နေပြည်တော်၊ ဇွန် ၅ ရက်(ဆင်ဟွာ)

ပညာရေး ဝန်ကြီးဌာန အနေဖြင့် ၂၀၂၀ - ၂၁ စာသင်နှစ် အခြေခံပညာ ကျောင်းများရှိ ကျောင်းသူ ကျောင်းသား၊ ဆရာ ဆရာမနှင့် ပညာရေး ရုံးဝန်ထမ်းများအား ပေးနိုင်ရေးအတွက် နှာခေါင်းစည်း သန်း ၂၀ ကျော်၊ မျက်နှာကာ ၁၀ သန်းကျော် နှင့် အနီအောက် ရောင်ခြည်သုံး အပူချိန်တိုင်း ကိရိယာ (Infra-red thermometer) ခုနစ်သောင်းခွဲ ခန့်တို့ ကျောင်း ဖွင့် အမီ ရရှိစေရန် တင်ဒါ ခေါ်ယူလိုက် ကြောင်း အခြေခံပညာ ဦးစီးဌာန ဒုတိယ ညွှန်ကြားရေးမှူးချုပ် (စီမံ) ဒေါက်တာ တင်မောင်ဝင်းက ယနေ့ နေ့လယ်ပိုင်း ပြောကြားခဲ့သည်။

ရန်ကုန်၊ ဇွန် ၅ ရက် (ဆင်ဟွာ)

COVID-19 ကာလတွင် တိုင်းဒေသကြီး/ပြည်နယ်များ၌ သက်ဆိုင်ရာ ခရီးသွား လုပ်ငန်းကော်မတီများ၏ အတည်ပြုချက်ဖြင့် ၂၀၂၀ပြည့်နှစ် မေ ၂၉ ရက် အထိ ဟိုတယ် အလုံးပေါင်း ၆၆၃ လုံး၊ တစ်နိုင်ငံလုံး အတိုင်းအတာဖြင့် သုံးပုံတစ်ပုံ ဝန်းကျင်ခန့် ပြန်လည် ဖွင့်လှစ်ခဲ့ပြီဖြစ်ကြောင်း ဟိုတယ်နှင့် ခရီးသွားလာရေးဝန်ကြီးဌာန၊ ဒုတိယညွှန်ကြားရေးမှူး ဦးအောင်အေးဟန် က ဇွန် ၄ ရက်တွင်ပြောသည်။

ရန်ကုန် ၊ ဇွန် ၄ ရက်(ဆင်ဟွာ)

မြန်မာနိုင်ငံ၌ COVID-19 ရောဂါ တိုက်ဖျက်ရေးအတွက် ရှေ့တန်း၌ တာဝန်ထမ်းဆောင်နေကြသည့် ကျန်းမာရေး ဝန်ထမ်းများ အနက် COVID-19 ရောဂါပိုး ကူးစက်ခံရသူ ကျန်းမာရေး ဝန်ထမ်း စုစုပေါင်း အရေအတွက် ၁၄ ဦး ထိရှိလာခဲ့ကြောင်း ၊  ၎င်းတို့အား ရုပ်ပိုင်းဆိုင်ရာ နှင့် စိတ်ပိုင်းဆိုင်ရာ အထောက်အပံ့များ အပြည့်အဝ ဆောင်ရွက်ပေးထားကြောင်း ကျန်းမာရေး နှင့် အားကစား ဝန်ကြီးဌာန ပြောရေးဆိုခွင့် အဖွဲ့ဝင် ကျန်းမာရေး အသိပညာမြှင့်တင်ရေး ဌာနခွဲ ညွှန်ကြားရေးမှူး ဒေါက်တာသန်းနိုင်စိုးက ပြောကြားခဲ့သည်။ 

ရန်ကုန် ၊ ဇွန် ၂ ရက်(ဆင်ဟွာ) 

ပြည်ပနိုင်ငံများ၌ အခက်အခဲကြုံတွေ့နေရသည့် မြန်မာနိုင်ငံသားများကို ကယ်ဆယ်ရေးလေယာဉ်များဖြင့် ပြန်လည်ခေါ်ဆောင်လျက် ရှိရာ ဇွန် ၁ ရက် အထိ နိုင်ငံနှင့် ဒေသ ၂၂ ခုမှ မြန်မာနိုင်ငံသား ၂,၈၃၀ ဦးအား ပြန်လည်ခေါ်ဆောင်ထားကြောင်း နိုင်ငံခြားရေးဝန်ကြီးဌာန ကောင်စစ်ရေးရာ နှင့် ဥပဒေရေးရာ ဦးစီးဌာနမှ ဆင်ဟွာသို့ ယနေ့ ပြောကြားခဲ့သည်။ 

ရန်ကုန် ၊ ဇွန် ၁ ရက်(ဆင်ဟွာ) 

COVID-19 ရောဂါပိုးအား အိန္ဒိယ နိုင်ငံမှ ပြန်လာသူ လေးဦးထံမှ စစ်ဆေးတွေ့ရှိခဲ့ရကြောင်း ကျန်းမာရေး နှင့် အားကစား ဝန်ကြီးဌာနမှ ယနေ့ နံနက်ပိုင်း အချိန် ထုတ်ပြန်ပြီးနောက် COVID-19 ရောဂါ ဓာတ်ခွဲ အတည်ပြုလူနာ စုစုပေါင်း ၂၂၈ ဦးရှိလာခဲ့ကြောင်း သိရသည်။ 

