11
Wed, Dec
495 New Articles

လာဂို့စ်၊ သြဂုတ် ၅ ရက် (ဆင်ဟွာ)

နိုင်ဂျီးရီးယားနိုင်ငံ အနောက်မြောက်ပိုင်း Zamfara ပြည်နယ် တွင် နိုင်ဂျီးရီးယားတပ်ဖွဲ့ဝင်များက ဓါးပြအယောက် ၂၀အား သုတ်သင်ရှင်းလင်းပြီး ဖမ်းဆီးထားသော ဓါးစားခံများအား လွှတ်ပေးခဲ့ကြောင်း စစ်တပ်တာဝန်ရှိသူတစ်ဦး က သြဂုတ် ၄ရက်တွင်ပြောကြားခဲ့သည်။

ကဘူးလ် ၊ သြဂုတ် ၄ ရက် (ဆင်ဟွာ)

အာဖဂန်နစ္စတန် နိုင်ငံ အရှေ့ပိုင်း Paktia ပြည်နယ် အများပြည်သူ ကျန်းမာရေး ဌာန တာဝန်ရှိသူ က ပြည်နယ်အတွင်းရှိ ရှီးအိုက် ဘာသာ ဗလီကျောင်း တစ်ခု က အသေခံ ဗုံးခွဲ တိုက်ခိုက်မှု ခံခဲ့ရသဖြင့် လူပေါင်း ၃၅ ဦး သေဆုံးခဲ့ပြီး အနည်းဆုံး ၇၀ ဦး ဒဏ်ရာရရှိခဲ့ကြောင်း ဆင်ဟွာ သတင်းဌာန သို့ ပြောကြား ခဲ့သည်။

အဘူဂျာ ၊ သြဂုတ် ၄ ရက် (ဆင်ဟွာ)

နိုင်ဂျီးရီးယား နိုင်ငံ အစိုးရ က သြဂုတ်လ ၂ ရက် ၌ နိုင်ငံ အနောက်မြောက်ပိုင်း Sokoto ပြည်နယ် တွင် စက်လှေ တိမ်းမှောက်မှု ဖြစ်ပွား ခဲ့ရာ လူပေါင်း ၂၁ ဦး သေဆုံး ခဲ့ကြောင်း ထုတ်ပြန် ကြေညာ ခဲ့သည်။

ဟာရာရီ၊ သြဂုတ် ၃ ရက် (ဆင်ဟွာ)

ဇင်ဘာဘွေနိုင်ငံအား ကာလရှည် အုပ်ချုပ်ခဲ့သည့် ရောဘတ် မူဂါဘီ ရာထူးမှဖယ်ရှားခံရပြီးနောက် သြဂုတ်လ ၃ ရက်က ပြုလုပ်သော ပထမဆုံး သမ္မတ ရွေးကောက်ပွဲတွင် လက်ရှိ သမ္မတ Emmerson Mnangagwa က ပွက်ကာသီကာ အနိုင်ရခဲ့ပြီး လွှတ်တော်တွင်လည်း သုံးပုံနှစ်ပုံရကာ အများစု နေရာရရှိထားခဲ့သည် သိရသည်။

ကူဝိတ်စီးတီး ၊ သြဂုတ် ၃ ရက် (ဆင်ဟွာ)

ယီမင် နိုင်ငံ Al Hudaydah ပြည်နယ် ကျန်းမာရေး ဌာန က ဆော်ဒီအာရေဗျ နိုင်ငံ ဦးဆောင်သည့် ညွန်ပေါင်း တပ်ဖွဲ့ ၏ ပြည်နယ် အတွင်း ဈေး တစ်ခု အား ဗုံးကြဲ တိုက်ခိုက်မှုကြောင့် အရပ်သား ၅၂ ဦး သေဆုံး ခဲ့ပြီး လူပေါင်း ၁၀၀ ကျော် ဒဏ်ရာရရှိခဲ့ကြောင်း သြဂုတ်လ ၂ ရက် ၌ ထုတ်ပြန် ကြေညာ ခဲ့သည်။

