11
Tue, Dec
668 New Articles

ပေါ်တူဂီနိုင်ငံမြောက်ပိုင်း၌ အဆောက်အအုံ မီးလောင်မှုဖြစ်ပွား ၊ အနည်းဆုံးလူ ၈ ဦးသေဆုံး

ပေါ်တူဂီနိုင်ငံ Vila Nova da Rainha မြို့ ၌ဇန်နဝါရီ ၁၃ ရက်တွင် မီးလောင်မှုဖြစ်ပွားနေသည်ကို တွေ့ ရစဉ်(ဓာတ်ပုံ-အင်တာနက်) Europe

လစ္စဘွန်း ၊ ဇန်နဝါရီ ၁၄ ရက်(ဆင်ဟွာ)

ပေါ်တူဂီနိုင်ငံ မြောက်ပိုင်း၌ ဇန်နဝါရီလ ၁၃ ရက် ညပိုင်းတွင် နှစ်ထပ်တိုက်တစ်လုံး မီးလောင်မှုဖြစ်ပွားခဲ့ရာ အနည်းဆုံး လူပေါင်း ၈ ဦးသေဆုံးပြီး ၊ ၅ဝ ကျော် ထိခိုက်ဒဏ်ရာရရှိခဲ့ကြောင်း ဒေသတွင်းမီဒီယာက ဖော်ပြခဲ့သည်။

မီးလောင်မှုသည် ဒေသစံတော်ချိန် ည ၉ နာရီတွင် ဖြစ်ပွားခဲ့ခြင်းဖြစ်ပြီး  အဆောက်အအုံအတွက် တပ်ဆင်ထားသော အပူပေးဘွိုင်လာအို ပေါက်ကွဲရာမှ တဆင့် မီးလောင်မှုဖြစ်ပွားခဲ့ခြင်းဖြစ်သည်။ပေါက်ကွဲမှုဖြစ်ပွားချိန်တွင် အဆောက်အအုံထဲ၌ ညစာစားပွဲ(ဒင်နာ) ပြုလုပ်နေကြောင်း ၊ အခင်းဖြစ်နေရာသည် ပေါ်တူဂီနိုင်ငံမြို့ တော် လစ္စဘွန်းမြို့ ၏ မြောက်ဘက် ၂၅ဝ ကီလိုမီတာအကွာ၌ တည်ရှိသော Vila Nova da Rainha မြို့ ၌ ဖြစ်ပွားခဲ့ခြင်းဖြစ်သည်။

အမျိုးသားပြည်သူ့ ကာကွယ်ရေး အာဏာပိုင်အဖွဲ့ က မီးသတ်သမား ၁၄၈ ယောက် နှင့် မီးသတ်ကား ၆၇ စီးကို စေလွှတ်ခဲ့ကြောင်း၊ တစ်နာရီအတွင်း မီးငြှိမ်းသတ်နိုင်ခဲ့ကြောင်း ပြောကြားခဲ့သည်။မီးလောင်မှုကြောင့် ဒဏ်ရာပြင်းထန်စွာ ရရှိထားသူများကို ရဟတ်ယာဉ်များဖြင့် နီးစပ်ရာ ဆေးရုံသို့ ပို့ ဆောင်ပေးထားကြောင်း သိရသည်။ ပေါ်တူဂီနိုင်ငံ၌ ၂ဝ၁၇ ခုနှစ်တွင် တောမီးလောင်ကျွမ်းခြင်းမှ လူပေါင်း ၁ဝဝ ကျော် သေဆုံးခဲ့ရကြောင်း သိရသည်။(Xinhua)