စင်ကာပူ ၊ ဧပြီ ၂၀ ရက်(ဆင်ဟွာ) 

စင်ကာပူ နိုင်ငံ၌ ယနေ့ ဧပြီ ၂၀ ရက် မွန်းလွဲပိုင်းအချိန်ထိ COVID-19 ရောဂါပိုး ကူးစက်ခံရသူ လူနာသစ် ၁,၄၅၆ ဦး ရှိခဲ့ပြီး ယင်းမှာ လက်ရှိအချိန်ထိ တစ်ရက်အတွင်း လူနာသစ်တွေ့ရှိမှု အများဆုံးအရေအတွက် ဖြစ်ကြောင်း ကျန်းမာရေးဝန်ကြီးဌာနက ဆိုသည်။

နယူးဒေလီ ၊ ဧပြီ ၂၀ ရက်(ဆင်ဟွာ) 

အိန္ဒိယ နိုင်ငံ၌ COVID-19 ရောဂါကြောင့် သေဆုံးသူ အရေအတွက်မှာ ၅၄၃ ဦးထိ မြင့်တက်လာခဲ့ပြီး အတည်ပြုလူနာ စုစုပေါင်း အရေအတွက်မှာ ၁၇,၂၆၅ ဦးထိ ရှိလာခဲ့ကြောင်း အိန္ဒိယနိုင်ငံ ဖက်ဒရယ် ကျန်းမာရေး ဝန်ကြီးဌာနက ယနေ့ ဧပြီ ၂၀ ရက် နံနက်ပိုင်းတွင် ပြောကြားခဲ့သည်။ 

နယူးဒေလီ၊ ဧပြီ ၁၉ ရက်(ဆင်ဟွာ)

ဧပြီ ၁၈ ရက် ၁၇:၀၀ နာရီအထိ အိန္ဒိယနိုင်ငံ၌ COVID-19 ရောဂါ အသစ်ထပ်တိုးအတည်ပြုလူနာ ၉၅၇ ဦး ရှိရာ စုစုပေါင်းအတည်ပြုလူနာ ၁၄,၇၉၂ ဦးထိရောက် ရှိသွားပြီဖြစ်ကြောင်းနှင့် သေဆုံးသူ စုစုပေါင်း ၄၈၈ ဦး နှင့် ရောဂါသက်သာပျောက်ကင်းသွားသူ ၂,၀၁၅ ဦး ရှိကြောင်း အိန္ဒိယ ကျန်းမာရေးဝန်ကြီးဌာန၏ ဧပြီ ၁၈ ရက်က ထုတ်ပြန်သည့် နောက်ဆုံးရ ကိန်းဂဏန်းများအရသိရသည်။ 

တိုကျို ၊ ဧပြီ ၁၉ ရက်(ဆင်ဟွာ)

ဂျပန်နိုင်ငံ၌ ဧပြီ ၁၈ ရက် ညနေပိုင်းအထိ နိုင်ငံတစ်ဝှမ်းတွင် COVID-19 ရောဂါကူးစက်ခံရသူပေါင်း ၁၀,၀၉၈ ဦးအထိ ရှိလာခဲ့ကြောင်း ၊ ယင်းမှာ နိုင်ငံအတွင်း ကိုရိုနာဗိုင်းရပ်စ် ပျံ့နှံ့မှုအား ထိန်းချုပ်ရန် အရေးပေါ်အခြေအနေကြေညာပြီးနောက် ပထမဆုံးရက်သတ္တပတ်အတွင်း မြင့်တက်လာသော အရေအတွက်ဖြစ်ကြောင်း ဂျပန်နိုင်ငံကျန်းမာရေးဝန်ကြီးဌာန နှင့် ဒေသဆိုင်ရာ အစိုးရများက ဆိုသည်။

ဖနွမ်းပင် ၊ ဧပြီ ၁၆ ရက်(ဆင်ဟွာ)

