18
Tue, Feb
405 New Articles

ဆီတယ် ၊ သြဂုတ် ၁၁ ရက်(ဆင်ဟွာ)

အမေရိကန်နိုင်ငံ ဝါရှင်တန် ရှိ Seattle လေဆိပ်၌ ခရီးသည်တင်လေယာဉ်တစ်စင်း ခွင့်ပြုချက်မဲ့ ပျံသန်းထွက်ခွာသွားပြီးနောက် လေဆိပ်၌ ရပ်ထားသော လေယာဉ်အားလုံးကို ထွက်ခွာခွင့်မပြုတော့ကြောင်း သိရသည်။ အခိုးခံရသော လေယာဉ်အား F-15 လေယာဉ်နှစ်စင်းဖြင့် လိုက်လံတားဆီးခဲ့ပြီး ယင်းလေယာဉ်ပေါ်တွင် ခရီးသည်များ လိုက်ပါလာခဲ့ခြင်း မရှိကြောင်း နှင့် လေယာဉ်မှာ ပျက်ကျသွားခဲ့ကြောင်း သိရသည်။

(Xinhua)

ဝါရှင်တန် ၊ သြဂုတ် ၁ဝ ရက်(ဆင်ဟွာ)

အမေရိကန်နိုင်ငံ ဒုတိယသမ္မတမိုက်ပန့်ချ်က အမေရိကန်နိုင်ငံအနေဖြင့် ၂ဝ၂ဝ ပြည့်နှစ်တွင် အာကာသတပ်ဖွဲ့တစ်ခု ဖွဲ့စည်းတည်ထောင်သွားရန် စီစဉ်ထားကြောင်း သြဂုတ် ၉ ရက်တွင် ထုတ်ဖော်ပြောကြားခဲ့သည်။

ထိုသို့အာကာသတပ်ဖွဲ့ဖွဲ့စည်းရန် ပင်တဂွန်စစ်ဌာနချုပ်တွင် ထိပ်တန်းအရာရှိများက မေးခွန်းထုတ်ခဲ့ပြီး သမ္မတဒေါ်နယ်ထရမ့်၏ အကြံဉာဏ်ဖြစ် ဖွဲ့စည်းရန် ဖြစ်ကြောင်း ပန့်ချ်က ဆိုသည်။

“ အမေရိကန်နိုင်ငံ အာကာသတပ်ဖွဲ့ဖွဲ့စည်းတည်ထောင်ဖို့အချိန်ကျရောက်လို့လာပါပြီ” ဟု ပန့်ချ်က ပင်တဂွန်စစ်ဌာနချုပ်၌ ပြုလုပ်သည့် တွေ့ဆုံဆွေးနွေးပွဲတစ်ခုတွင် ထုတ်ဖော်ပြေကြားခဲ့ခြင်းဖြစ်ပြီး သမ္မတထရမ့်အနေဖြင့် ယခုနှစ်အစောပိုင်းကတည်းက အမေရိကန်စစ်တပ်၏ ၆ ခုမြောက် တပ်ဖွဲ့သစ်တစ်ခုကို ဖွဲ့စည်းရန် တိုက်ရိုက်ညွှန်ကြားခဲ့ကြောင်း ၎င်းကဆက်လက်ပြောကြားခဲ့သည်။

“ အာကာသမှာနေရာယူဖို့အမေရိကန်ဟာ ဒီလောက်နဲ့လုံလောက်မှုမရှိသေးပါဘူး။ အာကာသမှာ အမေရိကန်နိုင်ငံစိုးမိုးဖို့ကျွန်တော်တို့လုပ်ရမယ်။ဒါကြောင့် ကျွန်တော်တို့လုပ်ရပါလိမ့်မယ်” ဟု ပန့်ချ်က ဆိုသည်။

ပန့်ချ်တင်သွင်းခဲ့သော စာမျက်နှာပေါင်း ၁၅ မျက်နှာပါဝင်သည့် အမေရိကန်တပ်ဖွဲ့သစ် ဖွဲ့စည်းရေး အစီရင်ခံစာတစ်ခုအပေါ် ပင်တဂွန်ဘက် သဘောမတူမှုများ ရှိခဲ့သည်။

