06
Fri, Dec
477 New Articles

တီဟီရန်၊ သြဂုတ် ၂၇ ရက်(ဆင်ဟွာ)

အီရန်-အမေရိကန် ပြန်လည်တွေ့ဆုံဆွေးနွေးရန်မှာ နျူကလီးယား သဘောတူညီချက်တွင် အမေရိကန် ပြန်လည်ပါဝင်ရမည်ဖြစ်ပြီး ဆွေးနွေးမှုများကို သဘောတူညီချက်မူဘောင်အတွင်းတွင်သာ ဆောင်ရွက်ရမည်ဖြစ်ကြောင်း အီရန်သမ္မတ ရိုဟာနီက သြဂုတ် ၂၇ ရက်တွင် ပြောကြားခဲ့ကြောင်း သိရသည်။

ဂါဇာ ၊ သြဂုတ် ၂၈ ရက်(ဆင်ဟွာ)

ဂါဇာမြို့၏ အနောက်တောင်ပိုင်းတွင် သြဂုတ် ၂၇ ရက် ညပိုင်းတွင် ပေါက်ကွဲမှု ဖြစ်ပွားခဲ့ရာ ပါလက်စတိုင်း လူမျိုး နှစ်ဦး သေဆုံးခဲ့ကြောင်း ဆရာဝန်များ နှင့် လုံခြုံရေး တာဝန်ရှိသူများက ပြောကြားခဲ့သည်။

ဂါ့ဇ်နီ၊ သြဂုတ် ၂၆ ရက် (ဆင်ဟွာ)

အာဖဂန်နိုင်ငံ၏ တိုက်ခိုက်ရေးလေယာဉ်များသည် ဂါ့ဇ်နီပြည်နယ် အရှေ့ဘက် ခေါ်ဂျာအိုမရီခရိုင်ရှိ တာလီဘန်တို့ ပုန်းခိုရာတစ်ခုအား ပစ်မှတ်ထားတိုက်ခိုက်ခဲ့ရာ စစ်သွေးကြွ ၄ ဦးသေဆုံးပြီး တာလီဘန်တို့၏ ဝါဒဖြန့်ချိရေးလုပ်ဆောင်ရာ Radio Emirate အသံလွှင့်ရုံ ပျက်စီးသွားခဲ့ကြောင်း ခရိုင်ရဲချုပ် အိုမစ် ဂေါ်ဘန်ဒီ (Omid Ghorbandi) က သြဂုတ်လ ၂၆ ရက်တွင် ပြောကြားခဲ့သည်။

ကူဝိတ်စီးတီး၊ သြဂုတ် ၂၆ ရက်(ဆင်ဟွာ)

ယီမင် STCအသွင်ကူးပြောင်းရေးကောင်စီ ၏ လက်နက်ကိုင် အင်အားစုများက ယီမင်နိုင်ငံတောင်ပိုင်း ရှဘ်ဝါ(Shabwa)ပြည်နယ်တွင် အစိုးရတပ်နှင့် အပြန်အလှန်ပစ်ခတ်မှုများ ဖြစ်ပွားရာ အနည်းဆုံး လူ ၁၅ ဦးသေဆုံးခဲ့ကြောင်း သိရသည်။

ဆန်နာ ၊ သြဂုတ် ၂၆ ရက်(ဆင်ဟွာ)

ယီမင်နိုင်ငံ၏ ဟူတီသူပုန်များက ဆော်ဒီအာရေးဗျနိုင်ငံ Jizan လေဆိပ်သို့ဦးတည်၍ သြဂုတ် ၂၅ ရက် ညနေပိုင်းက ဒုံးကျည် ၁ဝ စင်းပစ်လွှတ်တိုက်ခိုက်ခဲ့ကြောင်း အဆိုပါ သူပုန်အုပ်စုပြောရေးဆိုခွင့်ရှိသူက ဆိုသည်။

ခါတွန်၊ သြဂုတ် ၂၅ ရက်(ဆင်ဟွာ)

ယခုကာလများအတွင်း ဆူဒန်နိုင်ငံ တစ်နိုင်ငံလုံးတွင် မိုးသည်းထန်စွာရွာသွန်းမှုနှင့် ရေကြီးရေလျှံ ဖြစ်ပွားမှုများကြောင့် သေဆုံးသူ ၆၀ ရှိပြီဖြစ်ပြီး လူပေါင်း ၁၀၁ ဦး ဒဏ်ရာရရှိခဲ့ကြောင်း ယင်းနိုင်ငံ ကျန်းမာရေးဝန်ကြီးဌာနက သြဂုတ် ၂၄ ရက်တွင် ပြောကြားခဲ့သည်။

ဂါဇာ၊ သြဂုတ် ၂၄ ရက်(ဆင်ဟွာ)

ဂါဇာဒေသတွင် ပါလက်စတိုင်းပြည်သူများနှင့် အစ္စရေးစစ်တပ်တို့အကြား သြဂုတ် ၂၃ ရက်က ပဋိပက္ခဖြစ်ပွားရာ ပါလက်စတိုင်း ၁၂၂ ဦး ဒဏ်ရာရရှိခဲ့ကြောင်း ပါလက်စတိုင်း ဂါဇာ ဒေသ ကျန်းမာရေးဌာနက သြဂုတ် ၂၃ ရက်တွင် ပြောကြားခဲ့သည်။

ကဘူးလ်၊ သြဂုတ် ၂၂ ရက် (ဆင်ဟွာ)

အာဖဂန်နစ္စတန်နိုင်ငံတွင် အမေရိကန်စစ်သား ၂ ဦး ကျဆုံးခဲ့ကြောင်း နေတိုး (NATO) ဦးဆောင်သည့် Resolute Support (RS) က သြဂုတ်လ ၂၂ ရက်တွင် အတည်ပြုပြောကြားလိုက်သည်။

ကဘူးလ်၊ သြဂုတ် ၂၂ ရက်(ဆင်ဟွာ)

အာဖဂန်နစ္စတန်နိုင်ငံ ကဘူးလ်မြို့ မင်္ဂလာပွဲအခမ်းအနားတစ်ခုတွင် ယခုလ ၁၇ ရက်က အသေခံဗုံးခွဲတိုက်ခိုက်မှုတစ်ခုဖြစ်ပွားခဲ့ရာ သေဆုံးသူဦးရေ ၈၀ အထိ တိုးမြင့်လာပြီဖြစ်ကြောင်း အာဖဂန်ပြည်ထဲရေးဝန်ကြီးဌာန ပြောရေးဆိုခွင့်ရှိသူ Nasrat Rahimiက သြဂုတ် ၂၁ ရက်တွင် ပြောကြားခဲ့သည်။

အန်ကာရာ၊ သြဂုတ် ၂၁ ရက်(ဆင်ဟွာ)

တူရကီတပ်ဖွဲ့ယာဉ်တန်းအား ဆီးရီးယားတိုက်လေယာဉ်များက တိုက်ခိုက်ခဲ့သည့်အတွက် တူရကီနိုင်ငံခြားရေး ဝန်ကြီး Mevlut Cavusogluက ဆီးရီးယားအစိုးရကို သြဂုတ် ၂၀ ရက်တွင် သတိပေးပြောကြားလိုက်သည်။ တူရကီအနေဖြင့် တပ်ဖွဲ့ဝင်များ၏လုံခြုံရေးအတွက် လိုအပ်သည့် နည်းလမ်းများ ဆောင်ရွက်သွားမည်ဟု ဆိုသည်။