30
Mon, Mar
547 New Articles

ရန်ကုန် ၊ မတ် ၂၉ ရက်(ဆင်ဟွာ) 

မြန်မာနိုင်ငံ ၌COVID-19 ရောဂါပိုး တွေ့ရှိသူ နှစ်ဦးအား ထပ်မံ စစ်ဆေး တွေ့ရှိခဲ့ကြောင်း ကျန်းမာရေးနှင့် အားကစား ဝန်ကြီးဌာနမှ ယနေ့ မတ် ၂၉ ရက် ည ၁၀ နာရီခွဲအချိန်တွင် ကြေညာခဲ့ပြီးနောက် ရက်သတ္တပတ် တစ်ပတ်အတွင်း စုစုပေါင်း ၁၀ ဦး အထိ ရှိလာခဲ့ကြောင်း သိရသည်။

 

ရန်ကုန်၊ မတ် ၂၉ ရက် (ဆင်ဟွာ) 

အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) တွင်သာမက ပြည်သူ့ကျန်းမာရေး ဓာတ်ခွဲမှုဆိုင်ရာဌာန (မန္တလေး) တွင်လည်း COVID-19 ရောဂါ ဓာတ်ခွဲစစ်ဆေးမှုများ ပြုလုပ်နိုင်ရေး စီမံဆောင်ရွက်မည့်ကိစ္စရပ်အား COVID-19 ရောဂါကာကွယ်ထိန်းချုပ်ရေး ဗဟိုအဆင့် လုပ်ငန်းညှိနှိုင်း အစည်းအဝေး (၄၄/၂၀၂၀) တွင် ဆွေးနွေးခဲ့ကြောင်း ကျန်းမာရေး နှင့် အားကစားဝန်ကြီးဌာန က မတ် ၂၉ ရက် တွင်  သတင်းထုတ်ပြန်ခဲ့သည်။

ရန်ကုန်၊ မတ် ၂၉ ရက် (ဆင်ဟွာ)

မြန်မာနိုင်ငံတစ်ဝှမ်းရှိ အပြည်ပြည်ဆိုင်ရာ လေဆိပ်များ၌ မတ်လ ၃၀ရက် ည ၁၂နာရီမှ စ၍ ဧပြီ ၁၄ ရက် ည ၁၂ နာရီထိ ၁၄ ရက်ကြာ အပြည်ပြည်ဆိုင်ရာ ခရီးသည်တင်လေယာဉ်များ ဆိုက်ရောက်ခွင့် ရပ်ဆိုင်းထားမည်ဖြစ်ကြောင်း လေဆိပ်အား စီမံခန့်ခွဲဝန်ဆောင်မှု ပေးနေသာ Yangon Aerodrome Company Limited (YACL) ၏ ယနေ့ မတ် ၂၉ ရက် ညပိုင်းတွင် ထုတ်ပြန်သော ထုတ်ပြန်ချက်အရ သိရသည်။

ရန်ကုန်၊ မတ် ၂၉ ရက်(ဆင်ဟွာ) 

မြန်မာနိုင်ငံ၌ COVID-19 ရောဂါ ကာကွယ်၊ ထိန်းချုပ်၊ကုသရေးလုပ်ငန်းများတွင် အသုံးပြုရန်အတွက် တရုတ်ပြည် မြန်မာပညာတော်သင်ကျောင်းသားကျောင်းသူများ စုပေါင်းကာ ကျန်းမာရေးနှင့်အားကစားဝန်ကြီးဌာနသို့ မတ် ၂၈ ရက်တွင် အလှူငွေ (၇၈.၄)သိန်းကျပ် ပေးအပ်လှူဒါန်းခဲ့ကြောင်း သိရသည်။

ရန်ကုန်၊ မတ် ၂၉ ရက် (ဆင်ဟွာ) 

COVID-19 ကြောင့် ဈေးကွက်အတွင်းတွင် Hydroxychloroquine Tablet (ဟိုက်ဒရောက်စီကလိုရိုကွင်းဆေးပြား) နှင့် Azithromycin Tablet (အက်ဇစ်သရိုမိုင်စင်ဆေးပြား) တို့ ကို  ဆရာဝန်လက်မှတ်ပါမှ ရောင်းချခြင်း၊ ဝယ်ယူခြင်း၊ သောက်သုံးခြင်းများ ပြုလုပ်ကြရန် မြန်မာနိုင်ငံ စားအသောက် နှင့် ဆေးဝါးအာဏာပိုင်အဖွဲ့ က မတ် ၂၉ ရက် တွင် အသိပေးကြေညာချက်ထုတ်ပြန်သည်။

