တီဟီရန် ၊ ဧပြီ ၁၀ ရက်(ဆင်ဟွာ)

ဧပြီလ ၉ ရက်နေ့တွင် ဆီးရီယားရှိ လေတပ်စစ်အခြေစိုက်စခန်းတစ်ခု လေကြောင်းဖြင့်တိုက်ခိုက်ခံရ သောကြောင့် အီရန် စစ်ဘက်ဆိုင်ရာပုဂ္ဂိုလ် ၄ ဦး သေဆုံးခဲ့သည်ဟု အီရန်Fars news agency၏ ပြောကြားချက်အရ သိရှိရသည်။ သေဆုံးသူအမည်စာရင်းကို ၎င်းသတင်းအေဂျင်စီက ထုတ်ပြန်ထားသည်။

ဒမတ်စကက်စ်၊ ဧပြီ ၉ ရက် (ဆင်ဟွာ)

ဆီးရီးယားနိုင်ငံ အလယ်ပိုင်း ဟုမ်းစ်မြို့ရှိ T-4 လေတပ် အခြေစိုက်စခန်းအား ဧပြီလ ၉ ရက် နံနက်အစောပိုင်းက ဒုံးကျည်ဖြင့် တိုက်ခိုက်ခံရကာ လူပေါင်းများစွာ သေဆုံး၊ ဒဏ်ရာရရှိခဲ့ကြောင်း ဆီးရီးယားနိုင်ငံပိုင် ရုပ်မြင်သံကြားက သတင်းဖော်ပြခဲ့သည်။

လာဂို့စ်၊ ဧပြီ ၉ ရက် (ဆင်ဟွာ)

နိုင်ဂျီးရီးယားစစ်တပ်က နိုင်ငံအရှေ့မြောက်ပိုင်း ဘော်နိုပြည်နယ် တွင် ပြုလုပ်ခဲ့သော စစ်ဆင်ရေးတစ်ခုအတွင်း ဘိုကိုဟာရမ် စစ်သွေးကြွများ ပြန်ပေးဆွဲထားသည့် လူ ၁၄၉ဦးကို ပြန်လည်ကယ်တင်နိုင်ခဲ့ကြောင်း ဧပြီ ၇ရက် က အတည်ပြုပြောကြားခဲ့သည်။

အက်ရာ၊ ဧပြီ ၉ ရက် (ဆင်ဟွာ)

ဂါနာနိုင်ငံ ရှိ Newmont ကုမ္ပဏီ၏ ရွှေတူးဖော်ရေးလုပ်ကွက်များအနက် တစ်ခု တွင် ဧပြီ ၇ရက်က ရွှေတွင်းဥမင်လှိုဏ်ခေါင်း အမိုး ပြိုကျမှုကြောင့် လူ ၆ဦးသေဆုံးခဲ့ကြောင်း ကုမ္ပဏီက ဧပြီ၈ ရက်တွင် ပြည်တွင်းသတင်းဌာနများအား အတည်ပြုပြောကြားခဲ့သည်။

ဂါဇာ၊ ဧပြီ ၈ရက် (ဆင်ဟွာ)

အစ္စရေးနိုင်ငံသည် Kerem Shalom ကုန်သွယ်ရေးနယ်စပ်ဖြတ်ကျော်စခန်းမှ ဂါဇာကမ်းမြောင်ဒေသသို့ ကားတာယာများ ဝင်ရောက်ခြင်းကို ပိတ်ပင်တားဆီးရန် ဆုံးဖြတ်ခဲ့ကြောင်း ပါလက်စတိုင်းတာဝန်ရှိသူတစ်ဦး က ဧပြီ ၇ရက်တွင်ပြောကြားခဲ့သည်။

အစ္စလာမ်မာဘတ်၊ ဧပြီ ၈ ရက် (ဆင်ဟွာ)

