ရန်ကုန်၊ဒီဇင်ဘာ ၁၀ရက် (ဆင်ဟွာ) ရေးသားသူ/အေးလပြည့်

၂၀၂၀ ပြည့်နှစ်၊ မြန်မာ့အပြည်ပြည်ဆိုင်ရာယာဉ်အပိုပစ္စည်းများ၊ ဝန်ဆောင်မှုလုပ်ငန်းများနှင့် ကားပိုင်းဆိုင်ရာပြပွဲ နှင့် အီလက်ထရောနစ်နည်းပညာနှင့် လျှပ်စစ်စွမ်းအင်ပိုင်းဆိုင်ရာပြပွဲ ကို ပထမဦးဆုံးအကြိမ်အဖြစ် အွန်လိုင်းဒီဂျစ်တယ်ပြပွဲအနေဖြင့် ဒီဇင်ဘာ ၁၄ ရက်မှ ၁၈ ကျင်းပပြုလုပ်သွားမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့ ညွှန်ကြားရေးမှူးချုပ် ဒေါ်နော်မူတာကပေါက ဆင်ဟွာသို့ ဒီဇင်ဘာ ၁၀ ရက်တွင်ပြောကြားသည်။

ရန်ကုန်၊ ဒီဇင်ဘာ ၁၀ ရက် (ဆင်ဟွာ) ရေးသားသူ/အေးလပြည့်

မြန်မာ-တရုတ်နယ်စပ်မျဉ်းအနီး ဖီမော်နှင့်ဆော့လော်ကျေးရွာကြားရှိ အီမောဘွန်ရေခဲတောင်သို့ ပြည်တွင်းခရီးသွားများ သွားရောက်လည်ပတ်နိုင်မည့် ခရီးစဉ်ဒေသသစ်တစ်ခု ကို COVID-19 အလွန်ကာလတွင် အကောင်အထည်ဖော်ဆောင်ရွက်သွားမည်ဖြစ်ကြောင်း ကချင်ပြည်နယ် ဟိုတယ်နှင့်ခရီးသွားလာရေးဝန်ကြီးဌာန၊ ညွှန်ကြားရေးမှူးဦးခိုင်ဝင်းက ဆင်ဟွာသို့ ဒီဇင်ဘာ ၁၀ ရက်တွင်ပြောကြားသည်။

ရန်ကုန်၊ ဒီဇင်ဘာ ၇ ရက် (ဆင်ဟွာ) ရေးသားသူ/ အိမွန်ကျော်

မန္တလေးတိုင်ဒေသကြီး ညောင်ဦးခရိုင် ကျောက်ပန်းတောင်းမြို့နယ်တွင်းရှိ မြောက်ကျောက်အိုးနှင့် ဂဲမိုးအိုင် နေရာနှစ်ခုအား သဘာဝအခြေခံ ခရီးသွားလုပ်ငန်း ဖော်ဆောင်မြှင့်တင်နိုင်ရေး စီစဉ်လျက်ရှိကြောင်း ဟိုတယ်နှင့်ခရီးသွားညွှန်ကြားမှုဦးစီးဌာန၊ ဒုတိယညွှန်ကြားရေးမှူး ဦးမင်းအောင်က ပြောကြားသည်။

ရန်ကုန်၊ ဒီဇင်ဘာ ၅ ရက် (ဆင်ဟွာ) ရေးသားသူ/အေးလပြည့်

၂၀၂၀-၂၀၂၁ ဘဏ္ဍာနှစ် အောက်တိုဘာ ၁ ရက်မှ နိုဝင်ဘာ ၂၀ ရက်အထိ ပြည်ပသို့ ပို့ကုန်တင်ပို့မှုမှာ နိုင်ငံပိုင်ကဏ္ဍ နှင့် ပုဂ္ဂလိကကဏ္ဍ ၂ ခုပေါင်း အမေရိကန်ဒေါ်လာသန်းပေါင်း ၁၆၃၉ ဒဿမ ၁၆၆သန်းကျော်ရှိကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ မြန်မာ့ကုန်သွယ်မှုမြှင့်တင်ရေးအဖွဲ့ မှ ညွှန်ကြားရေးမှူးဦးမျိုးသူက ဆင်ဟွာသို့ ဒီဇင်ဘာ ၅ ရက်တွင်ပြောသည်။

