18
Fri, Oct
576 New Articles

ဆန်နာ ၊ ဧပြီ ၂၃ ရက်(ဆင်ဟွာ)

ယီမင် အနောက်မြောက်ပိုင်း Hajjah ပြည်နယ်၌ မင်္ဂလာဆောင်အခမ်းအနားတစ်ခုကို ဆော်ဒီဦးဆောင်သော ညွှန်ပေါင်းတပ်ဖွဲ့က ဧပြီလ ၂၂ ရက်တွင် လေကြောင်းတိုက်ခိုက်မှုများပြုလုပ်ခဲ့ရာ အနည်းဆုံး သေဆုံးဒဏ်ရာ ရသူ ၄၀ ဦး ရှိကြောင်း ယီမင် လုံခြုံရေးဌာနက ပြောကြားခဲ့သည်။

တူနီးရှား ၊ ဧပြီ ၂၃ ရက်(ဆင်ဟွာ)

လစ်ဗျား ရေတပ်က ဧပြီလ ၂၂ ရက်တွင် အနောက်ပိုင်းမြို့ Sabrata အနီး ပင်လယ်ပြင်၌ တရားမဝင် ရွှေ့ပြောင်း နေထိုင်သူ ၁၁ ဦး၏ရုပ်လောင်းများကို တွေ့ရှိဆယ်ယူခဲ့ပြီး လူ ၈၃ ဦးကို ကယ်ဆယ်ခဲ့ကြောင်း သိရှိရသည်။

ဘဂ္ဂဒက် ၊ ဧပြီ ၂၃ ရက် (ဆင်ဟွာ)

အီရတ် နိုင်ငံ စစ်ဘက်ဆိုင်ရာ က အစိုးရ လေကြောင်း တပ်ဖွဲ့ ၏ ဧပြီလ ၁၉ ရက်နေ့ ၌ ဆောင်ရွက်ခဲ့သည့် လေကြောင်း တိုက်ခိုက်မှုကြောင့် ဆီးရီးယား နိုင်ငံ အတွင်းရှိ IS အစွန်းရောက် အဖွဲ့အစည်း အဖွဲ့ဝင် ၃၆ ဦး ကို ရှင်းလင်း နိုင်ခဲ့ပြီး ၎င်းတို့အနက် ခေါင်းဆောင်ပိုင်း အဖွဲ့ဝင် ၅ ဦး ပါဝင်ကြောင်း အတည်ပြု ထုတ်ပြန် ခဲ့သည်။

ကဘူးလ် ၊ ဧပြီ ၂၃ ရက် (ဆင်ဟွာ)

အာဖဂန်နစ္စတန် နိုင်ငံ အများပြည်သူကျန်းမားရေး ဝန်ကြီးဌာန ၏ ထုတ်ပြန်ချက်အရ ဧပြီလ ၂၂ ရက်နေ့တွင် မြို့တော် ကဘူးလ် ၌ ဖြစ်ပွားခဲ့သည့် အသေခံ ဗုံးခွဲ တိုက်ခိုက်မှုကြောင့် သေဆုံးသူပေါင်း ၅၇ ဦး အထိ မြင့်တက်လာပြီး ၁၁၉ ဦး ဒဏ်ရာရရှိခဲ့ကြောင်း သိရှိရသည်။

ကဘူးလ်၊ ဧပြီ ၂၂ ရက် (ဆင်ဟွာ)

အာဖဂန်နစ္စတန်နိုင်ငံ မြို့တော် ကဘူးလ်မြို့ ၏ အနောက်ပိုင်းရှိ ရွေးကောက်ပွဲဆိုင်ရာ မှတ်ပုံတင်သည့် နေရာတွင် ဧပြီ ၂၂ ရက်က အသေခံဗုံးပေါက်ကွဲမှုတစ်ခုဖြစ်ပွားရာ သေဆုံးသူ ဦးရေသည် ၃၁ဦးအထိ မြင့်တက်လာပြီး အခြားလူ ၅၄ဦး ဒဏ်ရာရရှိခဲ့ကြောင်း ပြည်ထဲရေးဝန်ကြီးဌာန ပြောရေးဆိုခွင့်ရှိသူတစ်ဦးက ပြောကြားခဲ့သည်။

