23
Wed, Oct
570 New Articles

အက်ခရာ ၊ ဇွန် ၂၂ ရက် (ဆင်ဟွာ)

ဂါနာ နိုင်ငံ အမျိုးသား သဘာဝဘေး အန္တရာယ် စီမံခန့်ခွဲရေး ဌာန ပြောရေးဆိုခွင့်ရှိသူ က ဂါနာ နိုင်ငံ တွင် ရေကြီးရေလျှံမှု ဖြစ်ပွားသောကြောင့် လူပေါင်း အနည်းဆုံး ၁၀ ဦး သေဆုံးကြောင်း ဇွန်လ ၂၁ ရက် တွင် ပြောကြား ခဲ့သည်။

ဂျိုဟန်နက်စဘာ့တ်၊ ဇွန် ၂၂ ရက် (ဆင်ဟွာ)

တောင်အာဖရိကနိုင်ငံ ရဲတပ်ဖွဲ့က နိုင်ငံခြားသားများအား ကုန်တင်ကားမောင်းသူများအဖြစ် အလုပ်ခန့်မှုကို ကန့်ကွက်သောအားဖြင့် လမ်းများကို ပိတ်၍ ဆန္ဒပြသူ ၆၂ဦးကို ဇွန် ၂၁ ရက်က ဖမ်းဆီးထိန်းသိမ်းခဲ့ကြောင်း သိရသည်။

တီဟီရန် ၊ ဇွန် ၂၁ ရက်(ဆင်ဟွာ)

အစ္စရေး၏နျူကလီးယားလက်နက်များသည် အရှေ့အလယ်ပိုင်းနှင့်ကမ္ဘာ့လုံခြုံရေးအတွက် အမှန်တကယ် အန္တရာယ်ဖြစ်စေသည်ဟု လွန်ခဲ့သောရက်များက အီရန်နိုင်ငံခြားရေးဝန်ကြီး Mohammad Javad Zarifက အပြစ်တင်ပြောဆိုလိုက်ပါသည်။

ထရီပိုလီ ၊ ဇွန် ၁၉ ရက်(ဆင်ဟွာ)

လစ်ဗျားရေတပ် ကမ်းစပ်လုံခြုံရေးကင်းလှည့်အဖွဲ့သည် ဇွန် ၁၈ ရက်က လစ်ဗျားနိုင်ငံ အနောက်ပင်လယ်ပြင်တွင် တရားမဝင်ရွှေ့ပြောင်းနေထိုင်သူ ရုပ်လောင်း ၅ ခုကို ရှာဖွေတွေ့ရှိခဲ့ပြီး ၁၉၁ ဦးအား ကယ်ဆယ်ခဲ့ကြောင်း လစ်ဗျားရေတပ်က ယင်းနေ့တွင် ပြောကြားခဲ့သည်။

ဒမတ်စကပ်စ်၊ ဇွန် ၁၈ ရက် (ဆင်ဟွာ)

ဆီးရီးယားနိုင်ငံ အရှေ့ပိုင်း Deir al-Zour ပြည်နယ် ရှိ ဆီးရီးယားစစ်တပ်စခန်းတစ်ခုအား ပစ်မှတ်ထား၍ ဇွန် ၁၇ ရက်တွင် အမေရိကန်နိုင်ငံမှ ဦးဆောင်၍ လေကြောင်းတိုက်ခိုက်မှုပြုလုပ်ခဲ့ပြီး လူသေဆုံးမှုများရှိခဲ့ကြောင်း ပြည်တွင်းသတင်းတစ်ခုကဖော်ပြခဲ့သည်။

နိုင်ရိုဘီ ၊ ဇွန် ၁၈ ရက်(ဆင်ဟွာ)

ဆိုမာလီယာ နယ်စပ်နှင့်ထိစပ်နေသည့် ကင်ညာနိုင်ငံ အရှေ့မြောက်ပိုင်း Wajir Countyတွင် ဇွန် ၁၇ ရက် က လမ်းဘေး ဗုံးခွဲ တိုက်ခိုက်ခံရခြင်းကြောင့် လုံခြုံရေးရဲကားတစ်စီးပေါ်လိုက်ပါလာသည့် လုံခြုံရေးဝန်ထမ်း ၈ ဦး သေဆုံးခဲ့ကြောင်း ဒေသခံအရာရှိတစ်ဦးက ယင်းနေ့တွင် ပြောကြားခဲ့သည်။

အဆိုပါ လုံခြုံရေးရဲကားမှာ Wajir Countyတွင် မောင်းနှင်နေစဉ် လမ်းဘေးရှိဗုံးကို ထိမိရာမှာ ပေါက်ကွဲမှုဖြစ်ပွားခဲ့ခြင်းဖြစ်ကြောင်း ၊ မော်တော်ယာဉ်တစ်စီးလုံး ပျက်စီးခဲ့ပြီး ရဲဝန်ထမ်း ၅ ဦး၊ အရံရဲတပ်ဖွဲ့ဝင် ၃ ဦး သေဆုံးခဲ့ကြောင်း ကင်ညာအရှေ့မြောက်ပိုင်းဒေသ ညှိနှိုင်းရေးအရာရှိ Muhammad Saleh က ဆိုသည်။

