ရန်ကုန်၊ သြဂုတ် ၁၈ ရက် (ဆင်ဟွာ) 

ရွှေ၊ လက်ဝတ်ရတနာများ၊ ရွှေဖြင့်ပြုလုပ်သည့် အနုပညာပစ္စည်းများနှင့် အသုံးအဆောင်ပစ္စည်းများ တင်ပို့/တင်သွင်းခွင့် လိုင်စင်များကို တစ်ဆင့်ခံတင်ပို့သည့် Letter of Credit (L/C) စနစ်ဖြင့်သာ ခွင့်ပြုတော့ သည့်အတွက် သြဂုတ် ၁၅ ရက်နောက်ပိုင်းတွင် ရွှေနှင့်ရွှေထည်ပစ္စည်းများ ပြည်ပသို့ တင်ပို့ မှု အေးစက်သွားခဲ့ကြောင်း ရန်ကုန်တိုင်းရွှေလုပ်ငန်းရှင်များအသင်းဥက္ကဋ္ဌ ဦးမျိုးမြင့်က ဆင်ဟွာသို့ သြဂုတ် ၁၈ ရက်တွင် ပြောသည်။

ရန်ကုန်၊ သြဂုတ် ၁၄ ရက် (ဆင်ဟွာ) 

အိန္ဒိယနိုင်ငံ  မှ မတ်ပဲတင်ပို့ခြင်းနှင့်ပတ်သက်၍ ထုတ်ပြန်လိုက်သည့်အတွက် အိန္ဒိယသို့ တင်ပို့ရမည့် မတ်ပဲတန်ချိန် လေးသိန်းအနက် တန်ချိန်တစ်သိန်းခန့်သာ တင်ပို့နိုင်မည်ဖြစ်ကြောင်း မြန်မာ နိုင်ငံ ပဲမျိုးစုံနှင့် နှမ်းကုန်သည်များအသင်း အတွင်းရေးမှူး ဦးမင်းကိုဦးက ဆင်ဟွာသို့ သြဂုတ် ၁၄ ရက်တွင်ပြောသည်။

ရန်ကုန်၊ သြဂုတ် ၁၄ ရက် (ဆင်ဟွာ) 

မြန်မာနိုင်ငံအတွင်းရှိ အွန်လိုင်းဈေးကွက် တွင် အွန်လိုင်းမှ ဝန်ဆောင်မှုပေးခြင်းများ၊ ရောင်းဝယ်ခြင်းများ များပြားလာသည့် အတွက် တရားဝင် ကုမ္ပဏီ လိုင်စင်နှင့် SME လုပ်ငန်းလိုင်စင်ရှိသူများ၊ ကိုယ်ပိုင် ဝက်ဆိုက်ရှိသူများကို မြန်မာ နိုင်ငံ ကုမ္ပဏီများဥပဒေအရ   စီးပွားရေး လုပ်ငန်းများ ဆောင်ရွက်ရန်  မှတ်ပုံတင်နိုင်ရေးလုပ်ငန်းများကို ၂၀၂၀ပြည့်နှစ် အတွင်းဆောင်ရွက်နိုင်ရန် ပြင်ဆင်လျက်ရှိကြောင်း  စီးပွားရေးနှင့်ကကုန်သွယ်ရေး ဦးစီးဌာန   ညွှန်ကြားရေးမှူးချုပ်  ဦးမင်းမင်း က ဆင်ဟွာသို့ သြဂုတ် ၁၄ ရက်တွင်ပြောသည်။ 

ရန်ကုန် ၊ ဩဂုတ် ၁၂ ရက်(ဆင်ဟွာ) 

၂၀၁၉-၂၀၂၀ ဘဏ္ဍာနှစ် အောက်တိုဘာမှ ဇူလိုင် ၃၁ ရက်အထိ ၁၀ လအတွင်း စက်မှုကုန်ချောတင်ပို့မှုမှ အမေရိကန် ဒေါ်လာ ၇ ဒသမ ၉၃ ဘီလီယံကျော် ရရှိခဲ့ကြောင်း စီးပွားရေး နှင့် ကူးသန်းရောင်းဝယ်ရေး ဝန်ကြီးဌာန၏ ထုတ်ပြန်သော စာရင်းများအရ သိရသည်။ 

ရန်ကုန်၊ သြဂုတ် ၁၂ ရက် (ဆင်ဟွာ) 

၂၀၁၉-၂၀၂၀ ဘဏ္ဍာနှစ် မေလကုန်အထိ  ပြည်ပနိုင်ငံများသို့ ရေထွက်ကုန်များ တင်ပို့မှု သည် အမေရိကန်ဒေါ်လာ  သန်း ၆ဝဝ နီးပါး ရရှိခဲ့ကြောင်း မြန်မာနိုင်ငံငါးလုပ်ငန်းအဖွဲ့ချုပ် အတွင်းရေးမှူး ဦးဝင်းကြိုင် က ဆင်ဟွာ သို့  သြဂုတ် ၁၂ ရက်တွင်ပြောသည်။ 