ရန်ကုန်၊ ဒီဇင်ဘာ ၄ ရက် (ဆင်ဟွာ) ရေးသားသူ/အေးလပြည့်

COVID-19 ရောဂါကြောင့် ဈေးကွက်ရပ်ဆိုင်းထားရသော မြန်မာ့ခရီးသွားလုပ်ငန်းကဏ္ဍနှင့် ဆက်နွယ်သည့် လုပ်ငန်းကဏ္ဍများကို ကုစားနိုင်ရန် အများပိုင်ကုမ္ပဏီတစ်ခုကို ခရီးသွားလုပ်ငန်းရှင်များ စုပေါင်းတည်ထောင်သွားရန်ရှိကြောင်း မြန်မာနိုင်ငံခရီးသွားလုပ်ငန်းရှင်များအသင်းမှ ဥက္ကဋ္ဌ ဦးနောင်းနောင်းဟန်က ဆင်ဟွာသို့ ဒီဇင်ဘာ ၄ ရက်တွင်ပြောသည်။
“ကျွန်တော်တို့က ခရီးသွားလုပ်ငန်းရှင်တွေနဲ့ အများပိုင်ကုမ္ပဏီကို တည်ထောင်လိုက်တဲ့အခါမှာ ခရီးသွားလုပ်ငန်းရှင်တွေဝင်ငွေပြန်ရလာမယ်။ နောက်တစ်ချက်ကတချို့စီမံကိန်းတွေအကောင်အထည်ဖော်တဲ့အခါ စီးပွားရေးအဖွဲ့အစည်းပုံစံနဲ့ မှ အကောင်အထည်ဖော်လို့ရတာတွေလည်းရှိတယ်။ အဲဒါကြောင့် ကျွန်တော်တို့ကလက်ရှိအခြေအနေအရ ဆောင်ရွက်ဖို့စဉ်းစားရတာဖြစ်ပါတယ်’’ ဟု၎င်းကဖြည့်စွက်ပြောကြားသည်။

ရန်ကုန်၊ ဒီဇင်ဘာ ၃ ရက် (ဆင်ဟွာ) ရေးသားသူ/အေးလပြည့်

ရွှေဈေးဆက်တိုက်ကျဆင်းနေရာမှ ကမ္ဘာ့ရွှေဈေးပြန်လည်မြင့်တက်လာခြင်းနှင့်အတူ ကျပ် ၁,၂၇၅,၀၀၀ မှ ကျပ် ၁,၃၀၄,၀၀၀ အထိ ၂ ရက်အတွင်း မြန်မာ့ရွှေစျေး ကျပ် ၂၉,၀၀၀ ခန့် ပြန်မြင့်တက်လာကြောင်းနှင့် ဈေးကွက်အတွင်း ရွှေအဝယ်လိုက်နေသောကြောင့် ရန်ကုန်မြို့တွင် အခေါက်ရွှေပစ္စည်းပြတ်နေကြောင်း ရန်ကုန်တိုင်းဒေသကြီးရွှေလုပ်ငန်းရှင်များအသင်း ဥက္ကဋ္ဌ ဦးမျိုးမြင့်က ဆင်ဟွာသို့ ဒီဇင်ဘာ ၃ ရက်တွင်ပြောကြားသည်။