ပေါက်ကွဲမှုဖြစ်ပွားပြီးနောက် Wajir Countyတွင်လုံခြုံရေးများတိုးမြှင့်ချထားပြီးဖြစ်ကြောင်း နှင့် ယခုတစ်ကြိမ် ပေါက်ကွဲမှုကို နယ်စပ်ဖြတ်ကျော်လာသည့် ဆိုမာလီယာ အယ်လ်ရှာဘတ် လက်နက်ကိုင်များက လုပ်ဆောင်ခြင်းဖြစ်နိုင်သည်ဟု ရဲဘက်က ယူဆနေကြောင်း သိရသည်။

ဆိုမာလီယာ အယ်လ်ရှာဘတ် အဖွဲ့အစည်း သည် အယ်လ်ကိုင်ဒါး အဖွဲ့အစည်း နှင့် ဆက်သွယ်မှု ရှိသည့် အစွန်းရောက် အဖွဲ့အစည်း တစ်ခု ဖြစ်ပြီး ယခုနှစ်ပိုင်းများတွင် ဆိုမာလီယာ နိုင်ငံ နှင့် အိမ်နီးချင်းနိုင်ငံများတွင် အကြမ်းဖက် တိုက်ခိုက်မှုများစွာ ဆောင်ရွက်ခဲ့ကြောင်း သိရှိရသည်။

အဘူဂျာ၊ ဇွန် ၁၈ ရက် (ဆင်ဟွာ)

နိုင်ဂျီးရီးယားနိုင်ငံ အရှေ့မြောက်ပိုင်း ဒန်ဘိုအာမြို့ တွင် ဗုံး၂လုံးဆက်တိုက်ပေါက်ကွဲမှု တစ်ခုကြောင့် အနည်းဆုံး လူ ၃၄ဦးသေဆုံးပြီး အခြားလူ ၁၈ဦး ဒဏ်ရာရရှိခဲ့ကြောင်း ဒေသခံတာဝန်ရှိသူများက ဇွန် ၁၇ ရက်တွင်ပြောကြားခဲ့သည်။

ဂျေရုစလင် ၊ ဇွန် ၁၈ ရက်(ဆင်ဟွာ)

အစ္စရေးနိုင်ငံ ဝန်ကြီးချုပ် ဘင်ဂျမင်နေတန်ယာဟု(Benjamin Netanyahu) က အစ္စရေးနိုင်ငံ မြောက်ပိုင်းနယ်စပ်နှင့်ထိစပ်နေသည့် ဆီးရီးယားနိုင်ငံအတွင်း အီရန်နိုင်ငံ နှင့် ၎င်း၏ အပေါင်းအပါများက စစ်ဘက်ဆိုင် ခြေကုပ်စခန်းများ တည်ဆောက်နေမှုကို တားဆီးရန်အတွက် အစ္စရေးက တိုက်ခိုက်မှုများ ဆက်လက်လုပ်ဆောင်သွားမည်ဖြစ်ကြောင်း ဇွန် ၁၇ ရက်တွင်ထုတ်ဖော်ပြောကြားလိုက်သည်။

ဘဂ္ဂဒက် ၊ ဇွန် ၁၇ ရက်(ဆင်ဟွာ)

ဇွန် ၁၆ ရက် ညနေပိုင်းက Nangarharပြည်နယ် Jalalabad မြို့ဆင်ခြေဖုံးရှိ လူအစုအဝေးတစ်ခုတွင် ဖြစ်ပွားခဲ့သည့် ကားဗုံးခွဲတိုက်ခိုက်မှုမှာ ၎င်းတို့၏လက်ချက်ဖြစ်ကြောင်း IS အစွန်းရောက်များက ယင်းနေ့တွင် ပြောကြားခဲ့သည်။

ကိုင်ရို၊ ဇွန် ၁၇ ရက် (ဆင်ဟွာ)

အီဂျစ်နိုင်ငံ ရေနံ နှင့် သဘာဝဓါတ်ငွေ့ ဝန်ကြီးဌာနက အီဂျစ်နိုင်ငံ သည် နိုင်ငံတကာငွေကြေးရန်ပုံငွေအဖွဲ့ (IMF) ချေးငွေဆိုင်ရာ စာချုပ်တစ်ခု ၏ လိုအပ်ချက်များနှင့် ကိုက်ညီစေရန် နှင့် စီးပွားရေးပြုပြင်ပြောင်းလဲမှုများ အား ရှေ့ဆက်ဆောင်ရွက်နိုင်ရန်အတွက် ဇွန် ၁၆ ရက်တွင် စက်သုံးဆီဈေးနှုန်းများကို ၆၆.၆ရာခိုင်နှုန်းအထိ တိုးမြှင့်ခဲ့ကြောင်း ထုတ်ပြန်ချက်တစ်ခုတွင်ပြောကြားခဲ့သည်။