17
Tue, Sep
502 New Articles

နှစ်သစ်ကူးနေ့ တွင် ကလေးငယ် ၃၉၅,ဝဝဝ ဦးမွေးဖွားကြောင်းယူနီဆက်ပြော

လသားအရွယ် ကလေးငယ်တစ်ဦးအားတွေ့ ရစဉ်(ဆင်ဟွာ) International Organizations

ကုလသမဂ္ဂ ၊ ဇန်နဝါရီ ၂ ရက်(ဆင်ဟွာ)

၂ဝ၁၉ ခုနှစ် ဇန်နဝါရီ ၁ ရက် (နှစ်သစ်ကူးနေ့ ) တွင် ကမ္ဘာတစ်ဝန်း၌ ခန့် မှန်းခြေ ကလေးငယ် ၃၉၅,ဝ၇၂ ဦးမွေးဖွားခဲ့ကြောင်း ၊ ၄င်းတို့ အနက် လေးပုံတစ်ပုံမှာ တောင်အာရှဒေသတွင်ဖြစ်ကြောင်း ကုလသမဂ္ဂကလေးများရံပုံငွေအဖွဲ့ (UNICEF) ၏ ဇန်နဝါရီ ၁ ရက်က ထုတ်ပြန်သော ကြေညာချက်တစ်စောင်တွင် ဖော်ပြထားသည်။

“ညဥ့်သန်းခေါင်ယံ နာရီအချက်ပေးသံထွက်ပေါ်ချိန် ဆစ်ဒနီမြို့ မှာ ခန့် မှန်းခြေ ၁၆၈ ဦး ၊ တိုကျိုမြို့ မှာ ၃၁ဝ ဦး ၊ ပေကျင်းမြို့ မှာ ၆ဝ၅ ဦး ၊  မက်ဒရစ်မြို့ မှာ ၁၆၆ ဦး နဲ့ နောက်ဆုံးအနေနဲ့  နယူးယောက်မြို့ မှာ ၃၁၇ ဦး အသီးသီးမွေးဖွားခဲ့ကြပါတယ်” ဟု ယူနီဆက်က ဆိုသည်။ ၂ဝ၁၉ ခုနှစ်အတွက် ပထမဆုံးမွေးဖွားသော ကလေးငယ်မှာ ပစိဖိတ်သမုဒ္ဒရာအတွင်းရှိ ဖီဂျီကျွန်းနိုင်ငံမှ ကလေးငယ်တစ်ဦးဖြစ်ကြောင်း ယူနီဆက်က ဆက်လက်ပြောကြားခဲ့သည်။

 

နှစ်သစ်ကူးနေ့ တွင် ကလေးအများဆုံးမွေးဖွားခဲ့သော နိုင်ငံမှာ အိန္ဒိယနိုင်ငံဖြစ်ပြီး စုစုပေါင်း ၇ဝ,ဝဝဝ နီးပါးမွေးဖွားခဲ့ကြောင်း ၊ ဒုတိယနေရာတွင် တရုတ်နိုင်ငံက ၄၅,ဝဝဝ နီးပါး နှင့် နိုင်ဂျီးရီးယားနိုင်ငံက ၂၅,ဝဝဝ ကျော်ရှိခဲ့ပြီး ယင်းနောက်တွင် အမေရိကန်နိုင်ငံက ၁၁,ဝဝဝ ဦးခန့် အသီးသီး မွေးဖွားခဲ့ကြောင်း သိရသည်။

 

ပြီးခဲ့သော ဆယ်စုနှစ်သုံးခုကျော်အတွင်း ကမ္ဘာကြီးသည် ကလေးငယ်များအသက်ရှင်သန်မှုတွင် “ စံပြုမှတ်တမ်းတင်ရလောက်အောင်တိုးတက်မှု” ရှိခဲ့ကြောင်း ၊ ကမ္ဘာတစ်ဝန်း၌ ငါးနှစ်အောက် ကလေးသေဆုံးမှုကို ထက်ဝက်ကျော်အထိ လျှော့ချနိုင်ခဲ့ကြောင်း ထုတ်ပြန်ချက်တွင် ဖော်ပြထားသည်။

 

“ ဒါပေမယ့် မွေးစ ကလေး တိုးပွားနှုန်းက နှေးကွေးနေပါသေးတယ်။ ငါးနှစ်အောက်ကလေးတွေအနက် ကလေးသေဆုံးမှုရဲ့ ၄၇ ရာခိုင်နှုန်းဟာ မွေးကင်းစ ပထမဆုံးလမှာ ဖြစ်နေပါတယ်” ဟု ယူနီဆက်က ဆိုသည်။ ၂ဝ၁၇ ခုနှစ်တွင် မွေးကင်းစ ကလေးငယ် ၁ သန်းခန့် မီးတွင်း၌ သေဆုံးခဲ့ရကြောင်း နှင့် ၂.၅ သန်းမှာ မွေးပြီး တစ်လအတွင်း သေဆုံးခဲ့ရကြောင်း သိရသည်။

 

သေဆုံးသွားသောကလေးငယ်များအနက် အများစုမှာ ကြိုတင်ကာကွယ်၍ ရနိုင်သော အနေအထားများဖြစ်သည့် နေ့ စေ့လစေ့ မွေးဖွားမှု မဟုတ်ခြင်း ၊ မွေးဖွားစဉ် ခက်ခဲသောအခြေအနေများဖြင့်ကြုံတွေ့ ရခြင်း နှင့် သွေး နှင့် အအေးမိရောဂါကဲ့သို့ သော ကူးစက်ရောဂါတစ်မျိုးမျိုးခံစားရခြင်းတို့ ကြောင့် ဖြစ်ကြောင်း  ယူနီဆက်က ဆိုသည်။

 

ယူနီဆက်၏ ဒုတိယအမှုဆောင်ညွှန်ကြားရေးမှူး Charlotte Petri Gornitzke က နိုင်ငံတကာအသိုင်းအဝိုင်းအနေဖြင့် မွေးစကလေးအသက်ရှင်နှုန်းတိုးတက်လာစေရန် ကျန်းမာရေးဝန်ထမ်းများအား သင်တန်းပေးခြင်း နှင့် မွေးခန်းသုံးတန်ဆာပလာများ အလုံအလောက်ဖြည့်ဆည်းခြင်းများ လုပ်ဆောင်သွားကြရန် တိုက်တွန်းပြောကြားခဲ့သည်။(Xinhua)