အမေရိကန်တွင် တရားမဝင်ရွှေ့ပြောင်းနေထိုင်သူများအား လိုက်လံဖမ်းဆီးရာမှ ယာဉ်မတော်တဆဖြစ်ပွားပြီး ၅ ဦး သေဆုံး

အေမရိကန္တြင္ ျဖစ္ပြားသည့္ ယာဥ္တုိက္မႈတစ္ခုအား ေတြ႔ရစဥ္(ဓာတ္ပံု- ဆင္ဟြာ ) North America

ဟူစတန် ၊ ဇွန် ၁၈ ရက်(ဆင်ဟွာ)

မက္ကဆီကိုနယ်စပ်နှင့် ထိစပ်လျက်ရှိသော အမေရိကန်နိုင်ငံ တက္ကဆက်(Texas)ပြည်နယ် တောင်ပိုင်း မြို့တစ်မြို့တွင် ဇွန် ၁၇ ရက်က တရားမဝင် ရွှေ့ပြောင်းနေထိုင်သူများအား တင်ဆောင်လာသည့် ကားတစ်စင်းသည် ဖမ်းဆီးမှုများကို ရှောင်တိမ်းရာမှ ယာဉ်မတော်တဆဖြစ်ပွားခဲ့ရာ လူ ၅ ဦး သေဆုံး ခဲ့ကြောင်း သိရသည်။

ယင်းဖြစ်စဉ်မှာ ဟူစတန်(Houston)မြို့အနောက်တောင်ပိုင်း ၄၈၀ ကီလိုမီတာခန့်အကွာတွင် ဖြစ်ပွား ခဲ့ခြင်းဖြစ်ပြီး အမေရိကန်-မက္ကဆီကို နယ်စပ်မြို့ဖြစ်သည့် Laredoနှင့် ၁၅၀ ကီလိုမီတာခန့်သာ ကွာဝေးကြောင်း သိရသည်။ တရားမဝင်ရွှေ့ပြောင်းနေထိုင်သူ ၁၀ ဦး ကျော် တင်ဆောင်လာသည့် မော်တော်ယာဉ် တစ်စီး သည် လိုက်လံဖမ်းဆီးမှုကို ထွက်ပြေးရှောင်တိမ်းရာမှ ယာဉ်တိုက်မှု ဖြစ်ပွားခဲ့ခြင်းကြောင့် လူ ၄ ဦး ပွဲချင်းပြီးသေဆုံးပြီး ကျန် ၁ ဦးမှာ ဆေးရုံ၌ သေဆုံးခဲ့ခြင်းဖြစ်ကြောင်း ရဲတပ်ဖွဲ့က ယင်းနေ့တွင် ကျင်းပသည့် သတင်းစာရှင်းလင်းပွဲ၌ ပြောကြား ခဲ့သည်။

၎င်းယာဉ်ပေါ်တွင် ယာဉ်မောင်းအပါအဝင် ၁၄ ဦးပါရှိပြီး ၂ ဦးမှာ အမေရိကန်နိုင်ငံသားဖြစ်ကြောင်းနှင့် ယာဉ်မောင်းအား ဖမ်းဆီးထားပြီးဖြစ်ကြောင်း ရဲတပ်ဖွဲ့က ပြောကြားခဲ့သည်။အမေရိကန် တရားစီရင်ရေးဌာနက နိုင်ငံတော်လုံခြုံရေးကို အန္တရာယ်ဖြစ်စေသည်ဟုဆိုကာ ယခုနှစ် ဧပြီလမှစ၍ တရားမဝင်ရွှေ့ပြောင်းနေထိုင်သူများကို zero tolerance မူဝါဒ ကျင့်သုံးဆောင်ရွက်လျက် ရှိပြီး နယ်စပ်လုံခြုံရေးနှင့်တရားဥပဒေစိုးမိုးရေးကို တာဝန်ယူဆောင်ရွက်နေသည့် အမေရိကန်နိုင်ငံ လုံခြုံရေးဌာနက တရားမဝင် နယ်စပ်ဖြတ်ကျော်ခြင်းကို ရာဇဝတ်မှုဟု ယူဆထားကြောင်း သိရသည်။

(Xinhua)