၎င်းအစီရင်ခံစာထဲတွင် အာကာသစစ်ဆင်ရေးတပ်ဖွဲ့တစ်ခုဖွဲ့စည်းတည်ထောင်သွားရန် တောင်းဆိုထားပြီး အာကာသကျွမ်းကျင်သူများဖြင့် “ လေ့ကျင့်ရေး ၊ မြှင့်တင်ရေး ၊ အာကာသအတွင်း တိုက်ခိုက်ရေး” အစီအစဉ်များပါဝင်ကြောင်း သိရသည်။ ယင်းတပ်ဖွဲ့သည် “ အာကာသစစ်ပွဲ ပါဝင်ရေး နှင့် စွမ်းရည်မြှင့်တင်ရေး ” ကိုလည်း လုပ်ဆောင်သွားမည်ဖြစ်ကြောင်း သိရသည်။

အဆိုပါ ကာကွယ်ရေးတပ်ဖွဲ့သစ်အတွက် ဘက်ဂျက်တောင်းခံမှုကို လာမည့် ၂ဝ၂ဝ ဘဏ္ဍာရေးနှစ်တွင် လုပ်ဆောင်သွားမည်ဖြစ်ကြောင်း ၊ ကွန်ဂရက်အနေဖြင့် “ အာကာသလုံခြုံရေးစနစ်များအတွက် ကာကွယ်ရေးဖြည့်စွက်ဘဏ္ဍာငွေ အမေရိကန်ဒေါ်လာ ၈ ဘီလီယံ” ကို အတည်ပြုပေးရမည်ဖြစ်ကြောင်း ဆိုသည်။

ကွန်ဂရက် နှင့် ပင်တဂွန်ထိပ်တန်း အရာရှိများ၏ အတိုက်အခံပြုမှုများနှင့်အတူ “ ကာကွယ်ရေးတပ်ဖွဲ့အသစ် တစ်ခု ဖွဲ့စည်းတဲ့ကိစ္စဟာ လွယ်ကူတဲ့ ကိစ္စရပ်တစ်ခုမဟုတ်” ကြောင်း ပန့်ချ်က ပြောကြားခဲ့သည်။ (Xinhua)

အော့တဝါ ၊ သြဂုတ် ၉ ရက်(ဆင်ဟွာ)

ကနေဒါနှင့်ဆော်ဒီအာရေဗျ နှစ်နိုင်ငံသံတမန်ဆက်ဆံရေးအခြေအနေနှင့်စပ်လျဉ်း၍ ကနေဒါ ဝန်ကြီးချုပ် Justin Trudeau က သြဂုတ် ၈ ရက်တွင် ပထမဆုံး သဘောထား ထုတ်ပြန်ခဲ့ကြောင်း သိရသည်။ ၎င်းက ကနေဒါသည် လူအခွင့်အရေးဆိုင်ရာကိစ္စများတွင် အမြဲတမ်း တင်းတင်း မာမာ ပြောဆိုလေ့ရှိကြောင်း ၊ သို့သော် ဆော်ဒီနှင့်ဆက်ဆံရေးအခြေအနေ ဆိုးဝါးအောင် လုပ်ဆောင်ရန် ဆန္ဒမရှိဟု ဆိုသည်။

အန်ကာရာ ၊ သြဂုတ် ၈ ရက် (ဆင်ဟွာ)

တူရကီ နိုင်ငံ နိုင်ငံခြားရေး ဝန်ကြီးဌာန ဒုတိယ ဝန်ကြီး ဦးဆောင်သည့် ကိုယ်စားလှယ် အဖွဲ့ က လတ်တလောရက်ပိုင်း အတွင်း နှစ်နိုင်ငံ အကြား ဖြစ်ပွားနေသည့် အငြင်းပွားမှု အဆက်မပြတ် မြင့်တက်လာခြင်း ကို ဖြေရှင်းရန် အတွက် သြဂုတ်လ ၇ ရက် ၌ တူရကီ နိုင်ငံ မှ အမေရိကန် နိုင်ငံ ဝါရှင်တန် မြို့ သို့ စတင်ထွက်ခွာ သွားကြောင်း သိရှိရသည်။