ရန်ကုန်၊ မေ ၃၁ ရက်(ဆင်ဟွာ)

မြန်မာ့တပ်မတော်၏ COVID-19 တိုက်ဖျက်ရေးလုပ်ငန်းများတွင် တစ်ဖက်တစ်လမ်းမှ အထောက်အကူပြုနိုင်ရန်အတွက်မြန်မာ-တရုတ် ချစ်ကြည်ရင်းနှီးစွာဆက်သွယ်ဆောင်ရွက်ရေးအဖွဲ့အစည်း(Myanmar-China Friendly Contact Organization)၊ မြန်မာချစ်ကြည်ရေးကုမ္ပဏီနှင့်  Chinese Documentary Media Industry Group (CDMIG)ကုမ္ပဏီတို့သည် မေ ၂၉ ရက်က နေပြည်တော်ရှိ တပ်မတော်ကာကွယ်ရေးဦးစီးချုပ်ရုံးသို့ “COVID-19 ရောဂါစစ်ဆေးရေးပစ္စည်းများ  ပေးအပ်လှူဒါန်းခဲ့ကြောင်းသိရသည်။

ရန်ကုန်၊ မေ  ၃၀ ရက် (ဆင်ဟွာ)

မြန်မာနိုင်ငံတွင်COVID-19 ကပ်ရောဂါကို အောင်မြင်စွာ ထိန်းချုပ်နိုင်ရန် ပြည်ပနိုင်ငံများမှ ပြန်လာသူများ သတ်မှတ်ထားသော စည်းကမ်းများကို တိတိကျကျ လေးလေးနက်နက် ထားပြီး လိုက်နာရန် အထူးအရေးကြီးနေကြောင်း ကျန်းမာရေးနှင့် အားကစားဝန်ကြီးဌာနက မေ ၃၀ ရက် ညပိုင်းတွင် ထုတ်ပြန်သော သတင်းအရ သိရသည်။

နေပြည်တော်၊ မေ ၃၀ ရက် (ဆင်ဟွာ)

၂၁ ရာစု ပင်လုံ ငြိမ်းချမ်းရေး ညီလာခံအား ၂၀၂၀ ရွေးကောက်ပွဲအတွက် မဲဆွယ်ကာလ (Campaign) မတိုင်မီ နောက်အကျဆုံး ဇူလိုင်လ၌ ကျင်းပရန် နိုင်ငံတော် အစိုးရက လျာထားပြီး တိုင်းရင်းသား လက်နက်ကိုင် အဖွဲ့များ (EAOs)အား ယမန်နေ့က အဆိုပြုထားကြောင်း နိုင်ငံတော် သမ္မတရုံး ပြောရေး ဆိုခွင့် ရ ပုဂ္ဂိုလ်၊ နိုင်ငံတော်၏ အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးက ယနေ့ ညနေ ကျင်းပသည့် ပုံမှန် အွန်လိုင်း သတင်းစာ ရှင်းပွဲတွင် အိမ်တော် သတင်းထောက်များအား ပြောကြား ခဲ့သည်။

နေပြည်တော်၊ မေ ၃၀ ရက်(ဆင်ဟွာ)

မြန်မာနိုင်ငံသည် COVID-19 ရောဂါ တုံ့ပြန်ရေးတွင် မိမိတို့ရှိ စွမ်းဆောင်ရည်နှင့် အရင်းအမြစ် များကို အသုံးပြုပြီး နိုင်နိုင်နင်းနင်း  ကာကွယ်လာနိုင်သော အနေအထားသို့ ရောက်ရှိလာ ကြောင်း၊  ထိုသို့ ကာကွယ်နိုင်သည်နှင့်အမျှ ကန့်သတ်ချက်များအား ဖြည်းဖြည်းချင်း ဖြေလျှော့ ပေးသွားမည် ဖြစ်ကြောင်း နိုင်ငံတော် သမ္မတရုံး ပြောရေး ဆိုခွင့် ရ ပုဂ္ဂိုလ်၊ နိုင်ငံတော် အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးက ယနေ့ ညနေ ကျင်းပသည့် ပုံမှန် အွန်လိုင်း သတင်းစာ ရှင်းပွဲတွင် အိမ်တော် သတင်းထောက်များအား ပြောကြားခဲ့သည်။

မန္တလေး၊ မေ ၃၀ ရက် (ဆင်ဟွာ)

ပြည်သူ့ကျန်းမာရေးဓာတ်ခွဲမှုဆိုင်ရာဌာန (မန္တလေး) တွင်  COVID-19ရောဂါ ဓာတ်ခွဲစစ်ဆေးမှုများ ကို ဇွန်လ (၁) ရက်၌ စတင်စစ်ဆေးပေးတော့မည်ဖြစ်ကြောင်း မန္တလေးတိုင်း ဒေသကြီး ကျန်းမာရေးနှင့် အားကစား ဝန်ကြီးဌာန၊ ကုသရေး ဦးစီး ဌာန၊ ပြည်သူ့ကျန်းမာရေး ဓာတ်ခွဲမှု ဆိုင်ရာဌာန တာဝန်ခံ၊ ဒုတိယ ညွှန်ကြားရေး မှူး ဒေါက်တာ မေဝင့်ဝါက ဆင်ဟွာ ကို မေ ၃၀ ရက်တွင် ပြောသည်။