ဂျပန်နိုင်ငံ တောင်ပိုင်း တွင် မိုးသည်းထန်စွာ ရွာသွန်းမှုကြောင့် လူပေါင်း ၆ သိန်း အရေးပေါ် ရွှေ့ပြောင်းရ

ဂ်ပန္ႏုိင္ငံတြင္ မုိးသည္းထန္စြာရြာသြန္းမႈေၾကာင့္ ရႊံ႕ႏြံ႕မ်ား ထူထပ္ေနေသာ လမ္းတစ္ခုအား ေတြ႔ရစဥ္(ဆင္ဟြာ) Asia

တိုကျို၊ ဇူလိုင် ၄ ရက်(ဆင်ဟွာ)

ဂျပန်နိုင်ငံ တောင်ပိုင်း Kyushuတွင် ရက်ဆက်မိုးသည်းထန်စွာရွာသွန်းမှုကြောင့် လူ ၆ သိန်း နီးပါး ဘေးကင်းရာနေရာသို့ ရွှေ့ပြောင်းပေးရန် ဒေသခံအာဏာပိုင်များက ဇူလိုင် ၃ ရက်တွင် သတိပေးထားကြောင်း သိရသည်။

Kyushuကျွန်း တောင်ပိုင်း အချို့ဒေသများတွင် ဇွန် ၂၉ ရက်မှ ယနေ့ထိဆိုလျှင် မိုးရေချိန် စုစုပေါင်း ၁၀၀၀ မီလီမီတာရှိကြောင်း ၊ အချို့ဒေသများတွင် ဇူလိုင် ၄ ရက် နေ့လည်ပိုင်းမတိုင်မီ မိုးရွာသွန်းမှုပမာဏသည် ၃၅၀ မီလီမီတာ ရှိမည်ဟု ခန့်မှန်းရကြောင်း NHK သတင်းများက ဆိုသည်။ ရက်ဆက်မိုးသည်းထန်စွာ ရွာသွန်းမှုကြောင့် မြေပြိုမှုစသည့် ဆက်စပ်ဘေးအန္တရာယ်များ ဖြစ်ပွားနိုင် ကြောင်းသိရသည်။

ကာဂိုရှီးမား စီရင်စုတွင် ကာဂိုရှီးမားမြို့အပါအဝင် မြို့၃မြို့တွင် လူ ၆ သိန်း နီးပါးကို ရွှေ့ပြောင်းမိန့်ချ ထားပြီဖြစ်ကြောင်းသိရသည်။

ဂျပန်နိုင်ငံဝန်ကြီးချုပ် ရှင်ဇိုအာဘေးက ဒေသခံများ ဘေးအန္တရာယ် ကာကွယ်မှုများ ကြိုတင် ပြင်ဆင်ထားရန် ၊ JSDF တပ်ဖွဲ့အနေဖြင့် ကူညီကယ်ဆယ်ရေးလုပ်ငန်းများကို ပြင်ဆင်ထားရန် ညွှန်ကြားထားကြောင်း သိရသည်။

ပြီးခဲ့သောနှစ်က ဂျပန်နိုင်ငံ အနောက်ပိုင်းတွင် မိုးသည်းထန်စွာ ရွာသွန်းမှုကြောင့် ရေကြီးရေလျှံ မြေပြိုမှုများ ဖြစ်ပွားခဲ့ရာ လူပေါင်း ၂၂၀ကျော် သေဆုံးခဲ့ကြောင်း သိရသည်။ ၎င်းမှာ ဂျပန်နိုင်ငံတွင် ၃၆ နှစ်အတွင်း အဆိုးဝါးဆုံး သဘာဝဘေးအန္တရာယ်ဖြစ်သည်ဟု သိရသည်။ (Xinhua)