ရန်ကုန်၊ မတ် ၂၉ ရက် (ဆင်ဟွာ)

COVID-19 သက်ရောက်မှုကြောင့် ထိခိုက်မှုရှိနေသော စီးပွားရေးလုပ်ငန်းများအား COVID-19 Fund မှထုတ်ပေးမည့်ချေးငွေများ ကို မတ်၃၀ ရက် မှ စတင်လျှောက်ထားနိုင်ကြောင်း ကုန်သည်စက်မှုအသင်းချုပ် (UMFCCI) က မတ် ၂၉ ရက်တွင် ကြေညာချက်ထုတ်ပြန်ခဲ့သည်။

ရန်ကုန် ၊ မတ် ၂၉ ရက်(ဆင်ဟွာ)

အစိုးရ အနေဖြင့် COVID-19 ကူးစက်ရောဂါပြန့်ပွားမှုကို ကာကွယ်ထိန်းချုပ်သည့် အစီအမံများအား ပိုမို ထိရောက်စွာ ဆောင်ရွက်နိုင်ရန် ကမ္ဘာ့နိုင်ငံအသီးသီးမှ မြန်မာနိုင်ငံသို့ လာရောက်ကြမည့် နိုင်ငံခြားသား အားလုံးအပေါ် ယနေ့ မတ် ၂၉ ရက် မြန်မာစံတော်ချိန် ၀၀:၀၁ နာရီမှစတင်၍ ဧပြီလ ၃၀ ရက် အထိ ပြည်ဝင်မှုဆိုင်ရာ ယာယီကန့်သတ်ချက်များကို ချမှတ်လိုက်ကြောင်း နိုင်ငံခြားရေး ဝန်ကြီးဌာနမှ ထုတ်ပြန် ကြေညာခဲ့သည်။

ရန်ကုန် ၊ မတ် ၂၈ ရက်(ဆင်ဟွာ)

ကူးစက်မြန်ရောဂါ COVID-19 ကြိုတင်ကာကွယ်ရေးဆောင်ရွက်ချက်တစ်ရပ်အနေဖြင့် ရန်ကုန်အပြည်ပြည်ဆိုင်ရာလေဆိပ်အဆောက်အအုံများအတွင်းသို့ တရားဝင် လေယာဉ်လက်မှတ်ကိုင်ဆောင်သူ ခရီးသည်များနှင့် တာဝန်ကျ လေဆိပ်ဝန်ထမ်းများမှအပ အများပြည်သူဝင်ရောက်ခွင့်ကို ကန့်သတ်မည် ဖြစ်ကြောင်း လေဆိပ်အား စီမံခန့်ခွဲဝန်ဆောင်မှု ပေးနေသာ Yangon Aerodrome Company Limited (YACL)မှ ယနေ့ မတ် ၂၈ ရက် ညပိုင်းတွင် ထုတ်ပြန်ခဲ့သည်။ 

ရန်ကုန်၊ မတ် ၂၈ ရက် (ဆင်ဟွာ) 

ရန်ကုန်တိုင်းဒေသကြီးအတွင်း ခရီးသည်တင် ပြေးဆွဲ နေသည့် YBS ယာဉ်လိုင်းများအနေဖြင့် ခရီးသည်များ COVID-19 ရောဂါကူးစက်မှုမရှိစေရန် နည်းလမ်းပေါင်းစုံဖြင့် ကြိုးပမ်းဆောင်ရွက်လျက်ရှိကြောင်း ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့(YRTA) အတွင်းရေးမှူး ဒေါက်တာမောင်အောင်က ဆင်ဟွာကို မတ် ၂၈ ရက်တွင်ပြောသည်။

ရန်ကုန် ၊ မတ် ၂၈ ရက်(ဆင်ဟွာ)

မြန်မာနိုင်ငံ၌ COVID-19 ရောဂါ ဓာတ်ခွဲ  စစ်ဆေးချက်များအရ ရောဂါပိုးရှိသူ လူနာ သုံးဦးအား ထပ်မံတွေ့ရှိခဲ့ကြောင်း ကျန်းမာရေး နှင့် အားကစား ဝန်ကြီးဌာနက ယနေ့ မတ် ၂၈ ရက်တွင် ထုတ်ပြန်ခဲ့ပြီးနောက် ရောဂါပိုး ရှိသူ လူနာ အရေအတွက်မှာ ရှစ်ဦး အထိ ရှိလာခဲ့ကြောင်း သိရသည်။