IS အစွန်းရောက်အဖွဲ့အစည်း၏ ဆီးရီးယားနယ်စပ်ဖြတ်ကျော်တိုက်ခိုက်မှုများကို ကြိုတင်ကာကွယ်ရန် လိုအပ်သလို ဆောင်ရွက်သွားမည်ဟု အီရတ် ပြော

အီရတ္ႏုိင္ငံဝန္ႀကီးခ်ဳပ္ Haider Abadi အား ျမင္ေတြ႔ရစဥ္ (ဓာတ္ပံု- ဆင္ဟြာ ) Africa & Middle East

ဘဂ္ဂဒက်၊ ဧပြီ ၁၁ ရက်(ဆင်ဟွာ)

ဆီးရီးယားနိုင်ငံအတွင်းရှိ IS အစွန်းရောက်များ၏ နယ်စပ်ဖြတ်ကျော်တိုက်ခိုက်မှုများကို ကြိုတင်ကာကွယ်ရန် အီရတ်က လိုအပ်သလိုဆောင်ရွက်သွားမည်ဖြစ်ကြောင်း အီရတ်နိုင်ငံဘက်က ပြောကြားလိုက်သည်။

ဧပြီလ ၁၀ ရက်က ဘဂ္ဂဒက်တွင် ကျင်းပသော သတင်းစာရှင်းလင်းပွဲ၌ အီရတ်နိုင်ငံဝန်ကြီးချုပ် Haider Abadi က ISအစွန်းရောက်များက အီရတ်နှင့်ဆက်စပ်နေသည့် ဆီးရီးယားအရှေ့ပိုင်းဒေသများတွင် လှုပ်ရှားသွားလာနေ ကြောင်း ၊ IS တို့၏အန္တရာယ်ကို ကြိုတင်ကာကွယ်ရန် အီရတ်အစိုးရက လိုအပ်သလို ဆောင်ရွက်သွားမည်ဖြစ်ပြီး ဆီးရီးယားအစိုးရ၊ ရုရှားအစိုးရ တို့နှင့်ပူးပေါင်းကာ ၎င်းတို့ကို ချေမှုန်းသွားမည်ဖြစ် ကြောင်း ပြောကြားခဲ့သည်။ထို့ပြင် ဆီးရီးယားပြည်တွင်းရေးကို ဝင်စွက်ဖက်ရန် ဆန္ဒမရှိကြောင်း၊ ဆီးရီးယားအရေးကို ဆီးရီးယားနိုင်ငံ၏ပြည်သူများကသာ ဆုံးဖြတ်ရမည်ဖြစ်ကြောင်း ၎င်းက ဆိုသည်။

အီရတ်၌် IS တို့ ထိန်းချုပ်ထားသောနယ်မြေများကို အစိုးရစစ်တပ်က ပြန်လည်သိမ်းပိုက်နိုင်ခဲ့ကြောင်း အီရတ်နိုင်ငံဝန်ကြီးချုပ် Haider Abadi က လွန်ခဲ့သောနှစ် ဒီဇင်ဘာလ ၉ ရက်နေ့တွင် ကြေညာခဲ့သည်။ ၎င်းမှာ IS အစွန်းရောက်များကို တိုက်ခိုက်သည့် အီရတ်တို့၏သမိုင်းဝင် အောင်မြင်မှုတစ်ခုဖြစ်ခဲ့သည်။

အီရတ်နိုင်ငံ Al Anbarပြည်နယ်နှင့် Neynewa ပြည်နယ်သည် ဆီးရီးယားနိုင်ငံနှင့်ထိစပ်နေပြီး နှစ်နိုင်ငံအကြား နယ်နိမိတ်မျဉ်းမှာ ၆၀၀ ကီလိုမီတာ ရှည်လျားကြောင်းသိရသည်။ (Xinhua)