ရန်ကုန်၊ စက်တင်ဘာ ၄ ရက် (ဆင်ဟွာ) 

၂၀၁၉-၂၀၂၀ ဘဏ္ဍာနှစ်တွင် ၂၀၁၉ခုနှစ်  အောက်တိုဘာလ မှ ၂၀၂၀ ပြည့်နှစ် သြဂုတ်လ ကုန်အထိ ဆန်မက်ထရစ်တန်ချိန် ၂ ဒသမ ၄ သန်းကျော် ပြည်ပနိုင်ငံများသို့တင်ပို့ခဲ့ကြောင်း၊ ယခင်ဘဏ္ဍာနှစ် ကာလတူတွင် ဆန်မက်ထရစ်တန်ချိန် ၂ ဒသမ ၂ သန်းတင်ပို့နိုင်ခဲ့သောကြောင့် ယခုဘဏ္ဍာနှစ်တွင် ဆန်ပိုမိုတင်ပို့နိုင် ခဲ့ကြောင်း မြန်မာနိုင်ငံဆန်စပါးအသင်းချုပ်(MRF)မှ သိရသည်။

ရန်ကုန်၊ စက်တင်ဘာ ၂ ရက် (ဆင်ဟွာ)

COVID-19 ရောဂါကာကွယ်ထိန်းချုပ်ရေး ကာလအတွင်း နိုင်ငံခြားသား အိမ်ခြံမြေအငှား ဈေးကွက် ၉ဝ ရာခိုင်နှုန်းကျော် ကျဆင်းနေကြောင်း၊ အိမ်ငှားခ နှုန်းထားများလည်း ၁၀ ရာခိုင်နှုန်းမှ ၁၅ ရာခိုင်နှုန်းအထိ ကျဆင်းလျက်ရှိကြောင်း သိရသည်။ 

ရန်ကုန်၊ စက်တင်ဘာ ၂ ရက် (ဆင်ဟွာ) 

၂၀၁၉-၂၀၂၀ ဘဏ္ဍာနှစ် ၁၀လ တာ ကာလအတွင်း မြန်မာနိုင်ငံသားရင်းနှီးမြှုပ်နှံမှု ပမာဏ ငွေကျပ် ၁,၄၀၀ ဘီလီယံကျော်ရှိကြောင်း၊ ၎င်းပမာဏ သည် ယခင်နှစ်ကာလ တူ နှင့် နှိုင်းယှဉ်ပါက ငွေကျပ် ၂၀၀ ဘီလီယံ ပိုမိုဝင်ရောက်ခဲ့ခြင်းဖြစ်ကြောင်း  ရင်းနှီးမြှုပ်နှံမှု နှင့် ကုမ္ပဏီများညွှန်ကြားမှုဦးစီးဌာန မှသိရသည်။

 

ရန်ကုန်၊ စက်တင်ဘာ ၁ ရက် (ဆင်ဟွာ)

COVID-19 ရောဂါ အတွေ့များလာသည့် နှစ်ပတ်အတွင်း ရန်ကုန်စတော့အိတ်ချိန်း၌ စာရင်းဝင်ကုမ္ပဏီများ ၏ စတော့ရှယ်ယာရောင်းဝယ်မှုမှာ ၅၀ ရာခိုင်နှုန်ကျော် လျော့ကျသွားခဲ့ကြောင်း ရန်ကုန်စတော့အိတ်ချိန်းမှ သိရသည်။

ရန်ကုန်၊ စက်တင်ဘာ ၁ ရက် (ဆင်ဟွာ)

အမေရိကန်ဒေါ်လာဈေးနှုန်း ဆက်တိုက်ကျဆင်းနေသည့် အတွက် မြန်မာနိုင်ငံတော်ဗဟိုဘဏ်က အမေရိကန်ဒေါ်လာ ၃ ဒသမ ၈ သန်း ကို ၄ ရက်အတွင်း ထပ်မံဝယ်ယူခဲ့ ကြောင်း သိရသည်။

ရန်ကုန်၊ သြဂုတ် ၂၈ ရက် (ဆင်ဟွာ) 

အမေရိကန်ဒေါ်လာ ဈေး တစ်ဒေါ်လာလျှင် ၁၃၇၀ ကျပ်မှ ၁၃၅၁ ကျပ်အထိ ၂ ရက်အတွင်း ၁၉ ကျပ်ခန့် ဈေးကျဆင်းသည့်အချိန်တွင် မြန်မာနိုင်ငံတော်ဗဟိုဘဏ်က သြဂုတ် ၂၈ ရက်တွင် အမေရိကန်ဒေါ်လာ ၃ ဒသမ ၈ သန်းအား နိုင်ငံခြားငွေ ဈေးပြိုင်လေလံစနစ်ဖြင့် သြဂုတ် ၂၈ ရက်တွင်ဝယ်ယူခဲ့ကြောင်း သိရသည်။