ရန်ကုန်၊ သြဂုတ် ၇ ရက် (ဆင်ဟွာ) 

ယခုတစ်ပတ်အတွင်း ကမ္ဘာ့ရွှေဈေးဆက်တိုက်မြင့်တက်မှုကြောင့် မြန်မာ့ရွှေဈေး က တစ်ပတ်အတွင်း တစ်ကျပ်သားကို ကျပ် ၁,၂၉၀,၀၀၀ မှ ၁,၃၃၅,၀၀၀ အထိရောက်ရှိလာသဖြင့် တစ်ကျပ်သားလျှင်ကျပ် ၄၅,၀၀၀ဈေးတက်ခဲ့ကာ ရွှေဆိုင်များသို့ အမြင့်ဈေးဖြင့် ရွှေပြန်ရောင်းသူများ များပြားလျက်ရှိကြောင်း သိရသည်။

ရန်ကုန် ၊ သြဂုတ် ၇ ရက် (ဆင်ဟွာ)

မြန်မာ နိုင်ငံ ရင်းနှီးမြှုပ်နှံမှု နှင့် ကုမ္ပဏီများ ညွှန်ကြားမှု ဦးစီးဌာန (DICA) က သြဂုတ် ၆ ရက် တွင် အတည်ပြုလက်မှတ် ဖြင့် ကျောက်ဖြူအထူး စီးပွားရေးဇုန် ရေနက်ဆိပ်ကမ်း ကုမ္ပဏီလီမိတက် မှတ်ပုံတင်ခြင်း အား ခွင့်ပြုချက်ပေးအပ်ခဲ့သည်။

ရန်ကုန်၊ သြဂုတ် ၆ ရက် (ဆင်ဟွာ)

၂၀၂၀ ပြည့်နှစ် ဇန်နဝါရီက ကျင်းပခဲ့သော မြန်မာကျပ်ငွေဖြင့် ရောင်းချသည့် ကျောက်မျက်ရတနာပြပွဲတွင် ရောင်းချခဲ့သော ကျောက်စိမ်းအတွဲများအတွက် COVID-19 ရောဂါကြောင့် ငွေသွင်းရန် နောက်ဆုတ်ထားခဲ့ပြီး၊ အဆိုပါ ကျောက်စိမ်းအတွဲများအတွက် သွင်းရန် ငွေကို သြဂုတ် ၁၅ ရက်နောက်ဆုံးထား  ငွေပေးသွင်းရန်၊ ငွေပေးသွင်းရန် ပျက်ကွက်ပါက စပေါ်ငွေသိမ်းယူမည်ဖြစ်ကြောင်း  မြန်မာ့ကျောက်  မျက်ရတနာရောင်းဝယ်ရေးလုပ် ငန်းက အထွေထွေမန်နေဂျာ ဦးသက်ခိုင်က ဆင်ဟွာသို့  သြဂုတ် ၆ ရက်တွင်ပြောသည်။

ရန်ကုန် ၊ ဩဂုတ် ၅ ရက် (ဆင်ဟွာ) 

မြန်မာနိုင်ငံမှ ပြည်ပသို့ ဆန်တင်ပို့မှုသည် ယခုဘဏ္ဍာနှစ်အတွင်း အောက်တိုဘာလ ၁ ရက်မှ ဇူလိုင် ၁၇ ရက်အထိ စုစုပေါင်း တန်ချိန် ၂ ဒသမ ၂၅ သန်းကျော် တင်ပို့ထားပြီး လျာထားချက် ပြည့်မီမည့် အနေအထား ရှိကြောင်း မြန်မာနိုင်ငံဆန်စပါး အသင်းချုပ် ဒုတိယအမှုဆောင်အရာရှိချုပ် ဦးမြင့်လွင်က ဆင်ဟွာသို့ ယနေ့တွင် ပြောကြားခဲ့သည်။ 

 

ရန်ကုန် ၊ ဩဂုတ် ၅ ရက်(ဆင်ဟွာ)

၂၀၁၉-၂၀၂၀ ဘဏ္ဍာနှစ် ၁၀ လတာအတွင်း နိုင်ငံခြားရင်းနှီးမြှုပ်နှံမှု ပမာဏ ၅ ဒသမ ၁ ဘီလီယံနီးပါး ရရှိထားပြီး လျာထားချက် ပြည့်မီရန် အလားအလာကောင်းကြောင်း ရင်းနှီးမြှုပ်နှံမှု နှင့် ကုမ္ပဏီများ ညွှန်ကြားမှု ဦးစီးဌာနမှ တာဝန်ရှိသူတစ်ဦးက ဆင်ဟွာသို့ ယနေ့ ပြောကြားခဲ့သည်။