မလေးရှား နိုင်ငံ ရဲတပ်ဖွဲ့ က အကြမ်းဖက် လှုပ်ရှားမှု များတွင် ပါဝင်သည် ဟု သံသယ ရှိသူ ၁၅ ဦး အား ဖမ်းဆီး

မေလးရွား ႏုိင္ငံ ရဲတပ္ဖြဲ႕ ရဲမွဴး Mohamad Fuzi အား ျမင္ေတြ႕ရစဥ္(ဆင္ဟြာ) Asia

ကွာလာလမ်ပူ ၊ ဇွန် ၂ ရက် (ဆင်ဟွာ)

မလေးရှား နိုင်ငံ ရဲတပ်ဖွဲ့ က လတ်တလော ကာလ အတွင်း ဆောင်ရွက်ခဲ့သည့် အကြမ်းဖက်နှိမ်နင်းရေး လှုပ်ရှားမှု အတွင်း သံသယ ရှိသူ ၁၅ ဦး အား ဖမ်းဆီး ခဲ့ပြီး အများစု မှာ နိုင်ငံခြားသား များဖြစ်ကြောင်း ဇွန်လ ၁ ရက်နေ့ ၌ ထုတ်ပြန် ကြေညာ ခဲ့သည်။

မလေးရှား နိုင်ငံ ရဲတပ်ဖွဲ့ ရဲမှူး Mohamad Fuzi က ထုတ်ပြန်ကြေညာချက်တွင် ဖမ်းဆီး ခံရသည့် သံသယ ရှိသူ များကို မတ်လ ၂၇ မှ မေလ ၉ ရက်နေ့ အတွင်း မလေးရှား နိုင်ငံ ဒေသ အသီးသီး တွင်ဖမ်းဆီး ခဲ့ခြင်း ဖြစ်ကြောင်း ၊ ဖမ်းဆီး ခံရသူများ အတွင်း အချို့မှာ မလေးရှား နိုင်ငံ ရွေးကောက်ပွဲ ကာလ အတွင်း အကြမ်းဖက် တိုက်ခိုက်မှု ပြုလုပ်ရန် စီစဉ်နေသူများ ဖြစ်ကြောင်း ပြောကြား ခဲ့သည်။

Mohamad Fuzi က ဖမ်းဆီးခံရသူ များအတွင်း ၆ ဦး မှာ ဖိလစ်ပိုင် နိုင်ငံသားများ ဖြစ်ကြပြီး ၎င်းတို့သည် ဖိလစ်ပိုင် လက်နက်ကိုင် အဖွဲ့အစည်း အတွက် လက်နက်များ စုဆောင်းပေးသည် ဟု စွတ်စွဲခံရသူ များ ဖြစ်ကြကြောင်း ၊ ဘင်္ဂလားဒေ့ရှ် နိုင်ငံသား တစ်ဦး မှာ နိုင်ငံတကာ အကြမ်းဖက် အဖွဲ့အစည်း အတွက် စစ်လက်နက်များ မှောင်ခိုမှု ဆောင်ရွက်ပေးခြင်းကြောင့် ဖမ်းဆီးခံရခြင်း ဖြစ်ကြောင်း ပြောကြား ခဲ့သည်။

၂၀၁၃ ခုနှစ် မှ စတင်၍ မလေးရှား နိုင်ငံ ရဲတပ်ဖွဲ့ အနေဖြင့် ရာနှင့်ချီသော အကြမ်းဖက် သမား များကို ဖမ်းဆီး နိုင်ခဲ့ကြောင်း သိရှိရသည်။(Xinhua)