ရန်ကုန်၊ ဇွန် ၂၆ ရက် (ဆင်ဟွာ) 

၂၀၂၀ ပြည့်နှစ် ဇွန်လတွင် ထီလက်မှတ်များအား “က’’ အက္ခရာ မှ “ကစ” အက္ခရာ အထိ စုစုပေါင်း အက္ခရာ ၃၉ လုံးရောင်းချခဲ့ပြီး အကုန်ရောင်းကုန်ခဲ့ကြောင်း၊ ထို့ပြင် သတ်မှတ်ကာလတွင်လာရောက်ထုတ်ယူခြင်းမရှိသော ဘဏ္ဍာရသိမ်းငွေမှ ကျန်းသန်း၂၅၀ ကို ဇူလိုင်လ ၁ ရက် တွင်ကျင်းပမည့် ၁၇ကြိမ်မြောက် ၁၀၀၀ ကျပ်တန် အောင်ဘာလေထီသိန်းဆုဖွင့်ပွဲတွင် ထပ်တိုးချီးမြှင့်သွားမည်ဖြစ်ကြောင်း စီမံကိန်း၊ဘဏ္ဍာရေး နှင့် စက်မှုဝန်ကြီးဌာန၊ ပြည်တွင်းအခွန်များဦးစီးဌာနမှ ညွှန်ကြားရေးမှူးချုပ် ဦးမင်းထွဋ် က ယနေ့ ဇွန် ၂၆ ရက်တွင် ဆင်ဟွာသို့ ပြောကြားခဲ့သည်။

နေပြည်တော်၊ ဇွန် ၁၇ ရက် (ဆင်ဟွာ)

COVID-19 ရောဂါ ကာကွယ်ထိန်းချုပ် ကုသရေး အစီအစဉ်များကြောင့် လုပ်ငန်းများ ရပ်ဆိုင်း ထိခိုက်ခဲ့သည့် ဟိုတယ်များနှင့် ခရီးသွား လုပ်ငန်းများအား ပြန်လည် ရပ်တည်နိုင်ရေးအတွက် နိုင်ငံတော် အစိုးရက COVID-19 ချေးငွေ အဖြစ် ချေးငွေများ ထုတ်ချေးခဲ့ရာ ဇွန်လ ၁၆ ရက်နေ့အထိ ကျပ် ၁၇ ဘီလီယံကျော် ရှိသည်ဟု ဟိုတယ်နှင့် ခရီးသွားလာရေး ဝန်ကြီးဌာန ဒုတိယ ဝန်ကြီး ဦးတင်လတ်က ယနေ့ ညနေ သတင်းစာ ရှင်းလင်းပွဲတွင် ပြောကြားခဲ့သည်။

ရန်ကုန်၊ ဇွန် ၁၇ ရက် (ဆင်ဟွာ) 

ရန်ကုန်တိုင်းဒေသကြီး လှည်းကူးမြို့နယ်တွင် အကောင်အထည်ဖော်မည့် လှည်းကူးစက်မှုဇုန်တည်ဆောက်ရေး လုပ်ငန်းများကို ၂၀၂၀ပြည့်နှစ် အောက်တိုဘာလတွင် စတင်ဆောင်ရွက်သွားမည်ဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့ ကရင်တိုင်းရင်းသားလူမျိုးရေးရာ ဝန်ကြီး၊ ရန်ကုန်တိုင်းဒေသကြီးရင်းနှီးမြှုပ်နှံမှုကော်မတီအဖွဲ့ဝင် နော်ပန်းသဉ္ဇာမျိုးက ဆင်ဟွာသို့ ယနေ့ ဇွန် ၁၇ ရက်တွင်ပြောကြားခဲ့သည်။

နေပြည်တော်၊ မေ ၂၉ ရက်(ဆင်ဟွာ)

စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာနက တာဝန်ယူ ဆောင်ရွက်မည့် မြန်မာ့ စားနပ်ရိက္ခာနှင့် စိုက်ပျိုး မွေးမြူရေး စနစ် ဖွံ့ဖြိုးရေး စီမံကိန်းအတွက် ကမ္ဘာ့ဘဏ် အပြည်ပြည် ဆိုင်ရာ ဖွံ့ဖြိုးရေး အဖွဲ့၏ ၁၈ ကြိမ်မြောက် ရန်ပုံငွေ ဖြည့်တင်းမှု အစီအစဉ် (IDA-18)ထံမှ အမေရိကန်ဒေါ်လာ သန်း ၂၀၀ ချေးငွေ ရယူရန် ပြည်ထောင်စု လွှတ်တော် ယနေ့ အစည်း အဝေးက အတည်ပြုခဲ့သည်။