ရန်ကုန်၊ သြဂုတ် ၂၆ ရက် (ဆင်ဟွာ) 

မြန်မာ့ရွှေဈေးသည် တစ်ကျပ်သားကို ကျပ် ၁,၃၁၀,၀၀၀ မှ ၁,၂၉၃,၀၀၀ အထိ ၂ ရက်အတွင်း ကျပ် ၁၇,၀၀၀ ဈေးပြုတ်ကျခဲ့ကြောင်း မြန်မာနိုင်ငံရွှေလုပ်ငန်းရှင်များအသင်း ဒုတိယဥက္ကဋ္ဌ ဦးအောင်ဆန်းဝင်းက ဆင်ဟွာသို့ ယနေ့ သြဂုတ် ၂၆ ရက်တွင်ပြောကြားခဲ့သည်။

ရန်ကုန်၊ သြဂုတ် ၂၆ ရက် (ဆင်ဟွာ) 

၂၀၂၀ပြည့်နှစ်၊ ဇန်နဝါရီလ တွင် ကျင်းပခဲ့သည့် ကျောက်မျက်ရတနာများ မြန်မာကျပ်ငွေဖြင့်ရောင်းချပွဲတွင်  ရောင်းချခဲ့ရပြီး သတ်မှတ်ရက်အတွင်းငွေပေးချေခြင်းမရှိသော  ကျောက်စိမ်းတွဲပေါင်း ၅၀၀ ကျော်ရှိကြောင်း၊ အဆိုပါ ငွေပေးချေခြင်းမရှိသော အရောင်းအဝယ်ပျက်သွားသည့် ကျောက်စိမ်းတွဲများကို သြဂုတ် ၂၈ ရက်တွင် နောက်ဆုံးထား၍ ပြန်လည်ထုတ်ယူရမည်ဖြစ်ကြောင်း မြန်မာ့ကျောက်  မျက်ရတနာရောင်းဝယ်ရေးလုပ်ငန်း အထွေထွေမန်နေဂျာ ဦးသက်ခိုင်က ဆင်ဟွာသို့  ယနေ့သြဂုတ် ၂၆  ရက်တွင်ပြောကြားခဲ့သည်။

ရန်ကုန် ၊ ဩဂုတ် ၂၆ ရက် (ဆင်ဟွာ) 

တရုတ်-မြန်မာ ကုန်သွယ်မှုအဆင်ပြေချောမွေ့စေရေးလုပ်ငန်းအဖွဲ့သည် ဗီဒီယိုကွန်ဖရင့်စနစ်ဖြင့် ပထမအကြိမ်အစည်းအဝေးကို ဩဂုတ် ၂၅ ရက်တွင် ကျင်းပခဲ့ပြီး အနာဂတ်တွင် တရုတ်-မြန်မာကုန်သွယ်မှု အဆင်ပြေချောမွေ့စေရေးလုပ်ငန်းအဖွဲ့ယန္တရားကို အသုံးချ၍ နှစ်နိုင်ငံကုန်သွယ်မှု တည်ငြိမ်စွာဖွံ့ဖြိုးရေးကို မြှင့်တင်သွားမည်ဖြစ်ကြောင်း အရေးပါသော သဘောတူညီချက်များကို ရရှိခဲ့ကြကြောင်း မြန်မာနိုင်ငံဆိုင်ရာ တရုတ်နိုင်ငံ သံရုံးက ယနေ့ ထုတ်ပြန်ခဲ့သည်။

ရန်ကုန်၊ သြဂုတ် ၂၂ ရက် (ဆင်ဟွာ)

၂၀၁၉-၂၀၂၀ ဘဏ္ဍာနှစ်  အောက်တိုဘာလမှ ဇွန်လအထိ စုစုပေါင်းကုန်သွယ်မှုပမာဏမှာ အမေရိကန်ဒေါ်လာ ၂၈,၀၂၀ ဒသမ ၆၃ သန်း ဖြစ်ပြီး စုစုပေါင်း ကုန်သွယ်မှု လိုငွေမှာ အမေရိကန်ဒေါ်လာ ၁,၇၆၂ ဒသမ ၇၁ သန်း ဖြစ်ပေါ်ခဲ့ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာန ညွှန်ကြားရေးမှူးချုပ်ဦးမင်းမင်းက ဆင်ဟွာသို့ သြဂုတ် ၂၂ ရက်တွင်ပြောသည်။