20
Tue, Aug
530 New Articles

ကုလသမဂ္ဂအတွင်းရေးမှူးချုပ်က တရုတ်နှစ်သစ်ကူး ဆုတောင်း စကားပြောကြား

ကုလသမဂ္ဂအထွေထွေအတွင်းရေးမှူးချုပ်အန်တိုနီယိုဂူတာရက်စ် အားတွေ့ ရစဉ်(ဆင်ဟွာ) International Organizations

ကုလသမဂ္ဂ ၊ ဖေဖော်ဝါရီ ၅ ရက်(ဆင်ဟွာ)

 

ကုလသဂ္ဂအထွေထွေအတွင်းရေးမှူးချုပ်အန်တိုနီယိုဂူတာရက်စ်သည် တရုတ်နှစ်သစ်ကူး( သို့ မဟုတ်) နွေဦးပွဲတော်အတွက် ဖေဖော်ဝါရီ ၄ ရက်တွင် ဆုတောင်းစကားပြောကြားခဲ့ကြောင်း သိရသည်။

ဗီဒီယိုဖိုင်တစ်ခုဖြစ်ပေးပို့ သော နှစ်ကူး ဆုတောင်းစကားတွင် ဂူတာရက်စ်က တရုတ်နိုင်ငံ နှင့် တရုတ်ပြည်သူများအား ကမ္ဘာ့ ငြိမ်းချမ်းရေး နှင့် ဖွံ့ ဖြိုးတိုးတက်ရေး တည်ဆောက်ရာတွင် ၄င်းတို့  ၏ ကြိုးပမ်းအားထုတ်မှုများ နှင့် ကတိကဝတ်များအတွက် ကျေးဇူးတင်ရှိပါကြောင်း ထည့်သွင်းပြောကြားခဲ့သည်။

 

ဂူတာရက်စ်က တရုတ်မန်ဒရင်းဘာသာစကားဖြင့် “ ရှင်းနရန်ဂျီခွိုက်လဲ့” ပျော်ရွှင်စရာ နွေဦးပွဲတော်ဖြစ်ပါစေဟု နှုတ်ခွန်းစကားပြောကြားခဲ့ပြီး “ ပျော်ရွှင်စရာပွဲတော်အချိန်အခါ ဖြစ်ပါစေကြောင်း ဆုမွန်ကောင်းတောင်းပါတယ်” ဟု ဆိုခဲ့သည်။

 

“ ယခုနှစ်မှာ ကမ္ဘာ့ လူသားအားလုံးရဲ့ ငြိမ်းချမ်းရေး နဲ့ အကျိုးစီးပွားကို တည်ဆောက်ဖို့ ၊ ဘယ်သူတစ်ဦးတစ်ယောက်မှ နောက်ကျကျန်ရစ်မနေရအောင် ကျွန်တော်တို့ လက်ချင်း ချိတ်ထားကြပါစို့ ” ဟု ၄င်းက ဆိုသည်။

 

“ ဒီနေ့ ကမ္ဘာကြီးမှာ လေပြင်းကြီးတွေတိုက်ခတ်နေလင့်ကစား အတူတကွ လက်တွဲ လုပ်ကိုင်ဆောင်ရွက်ကြမယ်ဆိုရင် အောင်မြင်မှု ရနိုင်မယ်ဆိုတာကို ကျွန်တော်တို့ သိပါတယ်။ အဲဒီစိတ်ခွန်အားနဲ့ နှစ်သစ်မှာ သင်တို့ နဲ့ သင်တို့ မိသားစုဝင်များအားလုံး ပျော်ရွှင်မှု ၊ အောင်မြင်မှု နဲ့ ကျန်းမာကြပါစေကြောင်း ဆုမွန်ကောင်းတောင်းလိုက်ပါတယ်” ဟု ၄င်းကဆိုသည်။

 

ယခုနှစ် တရုတ်နှစ်ကူး(ဝက်နှစ်) သည် ဖေဖော်ဝါရီ ၅ ရက်တွင်ကျရောက်ကြောင်း သိရသည်။(Xinhua)