20
Sun, Oct
581 New Articles

ဆွီဒင်နိုင်ငံ မြောက်ပိုင်းတွင် လေယာဉ်ငယ်တစ်စီးပျက်ကျမှုဖြစ်ပွား၊ လူ ၉ ဦး သေဆုံး

ေလယာဥ္ပ်က္က်ရာ အခ်င္းျဖစ္ေနရာအနီးတြင္ ကူညီကယ္ဆယ္ေရးသမားမ်ားအား ေတြ႔ရစဥ္ (ဆင္ဟြာ) Europe

စတော့ဟုမ်း၊ ဇူလိုင် ၁၅ ရက်(ဆင်ဟွာ)

ဆွီဒင်နိုင်ငံ မြောက်ပိုင်းတွင် လေယာဉ်ငယ်တစ်စီး ဇူလိုင် ၁၄ ရက်က ပျက်ကျမှုဖြစ်ပွားရာ လေယာဉ်ပေါ်တွင် လိုက်ပါလာသူ ၉ ဦးစလုံးသေဆုံးခဲ့ကြောင်း သိရသည်။

လူ ၉ ဦး တင်ဆောင်လာသည့် လေယာဉ်ငယ်တစ်စီးသည် ဇူလိုင် ၁၄ ရက် ညနေပိုင်းက ဆွီဒင်နိုင်ငံ မြောက်ပိုင်း Umeå မြို့အနီးတွင် ပျက်ကျမှုဖြစ်ပွားခဲ့ရာ လေယာဉ်ပေါ်တွင် သက်ရှင်ကျန်ရစ်သူမရှိ အားလုံးသေဆုံးခဲ့ကြောင်း ဒေသခံ ကူညီကယ်ဆယ်ရေးဌာနက သတင်း ထုတ်ပြန်ထားသည်။

ဆွီဒင်ရုပ်မြင်သံကြားသတင်းများအရ အချင်းဖြစ်လေယာဉ်မှာ ပျံသန်းပြီးမကြာမီ Umeåလေဆိပ်အနီး ကျွန်းတစ်ခုတွင် ပျက်ကျခဲ့ခြင်းဖြစ်ကြောင်း ၊ လိုက်ပါလာသူများမှာ အဓိကအားဖြင့် လေထီးခုန်အားကစားဝါသနာရှင်များဖြစ်ကြောင်း သိရသည်။

ကယ်ဆယ်ရေးရဟတ်ယာဉ်တစ်စီးနှင့် ရေယာဉ်တစ်စီး အချင်းဖြစ်နေရာသို့ သွားရောက်ပြီးဖြစ်ကြောင်းသိရသည်။

အချင်းဖြစ်နေ့တွင်ပင် ဆွီဒင် ဝန်ကြီးချုပ် Stefan Löfvenက ကြေညာချက်ထုတ်ပြန်ခဲ့ရာ သေဆုံးသူများအတွက် ဝမ်းနည်းကြောင်းနှင့် ၎င်းတို့၏ မိသားစုဝင်များအား နှစ်သိမ့်စကားပြောကြားကြောင်း၊ အချင်းဖြစ်ပွားမှုနှင့်စပ်လျဉ်း၍ အစိုးရသည် သက်ဆိုင်ရာဌာနများနှင့်အတူ စစ်ဆေးမှုများ ပြုလုပ်သွားမည်ဖြစ်ကြောင်း ပြောကြားထားသည်ဟု သိရသည်။ (Xinhua)