နေပြည်တော်၊ မေ ၂၈ ရက် (ဆင်ဟွာ)

မြန်မာနိုင်ငံ၌ အင်တာနက်မှ တစ်ဆင့် ကူးသန်းရောင်းဝယ်ရေးလုပ်ငန်းများ ထွန်းကားစေရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနအနေဖြင့် Digital Economy Association နှင့် E-commerce Association တို့ကို ဖွဲ့စည်းရာတွင် အားပေးဆောင်ရွက်ခဲ့ကြောင်း၊ ထို့အတူ ပို့ဆောင်ရေးနှင့် ဆက်သွယ်ရေးဝန်ကြီးဌာနက Cyber Security ဥပဒေများ ပြဌာန်းရန် ကြိုးပမ်း နေချိန်တွင် စီး/ကူး ဝန်ကြီးဌာန အနေဖြင့်  E-commerce လုပ်ငန်းများအား အထောက် အကူ ပြုမည့် E-commerce Guide Line တစ်ခု ပေါ်ပေါက်လာရေးကို ကြိုးပမ်းဆောင်ရွက်လျက် ရှိကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ဒုတိယ ဝန်ကြီး ဦးအောင်ထူးက ယနေ့ ပြောကြားခဲ့သည်။

ရန်ကုန်၊ မေ ၂၂ ရက် (ဆင်ဟွာ)

မြန်မာနိုင်ငံတော် ဗဟိုဘဏ် အနေဖြင့်  မေ၂၁ ရက်မှ ၂၂ ရက် တွင် ၂ ရက်အတွင်း အမေရိကန်ဒေါ်လာ ၄ ဒသမ ၅ သန်း အား နိုင်ငံခြားငွေ ဈေးပြိုင်လေလံဖြင့် ဝယ်ယူခဲ့ကြောင်း မြန်မာနိုင်ငံတော် ဗဟိုဘဏ် ၏ ထုတ်ပြန်ချက်အရသိရသည်။

ရန်ကုန်၊ မေ ၁၉ ရက် (ဆင်ဟွာ)

ကမ္ဘာ့ရေနံဈေးနှုန်းမြင့်တက်လာသည့် အတွက် မြန်မာ့စက်သုံးဆီဈေးနှုန်းများ တစ်လီတာလျှင် ကျပ် ၁၀၀ နှင့်အထက် အနည်းငယ်ဈေးမြင့်တက်သွားခဲ့ကြောင်း မြန်မာနိုင်ငံစက်သုံးဆီတင်သွင်းရောင်းချဖြန့်ဖြူးရေးအသင်းမှ တာဝန်ရှိသူတစ်ဦးက ဆင်ဟွာသို့ မေ ၁၉ ရက်တွင် ပြောသည်။

ရန်ကုန်၊ မေ ၁၈ ရက် (ဆင်ဟွာ)

ကမ္ဘာ့ရွှေဈေးတစ်အောင်စ ကို ၁၇၀၄ ဒေါ်လာမှ ၁၇၆၂ ဒေါ်လာ အထိ မြင့်တက်လာသည့် အတွက် မြန်မာ့ရွှေဈေး သည်  တစ်ကျပ်သားလျှင် ၁,၁၉၀,၀၀၀  ကျပ် မှ ၁,၂၂၇,၀၀၀ ကျပ်အထိရောက်ရှိသွားပြီး ၅ ရက်အတွင်း တစ်ကျပ်သား ၃၇,၀၀၀ ကျပ် တက်သွားခဲ့ကြောင်း ၊ သို့သော် ရွှေဆိုင်များတွင် ရွှေဝယ်သူထက် ရွှေရောင်းသူပိုမိုများပြားလာကြောင်း ပန်းပဲတန်းမြို့နယ်ရှိ တိတ်စိန်ရွှေဆိုင်ရှင် ဦးဇော်အောင်က ယနေ့ မေ ၁၈ ရက်တွင် ဆင်ဟွာသို့  ပြောကြားသည်။

နေပြည်တော်၊ ဧပြီ ၉ ရက်(ဆင်ဟွာ)

ပြည်ထောင်စု သမ္မတ မြန်မာနိုင်ငံတော် ဗဟိုဘဏ်သည် မြန်မာနိုင်ငံ၌ ဘဏ်လုပ်ငန်းများ လုပ်ကိုင်ရန် လျှောက်ထားလာသည့် နိုင်ငံခြားဘဏ်များအနက် ဘဏ်ခုနစ်ခုအား ဘဏ်လုပ်ငန်းများ စတင်ဆောင်ရွက်ရန် ကနဦး အတည်ပြုချက်ကို ယနေ့နေ့စွဲဖြင့် ခွင့်ပြုခဲ့သည်။