လော့အန်ဂျလိစ်၊ သြဂုတ် ၈ ရက် (ဆင်ဟွာ)

အမေရိကန်နိုင်ငံ ကော်လိုရာဒိုပြည်နယ် ရှိ နေရာတစ်ချို့တွင် မိုးသီးကြီးများ ကျရောက်မှုကြောင့် လူ ၁၄ဦး ထိခိုက်ဒဏ်ရာရရှိခဲ့ပြီး တိရစ္ဆာန်ရုံမှ တိရစ္ဆာန် ၂ကောင်သေဆုံးခဲ့ကြောင်း အမေရိကန်သတင်းဌာနက သြဂုတ် ၇ ရက်တွင် ဖော်ပြခဲ့သည်။

အော့တဝါ၊ သြဂုတ် ၇ ရက်(ဆင်ဟွာ)

ဆော်ဒီအာရေဗျနိုင်ငံနှင့် သံတမန်ဆက်ဆံရေးအခြေအနေ ဆိုးဝါးနေသော်လည်း ကနေဒါနိုင်ငံ အနေဖြင့် ရပ်တည်ချက်များကို ပြောင်းလဲမည်မဟုတ်ဟု ကနေဒါ နိုင်ငံခြားရေးဝန်ကြီး Chrystia Freeland က သြဂုတ် ၆ ရက်တွင် ကြေညာချက်ထုတ်ပြန်ခဲ့သည်။

ဝါရှင်တန်၊ သြဂုတ် ၇ ရက် (ဆင်ဟွာ)

အီရန်နိုင်ငံ၏ ဘဏ္ဍာရေးနှင့် စက်မှုလုပ်ငန်းကဏ္ဍများတွင် အမေရိကန်နိုင်ငံက အရေးယူပိတ်ဆို့မှုများစွာ သြဂုတ်လ ၇ ရက်တွင် ပြန်လည် ပြုလုပ်မည်ဖြစ်ကြောင်း အိမ်ဖြူတော်က သြဂုတ်လ ၆ ရက်တွင် ကြေညာလိုက်သည်။

ဝါရှင်တန် ၊ သြဂုတ် ၆ ရက်(ဆင်ဟွာ)

အမေရိကန်နိုင်ငံ အမျိုးသားလုံခြုံရေးအကြံပေး ဂျွန်ဘိုလ်တန်(John Bolton) က မကြာသေးခင်ကဖြစ်ပွားခဲ့သော ဗင်နီဇွဲလားနိုင်ငံသမ္မတ နီကိုးလက်စ် မတ်ဒူရို( Nicolas Maduro) အား လုပ်ကြံမှုတွင် အမေရိကန်နိုင်ငံက ပါဝင်ပတ်သက်ခြင်းမရှိကြောင်း သြဂုတ် ၅ ရက်တွင် ငြင်းဆိုပြောကြားခဲ့သည်။

လောစ်အိန်းဂျလိစ် ၊ သြဂုတ် ၆ ရက်(ဆင်ဟွာ)

အမေရိကန်နိုင်ငံ ကယ်လီဖိုးနီးယားပြည်နယ်ရှိ South Coast ပလာဇာဈေးဝယ်စင်တာအနီးတွင် လေယာဉ်ငယ်တစ်စင်းပျက်ကျမှုဖြစ်ပွားပြီးနောက် လူ ၅ ဦးသေဆုံးသွားကြောင်း တာဝန်ရှိသူများက သြဂုတ် ၅ ရက်တွင် ပြောကြားခဲ့သည်။(Xinhua)

လော့စ်အိန်ဂျလိစ်၊ သြဂုတ် ၄ ရက် (ဆင်ဟွာ)

တရုတ်နိုင်ငံ စမတ်ဖုန်းထုတ်လုပ်သူဖြစ်သော ဟွာဝေး (Huawei) သည် Apple ကို ကျော်တက်ကာ ကမ္ဘာ့ ဒုတိယအကြီးဆုံး စမတ်ဖုန်းရောင်းချသူ ဖြစ်လာကြောင်း ဈေးကွက်သုတေသနလုပ်ငန်းတစ်ခုက ပြောကြားလိုက်သည်။