(ဆင်ဟွာ) 

ဖိလစ်ပိုင်နိုင်ငံ  မနီလာမြို့၌ COVID-19 ရောဂါ ကူးစက်ပြန့်နှံ့မှုအား ရပ်တန့်ရန် ရည်ရွယ်၍ ဘတ်စကတ်ဘောကွင်းတစ်ခုအတွင်း  စံမီယာယီအမိုးအကာရွက်ဖျင်တဲများတည်ဆောက်ကာ လမ်းဘေးနေအိမ်ရာမဲ့များအတွက် နေစရာ စီစဉ်ဖန်တီးပေးခဲ့ကြောင်း သိရသည်။

 

တိုကျို ၊ မတ် ၂၃ ရက်(ဆင်ဟွာ)

ဂျပန်နိုင်ငံ ဝန်ကြီးချုပ် ရှင်ဇိုအာဘေးက တိုကျိုအိုလံပစ် အားကစားပြိုင်ပွဲအား ကမ္ဘာတစ်ဝှမ်း ကိုရိုနာ ဗိုင်းရပ်စ် ရောဂါ ပြန့်နှံ့မှုကြောင့် ရွှေ့ဆိုင်းရနိုင်ဖွယ်ရှိကြောင်း မတ် ၂၃ ရက်တွင် ကျင်းပသော လွှတ်တော်အစည်းအဝေးတွင် ပြောကြားခဲ့သည်။ 

နယူးဒေလီ၊ မတ် ၂၃ ရက်(ဆင်ဟွာ) 

ကပ်ရောဂါ ပြန့်ပွားမှုကိုကာကွယ်ရန် န္ဒိယနိုင်ငံ မြို့တော် နယူးဒေလီကို မတ် ၂၃ ရက် ဒေသစံတော်ချိန် ၆:၀၀ နာရီမှစ၍ မတ် ၃၁ ရက် ၂၄:၀၀ အထိ မြို့ပိတ်လိုက်ပြီဖြစ်ကြောင်း၊ လူနေမှုအတွက်လိုအပ်သည့် အခြေခံစက်မှုလုပ်ငန်းများသာ လည်ပတ်မည်ဖြစ်ကြောင်း နယူးဒေလီ မြို့ဝန်ကြီးချုပ်  Arvind Kejriwal က မတ် ၂၂ ရက်တွင် ကြေညာခဲ့သည်။

မာလေး၊ မတ် ၁၉ ရက် (ဆင်ဟွာ)

မော်လ်ဒိုက်နိုင်ငံ အစိုးရက COVID-19 ထိန်းချုပ်ရန် ကြေညာထားသော သီးသန့်ခွဲနေထိုင်ခြင်းနှင့် အသွားအလာကန့်သတ်ပိတ်ပင်ခြင်း ဆောင်ရွက်မှုများအပေါ် ချိုးဖောက်သူများအား ဒဏ်ငွေရိုက်မည်ဖြစ်ကြောင်း မတ် ၁၉ ရက်တွင် ကြေညာလိုက်သည်။

ဘန်ကောက်၊ မတ် ၁၉ ရက်(ဆင်ဟွာ) 

ထိုင်းနိုင်ငံ၏ COVID-19 ရောဂါတိုက်ဖျက်ရေးတွင် တရုတ်နိုင်ငံက တက်ကြွစွာ ကူညီဆောင်ရွက်သွားလိုကြောင်းကို ထိုင်းနိုင်ငံဆိုင်ရာ တရုတ်နိုင်ငံ သံရုံး ယာယီတာဝန်ခံ ရန်ရှန်း(Yang Xin)သည် ထိုင်းနိုင်ငံ ဝန်ကြီးချုပ် ပရာယွတ် ချန်အိုချာ (Prayut Chan-o-cha)နှင့် မတ် ၁၇ ရက်က ဖုန်းဖြင့်ဆက်သွယ်စဉ် ပြောကြားခဲ့ကြောင်း သိရသည်။ သက်ဆိုင်ရာ လုပ်ငန်းစဉ်များကိုဆောင်ရွက်ရန်လည်း ရန်ရှန်း(Yang Xin)က  မတ် ၁၈ ရက်တွင် ထိုင်းနိုင်ငံ ဒုတိယဝန်ကြီးချုပ်၊ ပြည်သူ့ ကျန်းမာရေး ဝန်ကြီး Anutin Charnvirakulနှင့် တွေ့ဆုံဆွေးနွေးခဲ့ကြောင်း သိရသည်။ 

ဖနွမ်းပင် ၊ မတ် ၁၈ ရက်(ဆင်ဟွာ)

ကမ္ဘောဒီးယားနိုင်ငံ၌ မလေးရှားနိုင်ငံသား နှစ်ဦးတွင် COVID-19 ရောဂါ ဖြစ်ပွားနေကြောင်း ယနေ့ မတ် ၁၈ ရက်တွင် စစ်ဆေးတွေ့ရှိခဲ့ပြီးနောက် နိုင်ငံ အတွင်း ရောဂါ အတည်ပြု လူနာ စုစုပေါင်း ၃၅ ဦးထိ ရှိလာခဲ့ကြောင်း သိရသည်။

Page 1 of 2