အန်ကာရာ၊ သြဂုတ် ၂ ရက် (ဆင်ဟွာ)

တူရကီနိုင်ငံ သမ္မတ ရီဆတ် တေယစ် အာဒိုဂန် က ပါလီမန်အနေဖြင့် သေဒဏ်ချမှတ်မှုအား ထောက်ခံလိုက်သည်နှင့် ယင်းစနစ်အား အတိအကျ အတည်ပြုပေးသွားမည်ဖြစ်ကြောင်း သြဂုတ် ၁ ရက်က ပြောကြားခဲ့သည်။

အန်ကာရာ ၊ သြဂုတ် ၂ ရက် (ဆင်ဟွာ)

တူရကီ နိုင်ငံ နိုင်ငံခြားရေး ဝန်ကြီးဌာန က တူရကီ နိုင်ငံ အစိုးရ အနေဖြင့် အမေရိကန် နိုင်ငံ ဘဏ္ဍာရေး ဝန်ကြီး ဌာန မှ တူရကီ နိုင်ငံ ဝန်ကြီး ၂ ဦး အပေါ် အရေးယူပိတ်ဆို့မှု ဆောင်ရွက်ခြင်း အား ပြင်းထန်စွာ ကန့်ကွက်ပြီး တုံ့ပြန် ဆောင်ရွက်မှုများ ချက်ခြင်း ပြုလုပ်သွားမည် ဖြစ်ကြောင်း သြဂုတ်လ ၁ ရက် ၌ ထုတ်ပြန် ကြေညာ ခဲ့သည်။

တီဟီရန် ၊ သြဂုတ် ၂ ရက် (ဆင်ဟွာ)

အီရန် နိုင်ငံ အစ္စလာမ် တော်လှန်ရေး တပ်ဖွဲ့ ကာကွယ်ရေး ဦးစီးချုပ် Mohammad Ali Jafari က သြဂုတ်လ ၁ ရက် ၌ အမေရိကန် နိုင်ငံ သမ္မတ သို့ ပေးပို့ ခဲ့သည့် အိတ်ဖွင့်ပေးစာ တွင် အီရန် နိုင်ငံ အစိုးရ နှင့် အမေရိကန် နိုင်ငံ ဆွေးနွေးမှု ပြုလုပ်ခြင်း ကို ခွင့်ပြုနိုင်မည် မဟုတ်ကြောင်း ထည့်သွင်း ရေးသား ခဲ့သည်။

ဒမတ်စကတ်စ် ၊ သြဂုတ် ၂ ရက် (ဆင်ဟွာ)

ဆီးရီးယား နိုင်ငံ အစိုးရ တပ်ဖွဲ့ က သြဂုတ်လ ၁ ရက် ၌ နိုင်ငံတောင်ပိုင်း Daraa ပြည်နယ် အတွင်းရှိ IS အစွန်းရောက် တပ်ဖွဲ့ ၏ နောက်ဆုံး တပ်စခန်း အား သိမ်းပိုက် နိုင်ခဲ့ကြောင်း ဆီးရီးယား နိုင်ငံပိုင် သတင်းဌာန ၏ ဖော်ပြချက်အရ သိရှိရသည်။

ရှီဘာဂန်၊သြဂုတ် ၁ ရက်(ဆင်ဟွာ)

အာဖဂန်နစ္စတန်နိုင်ငံ၌ လှုပ်ရှားနေသည့် အိုင်အက်စ်(IS) တိုက်ခိုက်ရေးသမား ၂ဝဝ ကျော်သည် ၎င်းတို့၏ လက်နက်ခဲယမ်းများနှင့်အတူ နိုင်ငံမြောက်ပိုင်း Jawzjan ပြည်နယ် ၊ Darzab ခရိုင်ရှိ ဒေသဆိုင်ရာအာဏာပိုင်များထံ ယနေ့သြဂုတ် ၁ ရက်တွင် လက်နက်ချအညံ့ခံခဲ့ကြောင်း ပြည်နယ်အုပ်ချုပ်ရေးမှူး Mawlawi Lutfullah Azizi က ပြောကြားခဲ့သည်။(Xinhua)