ရန်ကုန် ၊ ဒီဇင်ဘာ ၃ ရက်(ဆင်ဟွာ) ရေးသားသူ/ဟေမာန်

၂၀၂၀ - ၂၀၂၁ ဘဏ္ဍာနှစ် တစ်လကျော်ကာလအတွင်း စုစုပေါင်း နိုင်ငံခြား ရင်းနှီးမြှုပ်နှံမှု ပမာဏ အမေရိကန် ဒေါ်လာ ၂၀၉ ဒသမ ၆၁၆ သန်း ရရှိခဲ့ကြောင်း မြန်မာနိုင်ငံ ရင်းနှီးမြှုပ်နှံမှု ကော်မရှင်၏ ထုတ်ပြန်မှုအရ သိရသည်။

ရန်ကုန်၊ နိုဝင်ဘာ ၂၇ ရက် (ဆင်ဟွာ) ရေးသားသူ/အေးလပြည့်


COVID-19 ဒုတိယလှိုင်းစတင်ဖြစ်ပွားသည့်အချိန်မှစ၍ ယနေ့အထိ ရန်ကုန်တိုင်းဒေသကြီးရွှေဈေးကွက်အတွင်းသို့ ရွှေကုန်ကြမ်းအသစ်အဝင်မရှိဘဲ နေ့စဉ် ပြန်လာရောင်းသည့်ရွှေများနှင့်သာ ဈေးကွက်အတွင်းတွင် လည်ပတ်လျက်ရှိကြောင်း ရန်ကုန်တိုင်းဒေသကြီး ရွှေလုပ်ငန်းရှင်များအသင်းဥက္ကဋ္ဌ ဦးမျိုးမြင့်ကဆင်ဟွာသို့ နိုဝင်ဘာ ၂၇ ရက်တွင်ပြောသည်။

ရန်ကုန်၊ နိုဝင်ဘာ ၂၆ ရက် (ဆင်ဟွာ) ရေးသားသူ/အေးလပြည့်

ကမ္ဘာ့ရွှေဈေးသည် တစ်အောင်စလျှင် ၁,၈၇၄ ဒေါ်လာမှ ၁,၈၀၉ ဒေါ်လာအထိ ၂ ရက်အတွင်း ၆၅ ဒေါ်လာအထိဈေးနှုန်းကျဆင်းခဲ့သလို မြန်မာ့ရွှေဈေးသည်လည်း တစ်ကျပ်သားပေါက်ဈေး ကျပ် ၁,၃၁၀,၀၀၀ မှ ကျပ် ၁,၂၉၇,၀၀၀ အထိ ကျပ် ၁၃,၀၀၀ ထိ ဈေးနှုန်းကျခဲ့ဆင်းခဲ့ရာ ရွှေဈေးဆက်လက်အေးနိုင်ကြောင်း ရန်ကုန်တိုင်းဒေသကြီးရွှေလုပ်ငန်းရှင်များအသင်းဥက္ကဋ္ဌ ဦးမျိုးမြင့်က ဆင်ဟွာသို့ နိုဝင်ဘာ ၂၆ ရက်တွင်ပြောကြားသည်။

ရန်ကုန် ၊ နိုဝင်ဘာ ၂၆ ရက်(ဆင်ဟွာ) ရေးသားသူ/ဟေမာန်

ဆောင်ရွက်ဆဲလုပ်ငန်း(၅)ခုမှ မတည်ငွေရင်းတိုးမြှင့်ခြင်း အပါအဝင် မွေးမြူရေးနှင့်ရေလုပ်ငန်းကဏ္ဍ၊ လယ်ယာကဏ္ဍ၊ ကုန်ထုတ်လုပ်မှုကဏ္ဍနှင့် အခြားဝန်ဆောင်မှု ကဏ္ဍတို့မှ လုပ်ငန်းသစ်(၆)ခုကို နိုဝင်ဘာ ၂၅ ရက်က ပြုလုပ်သော မြန်မာနိုင်ငံရင်းနှီးမြှုပ်နှံမှုကော်မရှင်၏ (၁၅/၂၀၂၀) ကြိမ်မြောက် အစည်းအဝေးတွင် ခွင့်ပြုခဲ့ကြောင်း သိရသည်။