ကမ္ဘောဒီးယားနိုင်ငံ၌ ပြီးခဲ့သော လေးရက်အတွင်း COVID-19 ရောဂါ ကူးစက်ခံရသူ လူနာသစ် တွေ့ရှိရခြင်း မရှိဘဲ လူနာနှစ်ဦး ထပ်မံ၍ ပြန်လည်သက်သာကောင်းမွန်လာသဖြင့် နိုင်ငံအတွင်း ရောဂါပျောက်ကင်းသွားသည့် လူနာ အရေအတွက်မှာ ၉၈ ဦးထိ ရှိလာခဲ့ကြောင်း ကျန်းမာရေး ဝန်ကြီးဌာန၏ ယနေ့ထုတ်ပြန်ချက်အရ သိရသည်။ 

 

မနီလာ၊ဧပြီ ၉ ရက်(ဆင်ဟွာ) 

တရုတ်နိုင်ငံ ကပ်ရောဂါတိုက်ဖျက်ရေး ဆေးပညာရှင်အဖွဲ့သည် ဧပြီ ၈ ရက်က ဖိလစ်ပိုင်နိုင်ငံ အပူပိုင်းဒေသ ဆေးဘက်ဆိုင်ရာ သုတေသနဌာန(RITM)သို့ သွားရောက်၍ COVID-19ရောဂါ ကုသမှုဆိုင်ရာ နည်းပညာဖလှယ်မှုများ ပြုလုပ်ခဲ့ကြောင်း သိရသည်။

ဘန်ကောက်၊ ဧပြီ ၈ ရက် (ဆင်ဟွာ)

ထိုင်းနိုင်ငံ အရှေ့ပိုင်းရှိ ခရီးသွားဧည့်သည်များ လာရောက်ရာ ပင်လယ်ကမ်းခြေမြို့ဖြစ်သော ပတ္တယားမြို့ကို COVID-19 ကပ်ရောဂါ ထိန်းချုပ်ရေးကြိုးပမ်းအားထုတ်မှုအဖြစ် ခရီးသွားဧည့်သည့်များ ဝင်ရောက်ခွင့် ယာယီပိတ်ပင်လိုက်ကြောင်း သိရသည်။

နယူးဒေလီ၊ ဧပြီ ၇ ရက် (ဆင်ဟွာ)

အိန္ဒိယနိုင်ငံတွင် COVID-19 ရောဂါဖြင့် သေဆုံးသူ ၁၁၄ ဦး နှင့် အတည်ပြုလူနာ ၄,၄၂၁ ဦး ရှိလာကြောင်း အိန္ဒိယ နိုင်ငံကျန်းမာရေးဝန်ကြီးဌာန က ဧပြီ ၇ ရက် နံနက်ပိုင်းတွင် ထုတ်ပြန်ခဲ့သည်။ 

ဘန်ကောက် ၊ ဧပြီ ၆ ရက်(ဆင်ဟွာ)

ထိုင်းနိုင်ငံ၌ ယနေ့ ဧပြီ ၆ ရက်တွင် COVID-19 လူနာသစ် ၅၁ ဦး ထပ်မံ စစ်ဆေးတွေ့ရှိခဲ့ကြောင်း ၊ မတ် ၂၀ နောက်ပိုင်း နေ့စဉ် လူနာသစ်ဦးရေ တိုးပွားမှုနှုန်း အနည်းဆုံး ရက်တစ်ရက် ဖြစ်ကြောင်း ပြည်သူ့ကျန်းမာရေး ဝန်ကြီးဌာနက သတင်းထုတ်ပြန်ခဲ့သည်။  

မနီလာ ၊ ဧပြီ ၆ ရက် (ဆင်ဟွာ)

တရုတ်နိုင်ငံအစိုးရမှ စေလွှတ်သော ကပ်ရောဂါတိုက်ဖျက်ရေး ဆေးဘက်ဆိုင်ရာ ကျွမ်းကျင်ပညာရှင်အဖွဲ့တစ်ဖွဲ့သည် ဧပြီ ၅ ရက်တွင် ဖိလစ်ပိုင်နိုင်ငံ မြို့တော် မနီလာသို့ ရောက်ရှိလာခဲ့ကြောင်း သိရသည်။

Page 2 of 5