ပါကစ္စတန်နိုင်ငံ တောင်ပိုင်းဆိပ်ကမ်းမြို့ဖြစ်သည့် ကရာချိမြို့၌ ဧပြီ ၇ရက် က ရေနံမြေတစ်ခုတွင် ပေါက်ကွဲမှုတစ်ခုဖြစ်ပွားခဲ့ရာ အနည်းဆုံး လူ ၂ဦးသေဆုံးပြီး အခြားလူ ၈ဦး ဒဏ်ရာရရှိခဲ့ကြောင်း တာဝန်ရှိသူတစ်ဦးကပြောကြားခဲ့သည်။

မိုဂါဒစ်ရှူး၊ ဧပြီ ၇ ရက် (ဆင်ဟွာ)

ဆိုမာလီနိုင်ငံ မြို့တော် မိုဂါဒစ်ရှူးမြို့တွင် ဧပြီ ၆ ရက် က ပေါက်ကွဲမှု ၂ခု သီးခြားစီဖြစ်ပွားခဲ့ရာ စစ်သား ၂ဦးအပါအဝင် အနည်းဆုံး လူ ၆ဦးသေဆုံးခဲ့ပြီး အများအပြား ဒဏ်ရာရရှိခဲ့ကြောင်း သိရသည်။

ဂါဇာ၊ ဧပြီ ၇ ရက် (ဆင်ဟွာ)

အစ္စရေးနိုင်ငံ နှင့် ဂါဇာကမ်းမြောင်တို့၏ နယ်စပ်ဒေသတွင် ပါလက်စတိုင်းဆန္ဒပြသူများ နှင့် အစ္စရေးစစ်သားများအကြား တစ်ရက်ကြာ ထိပ်တိုက်ရင်ဆိုင်မှုများ ပြင်းထန်စွာ ဖြစ်ပွားပြီးနောက် ဧပြီ ၆ရက်တွင် ပါလက်စတိုင်း ၈ဦးသေဆုံးပြီး အခြားလူ ၁,၀၇၀ဦး ဒဏ်ရာရရှိခဲ့ကြောင်း ဆေးကုသရေးအဖွဲ့များက ပြောကြားခဲ့သည်။

ဘေရွတ် ၊ ဧပြီ ၇ ရက်(ဆင်ဟွာ)

လက်ဘနွန်နိုင်ငံ၌ သွားရောက်တာဝန်ထမ်းဆောင်နေသော အထူးတပ်ဖွဲ့အမှတ် ၁၆ မှ တရုတ်ငြိမ်းချမ်းမှုထိန်းသိမ်းရေးတပ်ဖွဲ့ဝင် ၄၁ဝ ဦးသည် အထူးတပ်ဖွဲ့အမှတ် ၁၇ သို့တာဝန်လွှဲပြောင်းထမ်းဆောင်ခြင်း မပြုမီ ဧပြီလ ၆ ရက်က ကုလသမဂ္ဂငြိမ်းချမ်းမှုထိန်းသိမ်းရေး ဂုဏ်ပြုဆုတံဆိပ်များ ချီးမြှင့်ခံရကြောင်း သိရသည်။

ရာမာလာ ၊ ဧပြီ ၆ ရက် (ဆင်ဟွာ)

ပါလက်စတိုင်း နိုင်ငံ ကျန်းမာရေး ဝန်ကြီးဌာန က အစ္စရေး နိုင်ငံ စစ်လေယာဉ် ၏ ဧပြီလ ၄ ရက်နေ့ ညပိုင်းတွင် ဂါဇာကမ်းမြောင် ဒေသ ၌ ဆောင်ရွက်ခဲ့သည့် ဗုံးကျဲ တိုက်ခိုက်မှုကြောင့် ပါလက်စတိုင်း နိုင်ငံသား တစ်ဦး သေဆုံးခဲ့ရကြောင်း ထုတ်ပြန်ကြေညာ ခဲ့သည်။