11
Wed, Dec
495 New Articles

ဖမ်းဆီးထိန်းသိမ်းထားသည့် ရေနံတင်သင်္ဘော ပြန်လွှတ်ပေးရန် ဗြိတိန်က အီရန်ကို တိုက်တွန်း

အီရန္ႏုိင္ငံ ေဟာမုဇ္ေရလက္ၾကားအနီးတြင္ ၿဗိတိန္ေရနံတင္သေဘၤာအား ေတြ႔ရစဥ္(ဆင္ဟြာ) Europe

လန်ဒန်၊ ဇူလိုင် ၂၃ ရက်(ဆင်ဟွာ)

ဖမ်းဆီးထိန်းသိမ်းထားသည့် ဗြိတိန် ရေနံတင်သင်္ဘော အမြန်ဆုံးပြန်လွှတ်ပေးရန်၊ သို့မဟုတ်ပါက အနောက်နိုင်ငံများ၏ ပင်လယ်ပြင်လှုပ်ရှားမှုကို ရင်ဆိုင်ရနိုင်ကြောင်း ဗြိတိန် နိုင်ငံခြားရေးဝန်ကြီး ဂျယ်ရမီဟန့်(Jeremy Hunt)က အီရန်ကို ဇူလိုင် ၂၂ ရက် တွင် တိုက်တွန်းပြောကြားခဲ့ကြောင်း သိရသည်။

ဗြိတိန်သည် ဟောမုဇ်(Hormuz)ရေလက်ကြားရှိ အီရန်၏ခြိမ်းခြောက်မှုကို တုံ့ပြန်ရန် အခြား ဥရောပနိုင်ငံများနှင့်ပူးပေါင်း၍ ၎င်းနိုင်ငံ၏ သင်္ဘော သွားလာမှုကို ကာကွယ်စောင့်ရှောက်ရန် လုပ်ဆောင်သွားနိုင်ကြောင်း ဂျယ်ရမီဟန့်(Jeremy Hunt)က ဇူလိုင် ၂၂ ရက် ဝန်ကြီးများအစည်းအဝေးအပြီးတွင် ပြောကြားခဲ့ကြောင်း သိရသည်။

ဗြိတိန်အလံတင်ထားသည့် ရေနံတင်သင်္ဘောတစ်စီးကို အီရန်က ပြီးခဲ့သောအပတ်တွင် ဟောမုဇ်ရေလက်ကြား၌ ဖမ်းဆီးထိန်းသိမ်းခဲ့ကြောင်း ဗြိတိန်မီဒီယာများက ဆိုသည်။

အီရန်အစ္စလာမ္မစ်တော်လှန်ရေး တပ်ဖွဲ့(IRGC) ၏ ယခင်က ထုတ်ပြန်ခဲ့သော ကြေညာချက်တွင်

အဆိုပါ ဗြိတိန်ရေနံသင်္ဘောသည် ဟောမုဇ်ရေလက်ကြားကို ဖြတ်သန်းစဉ် နိုင်ငံတကာ ပင်လယ်ရေကြောင်းဥပဒေကို လိုက်နာစောင့်ထိန်းမှု မရှိသောကြောင့် ဖမ်းဆီးထိန်းသိမ်းရခြင်းဖြစ်သည်ဟု ဆိုသည်။

အချင်းမဖြစ်ပွားမီ ဗြိတိန်ရေနံသင်္ဘောသည် ငါးဖမ်းသင်္ဘောတစ်စီးနှင့် တိုက်မိရာ ငါးဖမ်းသင်္ဘောပျက်စီးခဲ့ကြောင်း ဖားစ် သတင်းအေဂျင်စီက အီရန်ဆိပ်ကမ်းနှင့်ရေကြောင်းအဖွဲ့အစည်းများ၏ ပြောကြားချက်ကို ကိုးကား၍ ဖော်ပြထားသည်။

ယခုလဆန်းပိုင်းက ဂျီဘရော်တာ(Gibraltar)တွင် အီရန်၏ Grace 1 ရေနံတင် သင်္ဘောကို ဗြိတိန်က ထိန်းသိမ်းခဲ့သည်။ အီးယူက ဆီးရီးယားနိုင်ငံအပေါ် ချမှတ်ထားသည့် ပိတ်ဆို့အရေးယူမှုအား ချိုးဖောက်ပြီး ဆီးရီးယားနိုင်ငံသို့ ရေနံစိမ်းတင်ပို့ြ့ခင်းကြောင့် ၎င်းသင်္ဘောအား ထိန်းသိမ်းရခြင်းဖြစ်ကြောင်း ဆိုသည်။ အီရန်က ဗြိတိန်၏အပြစ်တင်ပြောဆိုချက်ကို ငြင်းဆိုထားရာ ဖမ်းဆီးထိန်းသိမ်းထားသည့် ရေနံတင်သင်္ဘောကို အမြန်ဆုံးပြန်လွှတ်ပေးရန်နှင့် အန္တရာယ်များသည့် ကစားပွဲကို ဗြိတိန်က မဆင်နွှဲရန် သတိပေးပြောဆိုထားသည်။ (Xinhua)