ဒမက်စကက်စ်၊ ဧပြီ ၂၀ ရက်(ဆင်ဟွာ)

ဆီးရီးယားသမ္မတ Bashar al-Assadက ပြင်သစ်အစိုးရပေးအပ်သည့် Legion of Honour ဂုဏ်ပြုဆု တံဆိပ်အားပြန်လည် အပ်နှင်းခဲ့သည်ဟု ဆီးရီးယားသမ္မတအိမ်တော် ပြန်ကြားရေးရုံးက ဧပြီလ ၁၉ ရက်တွင် ထုတ်ပြန်ထားသည့်ကြေညာချက်ဖော်ပြထားသည်။

ဂျေရုဆလင်၊ ဧပြီ ၂၀ ရက်(ဆင်ဟွာ)

ဧပြီလ ၁၉ ရက်တွင် ကျင်းပသော အစ္စရေးနိုင်ငံလွတ်လပ်ရေးနေ့၌ အစ္စရေးအစိုးရနှင့် လူမှုအဖွဲ့အစည်းနယ်ပယ်အသီးသီးလူပုဂ္ဂိုလ်များ တက်ရောက်ခဲ့ပြီး အစ္စရေးနိုင်ငံတည်ထောင်သည့် နှစ် ၇၀ ပြည့်အထိမ်းအမှတ်အဖြစ် ဂုဏ်ပြုခဲ့ကြကြောင်း သိရှိရသည်။

နိုင်ရိုဘီ ၊ ဧပြီ ၁၉ ရက်(ဆင်ဟွာ)

ဧပြီလ ၁၈ ရက်က ဆိုမာလီယာ တောင်ပိုင်း Middle Shabelleပြည်နယ်တွင် အယ်လ်ရှာဘတ် (Al-Shabaab)အစွန်းရောက်လက်နက်ကိုင်အဖွဲ့က ဆိုမာလီယာအစိုးရတပ်ကို တိုက်ခိုက်ခဲ့သောကြောင့် အနည်းဆုံး အစိုးရ စစ်သား ၂ ဦးသေဆုံးပြီး လူအများအပြား ဒဏ်ရာရရှိခဲ့ကြောင်း ဒေသခံ အစိုးရအရာရှိတစ်ဦးက ထိုနေ့တွင်ပြောကြားခဲ့သည်။

တီဟီရန်၊ ဧပြီ ၁၈ ရက် (ဆင်ဟွာ)

ပါရှန်ပင်လယ်ကွေ့တွင် ဧပြီ ၁၇ ရက် ညနေပိုင်းက အီရန် ရဟတ်ယာဉ် ပျက်ကျခဲ့ရာ အနည်းဆုံး လူ ၂ဦးသေဆုံးကြောင်း နိုင်ငံပိုင် IRNA သတင်းဌာနက ဖော်ပြခဲ့သည်။

ဘဂ္ဂဒတ်၊ ဧပြီ ၁၇ ရက် (ဆင်ဟွာ)

အီရတ်နိုင်ငံ က နိုင်ငံတကာ မှ သေဒဏ်ပေးမှုကို အဆုံးသတ်ရန် ဖိအားပေးမှုများ ရှိနေသော်လည်း အကြမ်းဖက်ပြစ်မှုများဖြင့် စွဲချက်တင်ခံထားရသော အကျဉ်းသား ၁၃ဦးကို ကွပ်မျက်ခဲ့ကြောင်း ဧပြီ ၁၇ ရက်တွင် ပြောကြားခဲ့သည်။