24
Mon, Feb
433 New Articles

FIFA ကမ္ဘာ့ဖလားပြိုင်ပွဲတွင် ဗိုလ်စွဲခဲ့သည့် ပြင်သစ်အသင်းသားများကို ဇွန်လတွင် ဂုဏ်ထူးဆောင်ဆုတံဆိပ်ချီးမြှင့်မည်

၂ဝ၁၈ ကမာၻ ့ဖလားၿပိဳင္ပြဲတြင္ ဗုိလ္စြဲခဲ့ေသာ ျပင္သစ္အသင္းသားမ်ားအားေတြ ့ရစဥ္(ဆင္ဟြာ) Europe

ပါရီ ၊ မေ ၁၄ ရက်(ဆင်ဟွာ)

၂ဝ၁၈ ခုနှစ် ဖီဖာကမ္ဘာ့ဖလားဘောလုံးပြိုင်ပွဲတွင် ဗိုလ်စွဲခဲ့သော ပြင်သစ်အသင်းမှ ကစားသမား ၂၃ ဦးကို ဇွန်လ ၄ ရက်တွင် Elysee နန်းတော်၌ ဂုဏ်ထူးဆောင်ဆုတံဆိပ်(Legion of Honor) ပေးအပ်သွားမည်ဖြစ်ကြောင်း ပြင်သစ်နိုင်ငံ အားကစားသတင်းစာ L’Equipe က မေ ၁၃ ရက်တွင် သတင်းဖော်ပြခဲ့သည်။

၁၉၈၈ ခုနှစ် ကမ္ဘာ့ဖလားပြိုင်ပွဲတွင် ပြင်သစ်အသင်းဗိုလ်စွဲပြီးနောက် အသင်းသားများ ဂုဏ်ထူးဆောင်ဆုတံဆိပ်ချီးမြှင့်ခံရပြီးနောက်ပိုင်းတွင် ၂ဝ၁၈ ခုနှစ်ကမ္ဘာ့ဖလားဗိုလ်စွဲသောပြင်သစ်အသင်းသားများကိုလည်း ဂုဏ်ထူးဆောင်ဆုတံဆိပ်ချီးမြှင့်ရန် ဖြစ်လာကြောင်း ၊ ၂ဝ၁၈ ခုနှစ် ဇူလိုင် ၁၆ ရက်က ရုရှားနိုင်ငံ မော်စကိုမြို ့မှ အောင်ပွဲဖြင့် ပြန်လာခဲ့သော ပြင်သစ်အသင်းသားများအား ကြိုဆိုစဉ် ပြင်သစ်သမ္မတ အီမန်နျူရယ်မက်ခရွန်က ဆုတံဆိပ်ချီးမြှင့်ရန် ကတိပြုခဲ့ခြင်းဖြစ်ကြောင်း သိရသည်။

ပြင်သစ်လက်ရွေးစင်အသင်းအနေဖြင့် ဇွန် ၈ ရက် နှင့် ၁၁ ရက် များတွင် ယူရို၂ဝ၂ဝ ဘောလုံးပြိုင်ပွဲ ခြေစစ်ပွဲများကစားရန်အတွက် Clairefontaine ၌ သွားရောက်လေ့ကျင့်ရန် ရှိနေသည်။ ထို့ပြင် ပြင်သစ်လက်ရွေးစင်အသင်းအနေဖြင့် ဇွန် ၂ ရက်တွင် ဘိုလီးဗီးယားနိုင်ငံလက်ရွေးစင်အသင်းနှင့် ချစ်ကြည်ရေး ခြေစမ်းပွဲကစားရန် ရှိနေပြီး ၊ ယင်းခရီးစဉ်မှ အပြန်တွင် ဂုဏ်ထူးဆောင်ဆုတံဆိပ်ပေးအပ်ပွဲကို ကျင်းပသွားမည်ဖြစ်ကြောင်း သိရသည်။

အဆိုပါ ဂုဏ်ထူးဆောင်ဆုတံဆိပ်(Legion of Honor) ကို ၂ဝ၁၈ ခုနှစ် နိုဝင်ဘာ ၁၃ ရက်တွင် ပေးအပ်ရန် အစောပိုင်းက စီစဉ်ထားခဲ့သော်လည်း နောက်သို့ရက်ရွှေ့ဆိုင်းခဲ့ခြင်းဖြစ်သည်။

ကမ္ဘာ့ဖလားဗိုလ်စွဲခဲ့သော ပြင်သစ်အသင်းသား ၂၃ ဦး၏ အမည်စာရင်းသည် ပြီးခဲ့သော ဇန်နဝါရီ ၁ ရက် မှ စတင်ကာ အခြားသော ဂုဏ်ထူးဆောင်ဆုတံဆိပ်ချီးမြှင့်ခံထားရသော ပြင်သစ်နိုင်ငံသူရဲကောင်း ၃၄၅ ဦး နှင့်အတူ ထည့်သွင်းဖော်ပြခံရကြောင်း သိရသည်။

အသင်းနည်းပြ ဒီဒီယာဒန့်ချမ့်စ် အနေဖြင့် အဆိုပါ ဆုတံဆိပ်ကို ၁၉၉၈ ခုနှစ်ကတည်းက ပြင်သစ်လက်ရွေးစင်ဘောလုံးအသင်းနှင့်အတူ ချီးမြှင့်ခံထားရပြီ ဖြစ်ကာ ၎င်းအား ဂုဏ်ထူးဆောင် ဆုတံဆိပ်၏ officer အဆင့်သို့တိုးမြှင့်ခြင်း ခံရမည်ဖြစ်သည်။ (Xinhua)